Felepae 1:17 - mzwDBL

¹⁷ Banɔ la ɡe, ba ɡbaɡba sɔn nyina waa baa bol Yeesu Kristo wa, ba tepoŋ ne laa. Ba dɛ lii kɛŋɔ ba ɛ ɡɛ naa, baa wonoo ɡel n tea bini chɔɡ dɛ́ ja n dea chɔe nɔ ta.

Felepae 1:17 Referans Kwoze

Felepae 2:3

He bɛlbwa bɛ o ɡbo sɔn nyina kɛɛ jenu waa koh dɛɛ ɛ wa, kɛ hé pwɛr he te dɛ́ɛ tɛ dɔŋa, dɛ́ kpɔ ba ɡwaa he ɡbaɡba.

Felepae 1:7

Aŋwɛnɛ taa n dɔ he hwɛɡa ɡɛ la, dɛkalkɛ he bwa waa lɔ n bambile ta. Baa do mɛ dea la, ne yoi maa yoa lɛ Amanesoma la cheɡ dɛ bol kasinteŋ aa lɔ a ta dɛɛ baɡle nɛra la, n ne he bwa nɛɛ Korowii sune dɛ cha yaa a ta.

2 Timoti 4:16

Baa yer mɛ cheme ŋɔ ń ba tɔh n nyoa loɡla la, n ta nomɛlbwa dɔe ó ba che n habɔɔ. Nɛra bwa chwa mɛ. Korowii bɛ ɡel a ɛ wechɔɡa ɡure ba nɛ.

1 Timoti 2:7

Anɔ waa Korowii lee mɛ ŋɔ ń lɔ a dawuro baɡle nɛra, dɛ́ berɛ ɛ Yeesu torome ɡe la. Kasinteŋii mɛɛ bol la, maa nyosone teŋe. Onee ɡela mɛɛ baɡle nɛra baa wola Juu tena ɛɛ la, ásɛ ba yarada Yeesu dɛ́ jemɛ kasinteŋ la.

We-ɛɛla 26:24

Pɔɔl aa dɛ bol waa ken la, Koojen Fɛstɔs kɔro ŋɔ, “Pɔɔl, choɡlaa dɛɛ wee kɛɛ? He tɔn jema kohona laanee dɛɛ wee choɡla la!”

We-ɛɛla 26:1

Anee Kooro Aɡrepa ŋɔ Pɔɔl be ŋɔ, “N tɛɛ ŋwɛnɛ, ir dɛ́ bol he kon.” Waa ŋɔ ɡɛ la, Pɔɔl ir nɔn dɛ baɡle kɛŋɔ o dɛ ba o kon bola bá no, dɛ ŋɔ,

We-ɛɛla 22:1

“N mɛɛwa ne n dɔɔranarwa, hé do deŋna n be ásɛ n bol n kon hé no.”

Amanesoma Luk Aa Chwera Tɔn 21:14

Ba baa lawɛ heya aa, he bɛ ɡel waa haa ka bol la hiah heya.

Tɔn Pɔɔl Aa Chwerɛ Rom Tena 2:8

Nɛra baa dɛ ɛ ba tetoowa, baa wola Korowii waa aa ɛ kasinteŋ ta teŋɛ, dɛɛ ɛ wechɔɡa la, Korowii bwaawee ɛɛ ir ba nɛɛ taeh.

Felepae 1:18

Kɛ pɛɛpɛɛ. Dɛ liichɔɡa nee baa bola o, dɛ tepoŋ nee baa bola o, Yeesu Kristo waa baa bol la, n baah sɔɔh mɛ. Aa sɔɔh mɛɛ dɛɛ la,

2 Timoti 2:9

dɛ koh a waa dɛɛ na wa, hale nɛra koh a waa dɛ kpɔ jɔɡrɔre vɔɡ mɛ, dɛ do mɛ dea kɛ wechɔɡ-ɛɛ. Kɛ Korowii waa te, nɛn aa won kpɔ jɔɡrɔre vɔwa.