Biblia Todo Logo
Bib sou entènèt

- Piblisite -




Felepae 2:12 - mzwDBL

12 Anomanta, n dandɛɛɡa, ɡɛ haa dɛ no n waa dɛɛ teŋɛ a ta ɡɛ saŋ n fa aa lɔ he be la, a hiaoh kohona kɛŋɔ maa wola toole he be nɔ, hé ta kpoŋe ɡɛ. Korowii aa lɛ heyaa nɔ, hé kpɔ duure ne ɔmee dɛ́ɛ teŋɛ toma haa dɛ tomɛ Korowii la ta,

Gade chapit la Kopi




Felepae 2:12
41 Referans Kwoze  

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.


Anomanta, hé ɡel ya swɛɛ siwi dɛ́ dɔ ɡɛ ona la. A ta chɛ kɛ bɛlbwa ɛ a saŋ la tena deŋnekpeɡ la dɔŋ dɛ́ ba paŋɛ ɡɛ ona nɔ.


N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.


Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.


Waa aa hiaah laanee kɛŋɔ hé ɡel he we-ɛɛla bwa do wer ɡɛ aa chɛ kɛ nɛra baa no Yeesu Kristo Amanesoma la waa aa doa, ásɛ dɛ n baa ba he be noo, n ta ba wone ba noo, ń no he waa kɛŋɔ he bwa liire ɛ beŋkpoŋ, hé che kiŋkiŋ, he nyoa pɛ, hé che tɛ Amanesoma la haa yaradaa la, á won la sie,


N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.


Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.


Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.


Anomanta, n koh nɛra Korowii aa lee ba la waa dɛ lawɛ bambile wobɛlbwa ta, ásɛ Yeesu Kristo lɛ ba ɡe, dɛ berɛ tɛɛ ba jirima aa wola jaɡa dɔe bwa.


Bɔhwaah bɛlbwa aa o konnyini dɔ, kɛ nɛn waa dɛ nyin toma te, o dɛ dɔ kon waa dɛ nyin.


Korowii nyoa waa baɡɛ nɛra ona waa ŋɔa bá ba onɛ la ta lole. Anomanta, hé ɡel ya nyiŋi kɛrɛdɛ ásɛ he bɛlbwa bɛ a ɡɛ nyobaɡa la ba paŋɛ.


Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa.


Yabala haa ɛ n nɛnnyina, he pɛla laɡ mɛ. He bee n silɛɛ do, he waa baa ba men tɔɔ dawa. Anomanta, n dandɛɛɡa, hé che kiŋkiŋ pɛɛ ya ne ya Dɔɔ aa pɛa la ta.


Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.


Gɛɛ tɔpere bɛlbwa ɡe yaa bol N Naa Korowii waa bera ɛ ya Mɛɛ la be he yarada haa yaradao dɛ won kpɔ dɛɛ ɛ o toma, ne he nyina haa dɛ nyinu dɛ ɡel he sie beɡre o toma ta, ne hwɛɡa haa dɔa ya Dɔɔ Yeesu Kristo be dɛ won dɛɛ lawɛ bambile wobɛlbwa ta la.


Korowii ɡelɔ he won yarada Yeesu Kristo, dɛ berɛ won koh o waa na hɔhɔrɔwa. Wejenaa o ɛ tɛ heyaa he won koh o waa na hɔhɔrɔwa la.


He ɔma ɡelɔ n bwara ɛɛ chel, n dɛ ɔmɛ he Mmarare la.


Hɛ́ɛ ɔmɛ Korowii dɛɛ tomɔ, hé charɛ he liire, dɛ́ ba he te ne harɛ.


O lii ɡɛ he bwa fa aa dɛ no o waa ne ɡɛ he fa aa dɛ tɛo duure dɛɛ ɛ yalayala la aa, dɛ o nyina waa dɛ nyin heyaa la, dɛ jae a na dɛɛ ja.


N fa aa lɔ he be la, n ta kpeɡri dii he nɛ. Ɔmee ne bochela nee n ɛ toma he bini.


He banɔ la baa do heyaa bonɔɔna kɛɛ toli la, hɛ́ɛ no he dɔɔranar baa lɔ harɛ nɔ ta wa, dɛ́ɛ duu ba, dɛ́ ta tea dɛ́ɛ tom ba kɛŋɔ Yeesu Kristoo hɛɛ tomɛ.


Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.


Nɛn o wa aa toɡra kembɔree mkpa, asɛ wechɔɡ-ɛɛ we-ɛɛla ɛɛ ba wechɔɡa ɡbo ne.


Dɛ le saŋ la Jɔn aa lea dɛɛ bol Korowii Kora nɔ waa la, nɛra sie beɡrɔ ba kpɔ sibeɡra dɛɛ nyin dɛ́ ja o Kora la ta.


Hé ɡel ya ne Korowii yaa dɛ tomɔ fɔwɛ fɔo, ásɛ ya doŋi haahna nɔ ne ba bii bwa kaa. Yaa teŋɛ waa he ne nɛra baa dɛ teŋɛ Korowii waa ta aa bola ŋɔ yá ɛ laanee. Yaa ɛa ɡɛ Korowii Mmara aa dɛ baɡle la.


pɛɛ ya ne he bwa aa pɛa dɛɛ cha dɔŋa Amanesoma toma la ta le mumpar ba le fini la nomanta.


Kɛ ir dɛ́ kaa bwɛjen Damaskɔs bini. Belaa hɛɛ ba ɡɛ aa chɛ kɛ he ɛ jema.”


Dɛ ya Dɔɔ Yeesu sɛoh waa, mɛɛ tomɛ Timoti he bee taraken ó ba na heya, dɛ́ ba bol he waa n be ásɛ n baah sɔɔh mɛ.


N ta ɡɛ waa nɔ chwerɛ ba tɛ heyaa dɛ́ ɡel sihiih kpo heya, kɛ jae mɛɛ ja heya, haa ɛ n bidɛɛɡa maa dɛ nyin heyaa la nomanta.


He ɡba jemɔ kɛŋɔ ɡɛ saŋ maa ba he be Makidoonia harɛ loɡle la dɛ bol Amanesoma la dɛɛ tɛ heyaa asɛ dɛ kpɔ bela dɛɛ kaa la, asɔre tena baa lɔ bwɛɛre la ta la bɛlbwa ta men chae. He Felepae tena ɡboo koh toma maa ɛa he bini la waa dɛ cha mɛ suuɡa ne.


Belaa nomoa la ŋɔ bá tɛo kandea. Baa ba kandea ne la, o chwao jo Pɔɔl ne Silas be. Dɛ o dɛ ɔmɛ ɔma tenten, asɛ o bwara ɛɛ sa, asɛ o ba ɡuŋi ba sie.


N dɔ hwɛɡa kɛŋɔ ɡɛ Korowii aa pa mun dɛɛ ɛ o tondɛɛɡa he bambile bini la, wɛɛ ja a taa ka tel awola Yeesu Kristo aa ba la.


Swiv nou:

Piblisite


Piblisite