Felepae 2:14 - mzwDBL

¹⁴ Wobɛlbwa haa dɛ ɛ la, he bɛ waa dɛɛ naɡre, dɛ bɛ waa dɛɛ tɔŋle,

Felepae 2:14 Referans Kwoze

1 Pita 4:9

He dɔŋ baa choɡe naa, lɛo, bɛ waa dɛɛ naɡre.

1 Kɔrent 10:10

Ya bɛ waa naɡre ɡɛ bane fa aa naɡre waa asɛ nyundua torome ba kpoo ba la.

Felepae 2:3

He bɛlbwa bɛ o ɡbo sɔn nyina kɛɛ jenu waa koh dɛɛ ɛ wa, kɛ hé pwɛr he te dɛ́ɛ tɛ dɔŋa, dɛ́ kpɔ ba ɡwaa he ɡbaɡba.

Jems 5:9

Yabala, he bɛ dɔŋa waa dɛɛ naɡre ásɛ dɛ ba di bolchɔɡe Korowii sie. Ya bole pae dɛ tel.

Tɔn Pɔɔl Aa Chwerɛ Rom Tena 12:18

Dɛ aa maɡroo waa, hɛɛ wonoo waa, hé takapɔ ásɛ wechɔɡa bɛlbwa bɛ he ne nomɛlbwa baah do.

1 Tesalonika 5:15

Hé nyiŋi kɛrɛdɛ dɛ bɛ ɡel bɛlbwa kpɔ wechɔɡa dɛɛ bɔ wechɔɡa kem, kɛ hé ɛ wedɛɛɡa dɛɛ tɛ he dɔŋa ne nomɛlbwa.

Jems 1:20

Nɛwɛnyini bandia aa wobɛlbwa kwaa Korowii ŋwɛnɛdɛɛɡe teŋa ta.

Galaasia 5:26

A ta chɛ kɛ yaa ɛ jenu. A ta chɛ kɛ yaa ir dɔŋa bwaawee. A ta chɛ kɛ ya dɔ bɔweela dɔŋa nɛ.

Galaasia 5:15

Dɛ haa dɔŋa nyin, dɛɛ yo aa, amɔ te hɛ́ɛ nyiŋi kɛrɛdɛ. A waa laa aa, he dɛ ba dɔŋa baah chɔɡa kwaraa.

Jems 3:14

Dɛ he dɛ nyin kɛ he ɡbo dɔ, dɛ dɔ bɔweela ne sibeɡra he bambile bini naa, amɔ he bɛ sɔn dɛ́ɛ nyin dɛ́ɛ ŋɔ he dɔ wejema. Dɛ he dɛ ɛ ɡɛ naa, dɛ he ta kasinteŋ dɔe.

Tɔn Pɔɔl Aa Chwerɛ Rom Tena 14:1

Dɛ Kristo te bɛl lole, o yarada aa wola kanɛ wɛɛ nyin o jo he bini naa, hé lɛo do he bini. He bɛ o we-ɛɛla aa korɛ he kwaa ta la dɛɛ tɔŋle.

Yela 106:25

Ba soɡe ba tɛnte deene bini dɛɛ naɡre wa, ba ta he waa la ta teŋɛ.

Tɔn Jud Aa Chwera 1:16

Gɛ nɛra nɔ, saŋ bɛlbwaa baa naɡre wa, wa aa ba siwi su. Wedoŋa ba sie aa dɛ lɛ a ta laanee baa ɛ. Ba dɛ ta nyoa. Kwaane dɔe dɛ le nɛra be waa baa bol nɛra wedɛɛɡe.

1 Pita 3:11

Wɛ́ɛ ke o te wechɔɡa ta, dɛɛ ɛ wedɛɛɡa. Ó swɛɛ siwi dɛɛ ɛ waa aa dɛ ba nyopɛo ne.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

Tɔn Pɔɔl Aa Chwerɛ Rom Tena 16:17

Yabala, n dɛ soŋe heyaa kɛŋɔ, hɛɛ nyiŋi nɛra baa ɡela he baah ɛɛ peɡri, dɛɛ baɡle waa a ne Yeesu Kristo waa baa baɡle heyaa nɔ aa wola jo, asɛ dɛɛ vuuɡi heyaa la. Hé jem ba dɛɛ ke he te ba nɛ.

We-ɛɛla 15:2

Pɔɔl ne Banabas ne ɡɛ nɛra la tɔŋle dɔŋa kɛrɛdɛ. Anomanta, ba tomɛ o ne Banabas ne Anteɔk asɔre tena la bane Jerusalam ŋɔ bá ka na Yeesu toroma la ne asɔre tena nomonome la a ɡɛ waa la wa.

We-ɛɛla 6:1

A habɔɔ la, Yeesu habɔteŋra aa ba dɛ warɛ la, naɡra baa chole Juu tena baa ɛ hɔɔhra dɛɛ bol Grik wobol la, ne banɔ la baa dɛ bol Juda wobol la baah ta. Dɛ ba dɛ bɔne suuɡa dɛɛ tɛ asɔre tena la tɔpere bɛlbwa. Asɛ Juu tena baa dɛ bol Grik wobol la ŋɔ baa ba te luhaahna tɛ.

1 Tesalonika 5:13

Ba toma la nomanta, hɛ́ɛ duu ba kɛrɛdɛ, dɛɛ nyin ba wa. Hé ɡel he bwa nyoa pɛ.

Nɛra Kura 14:27

“Ń lawɛ bambile nɛnchɔɡa baa dɛ naɡre n waa nɔ nɛɛ ka tel saŋ besoo? N no waa Israel tena aa dɛ naɡre la bwa.

2 Kɔrent 12:20

N dɛ ɔmɛ kɛ n balaa, ɡɛ maa dɛ nyin kɛ he do la, maa heyaa ɡɛɛ na, ɡɛ he ɡe aa dɛ nyin kɛ n do la, haa men ɡɛɛ na. N dɛ ɔmɛ kɛ mɛɛ ba na naɡra, ne bɔweela, ne bandisale, ne n ɡbo dɔ, ne dɔŋa chɛɡra, ne dɔŋa ŋwala, ne mbarafo dɛ wesaɡasaɡare ɛɛ he baahnee.

We-ɛɛla 15:39

Pɔɔl ne Banabas beɡre wa, dɛ a nyoa kpeɡri, asɛ ba peɡri. Banabas kpɔ Jɔn Mak ja o nɛɛ ba jo ɡbera ta kaa Saepros,

We-ɛɛla 15:7

Ba bol waa dɛ tɔŋle dɔŋa la sie, asɛ Pita ir che dɛ ŋɔ, “Yabala, he jemɔ kɛ Korowiirii fa lee mɛ he bini ŋɔ ń bol o Amanesoma la baɡle banɔ la baa wola Juu tena ɛɛ la, ásɛ ba ɡe no o waa dɛ yarada.

Amanesoma Mak Aa Chwera Tɔn 14:5

Ba fe yoɡa aa, o fe ɛɛ le suuɡajena tentenee ba fee kpɔ tɛ nyaara. A ɡɛ fe ta bɔe kɛŋɔ ɡɛ nɔ waa ɛa nɔ naa?” Dɛ chwee haah la kohona.

Matiu 20:11

Baa lɛ ba kembɔr la dɛ ba berɔ dɛɛ naɡre paa la waa ŋɔ,

Sɛɡla 13:10

Waa nee jenu ɛɛ ba, wejeremee dɛɛ bɔɔ waa bini.

Amanesoma Mak Aa Chwera Tɔn 9:14

Baa baa tel o habɔteŋra la kabora la be la, dɛ nɛnlaa bar ba cheme, asɛ ba ne Tɔnjerema bane ɛɛ tɔŋle wa.

Amanesoma Luk Aa Chwera Tɔn 5:30

Belaa Farisii tena ne ba bini Tɔnjerema la pwah o habɔteŋra la ŋɔ, “Ɛrɛɛ he ne toɔ lɛɛra baa dɛ bɔ nɛra apoo ne wechɔɡ-ɛɛra pɛ dɛɛ di kwaa nɔɔ?”