Ɛsra 8:18 - mzwDBL

¹⁸ Korowii yaa dɛ tomɔ aa sune ya nɛ, dɛ ja ya nɛɛ nomanta, ba tɛ yaa Sɛrebea waa dɔ kwaa ɛɛ wejema kohona. O ɛ Lewi dea te, dɛ le Maali dea, asɛ o bibaala ne o nimanar baala fi dɛ banuatoro ja o nɛɛ dɛ ba.

Ɛsra 8:18 Referans Kwoze

Jeremia 3:15

Mɛɛ kpɔ heyaa do sitɔɔla baa dɛɛ nyiŋi he nɛɛ nɔn taa, ásɛ ba kpɔ wejema ne waa mun noe nyiŋi he nɛ.

Nehemia 2:8

N berɔ soŋo ŋɔ ó chwerɛ tɔn tɛ mɛ ń kpɔ ka tɛ Asaf waa dɛ nyiŋi koojen kɔne ta la, ásɛ o tɛ mɛ doli maa kpɔ ɛ dekpeɡ la doonyoo aa bɛne Korowii Dea, ne danjwɛkpeɡ waa bar bwɛjen la, dɛ dem maa ka so o ta. Korowii ja n nɛɛ nomanta, koojen la tɛ mɛ komɛlbwa maa soŋo.

Ɛsra 7:28

O berɔ sune n nɛɛ kɛrɛdɛ n dɔ jirima koojen ne o nɛra baa dɛ jao, dɛ o nomonjena baa kpeɡa bwa sie. Korowii maa dɛ tomɔ aa ja n nɛɛ nomanta, n dɔ ɡbemba dɛ won boa Israel deene nomonnyuune nyoa, asɛ n ne ba berɛ ba Jerusalam.”

Daneɛl 1:20

Le ɡɛ saŋ dɛɛ kaa la, wobɛlbwa kooro la aa dɛ nyin a wejema ne waa mun noe waa la, o dɛ bɔɔ ba, asɛ dɛ na kɛŋɔ Daneɛl ne o bala batoro la wejema ɡwaa voɡra ne dobodobo tena baa lɔ o harɛ ta bwa kerafi.

Ɛsra 8:22

Dɛ sihiih dɛ kpo mɛ kɛ n soŋe laa tena ne nɛra baa soɡe jaɡre ta le koojen be ŋɔ, bá tɔ yaa ɡbemɡbe le ya dɔma baa lɔ ŋwɛnɛ ta la be, dɛkalkɛŋɔ ya ŋɔ koojen la be ŋɔ Korowii dɛ sune nomɛlbwa waa kpɔ o te dɛɛ tɛo nɛ, kɛ nɛra baa vɛoh la te, o baah ɛɛ diu kohona ó tɛr ba deŋne.

Ɛsra 7:6

A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

1 Webena 6:19

Merari ɡe bibaalaa, Maali ne Musi. Banɔɔ Lewi dea nomonome, ne ɡɛ ba mɛɛnanar aa teŋɛ dɔŋa nɛ,

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

Sɛɡla 24:3

Wejema nee baa do dem, asɛ waa mun noe ɡel wɛɛ che.

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

Nehemia 12:24

Dɛ Lewi dea tena nomonome laanee, Hasabia ne Sɛrebea dɛ Kadmiel bibaa Jesua, dɛ ba bala baa ja ba nɛ. Ba bɔne ba bini kuore anɛ, beŋkpoŋ dɛ ɡo yela asɛ beŋkpoŋ ɡe ɛɛ sɛh ba nyoa. Ba bwa pɛo dɛ ɡo yela dɛɛ kpɛɛ dɛɛ jam Korowii, ɡɛ Korowii nɛn Kooro Devid aa baɡla la.

Nehemia 10:12

ne Sakur ne Sɛrebea dɛ Sebania,

Nehemia 8:7

Ate, nɛra la ir che, asɛ Jesua ne Bani ne Sɛrebea, ne Jamin ne Akub ne Sabetai, ne Hodia ne Maaseya ne Kelita, ne Asaria ne Josabad ne Hanan, dɛ Pɛlaya, baa ɛ Lewi dea tena la baɡle Mmara la bini dɛɛ baɡ ba.

Ɛsra 8:24

Ate, n le sɔfo nomonome fi dɛ banɛ, ne Sɛrebea ne Hasabia dɛ ba bala fi ja.

Ɛsra 8:16

Anomanta, n yerɛ Eliesa ne Areɛl ne Sɛmaya, ne Ɛl Netan ne Jarib ne Ɛl Netan, ne Netan ne Sekaria dɛ Mɛsolam ba fa aa ɛ nomonome, dɛ yerɛ Joiarib ne Ɛl Netan baa dɔ wejema kohona,

Nɛra Kura 3:20

Merari dea biirii nɔ, Maali ne Musi. Kenii Lewi dea tena ne ba lolanar waa do.

2 Webena 30:22

Kooro Hɛsɛkea jam Lewi dea tena wejema ne kpɛɛra baa dɔa, dɛ kpɔ cha tɔpejen la dii la. Tɔpera anuanɛ bwa la, ba tɛɛ ba saraha kwaa aa ɛ ba dibɔra la ba di, dɛ ɛ deŋnesɔɔhna sarahare, dɛ kpɛɛ Korowii ba naawa aa tomɔ la.

Ɛsra 8:19

Ba ɡelɔ Hasabia dɛ Jesaya baa le Merari dea ɡe ba, ba lolanar fifraanɛ ja ba nɛ.

1 Webena 6:1

Lewi bibaalaa, Gɛsɔn ne Kohat dɛ Merari.

1 Webena 6:4

Eliasaa lolɛ Fenehas, Fenehas ɡe lolɛ Abisua,

Ɛsra 7:9

Korobiloɡle tɔpere waa tɔ sie taa ba pa mun le Babelɔn harɛ ta, asɛ korobie anue tɔpeloɡle ne tela dɛ Korowii chao o ba tel Jerusalam.