Ɛsra 9:3 - mzwDBL

³ Maa no ɡɛ waa nɔ la, n kɛɛ n batakaare, dɛ tɛr n nyumpona ne n tampona, asɛ dɛ so harɛ n bwara yɔr, n tea bini aa chɔɡa wa.

Ɛsra 9:3 Referans Kwoze

Nehemia 1:4

Maa no waa nɔ la, n soɡo dɛ wi. N wio la sie tɔpere bɛl tama dɛ vɔwɛ nyoa, dɛ soŋe Korowii Waa Dɛ Di Kora Nyundua ŋɔ,

Josua 7:6

Ate, Josua kɛɛ laala waa doa la, dɛ kpɔ sie pi harɛ Korowii Ne Nɛwɛnyina Fɔo Daka la sie, dɛ chɔ bela ka tel jɔmɔra. Israel nomonome la ɡe ɛ ɡɛ, ba ne Josua bwa ɛ teera do ba nyuune ta a baɡle kɛŋɔ ba loo kuu.

Maeka 1:16

Juda tena, hé fonɛ he nyuune, á baɡle kɛ he dɛ di suna, dɛ́ wi tɛ he bii haa dɛ nyin ba la. Hé paa he nyuune, á do kɛŋɔ kɔkɔsaki nyu, dɛkalkɛŋɔ baa laɡ baa le he be kaa bojaŋ harɛfale ta.

Daneɛl 8:27

Men Daneɛl, dɛ n ɡwɛɡrɔ, n bwara wee mɛ la sie tama mɔɔ n ta won ba ir dɛ ɛ toma tɛ kooro. N ta wepila la mun noɛ, dɛ a ɡwaa n liire ta.

Daneɛl 4:19

Ate, Daneɛl baa bera dɛɛ yerɔ Bɛltesasa la bwara yɔr kohona, o wili waa waa dɛ lii ta. Anomanta, kooro la ŋɔ, “Bɛltesasa, bɛ ɡel deera la kɛɛ a mun baɡla dɔe ɔmee.” Ate, Bɛltesasa chaŋe ŋɔ, “N naa kooro, n dɛ nyin kɛ deera nɔ ne a mun fe bɛ he waa ɛ, dɛ fee ɛ he dɔma wa.

Ɛsekeɛl 7:18

Baa kpɔ lweyalee tɔ ɔmee laɡ ba kohona. Sihiih ɛɛ kpo baa ba fonɛ ba nyuune bwa ta, á baɡle kɛ ba dɛ di suna.

Ɛsekeɛl 3:15

N ba n bala baa laɡ ba ba Babelɔn harɛ bobɛl baa dɛ yerɔ Tɛl Abib la be, o bɛne Keba Moo la. N soɡe ba be tɔpera anuanɛ, asɛ n bwara yɔr waa maa naa la wa.

Jeremia 36:24

Kɛ ane a bwa, kooro ne nɛra baa ja o nɛɛ dɛ no waa nɔ la, ta ɔmɛ, a ba ɛ kɛ baa tea bini ɛɛ chɔɡoo.

Jeremia 7:29

Jerusalam tena, hé wi, hé fonɛ he nyuune dɛ́ pa ta. Hé kaa deŋɡarere dor dɛ́ kaa taa wiile, dɛkalkɛ men Korowii, n baah di he nɛɛ n vɛh heya.

Aesaya 15:2

Debɔn tena teehnɔ kaa deŋɡare ta, bela ba voɡ aa lole dɛ́ ka wi. Moab harɛ ta nɛra bwa ɛɛ wi bwɛjena Nɛbo ne Medeba waa, dɛ́ fonɛ ba nyuune ne tampona bwa ta, aa baɡle suna dii.

Yela 143:4

Anomanta, n hwɛɡa bwa tonɔ tonɛ, n bambile bwa chɔɡɔ.

Yela 66:3

Hé ŋɔ Korowii be ŋɔ, “He we-ɛɛla dɔ nyokpoa, he kpeɡri haa dɔa ɡe do kan kohona a ɡel he dɔma kpɔ ɔmee baa ɡuŋi he sie.

Job Tɔn 1:20

Job aa no ɡɛ la, o ir che dɛ laa o batakaare kɛɛ, a baɡle kɛ o loo kuu, dɛ fonɛ o nyu. Ate, dɛ chɔ kpɔ sie pi harɛ, dɛ jam Korowii,

Nehemia 13:25

Asɛ n baah di ba nɛ, dɛ taah ba. N lɔɔ ba, dɛ chuɡri ba bini bane ɡe nyumpona, dɛ ɡel ba ŋwɛɛ ntam Korowii sɔn ta kɛŋɔ, ba ne ba bibaala ne bihaahna bɛ nɛŋhɔɔhra baa wola Korowii tomɛ mo, kɛɛ dɛ yalɛ kpa bwa.

2 Koranar 18:37

Ate, Eliakim ne Sɛbna, dɛ Joa kɛɛ ba laala, a baɡle kɛ ba loo kuu, dɛ la Kooro Hɛsɛkea be, dɛ ka bol waa Asiiria koojen laa sitɔɔ la aa bola la o be.

Lewi Dea Tena 21:5

Sɔfo bɛlbwa bɛ o nyu fonɛ kɛɛ dɛ kuu o tampona dɛ́ mɔne o bwara á baɡle kɛ o dɛ ɛ lwe.

2 Samoɛl 1:11

Belaa Devid ne laa tena baa ja o nɛɛ bwa kɛɛ ba laala a baɡle kɛ ba loo kuu.

Yela 119:53

N nao kɛ nɛnchɔɡa vɛh he Mmarare la ta teŋa aa, dɛ n baah diu.