Ɛsra 8:16 - mzwDBL

¹⁶ Anomanta, n yerɛ Eliesa ne Areɛl ne Sɛmaya, ne Ɛl Netan ne Jarib ne Ɛl Netan, ne Netan ne Sekaria dɛ Mɛsolam ba fa aa ɛ nomonome, dɛ yerɛ Joiarib ne Ɛl Netan baa dɔ wejema kohona,

Ɛsra 8:16 Referans Kwoze

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

2 Timoti 2:7

Gel waa maa bola nɔ do he liire bini. Korowii ɛɛ ɡeloo he jemɛ a bwa mun kɛrɛdɛ.

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

Sɛɡla 28:2

Harɛ wechɔɡ-ɛɛra aa lɔ o ta la, o koranaree dɛɛ warɛ. Kɛ harɛ waa dɔ nomonome baa dɔ wejema la, dɛ do kpeɡri dɛ́ che kiŋkiŋ.

Sɛɡla 20:5

Waa aa lɔ nɛn liire bini do kɛŋɔ bule waa luŋa bini nee ken, naate waa dɔ wejema laanee won nee la dɔe.

Sɛɡla 2:6

Korowii bee wejema le, onee dɛɛ tɛ wejema ne waa mun noe.

Ɛsra 10:39

ne Sɛlɛmia ne Netan dɛ Adaya,

Ɛsra 10:21

Le Harim naanar bini, Maaseya ne Elaeja ne Sɛmaya ne Jehiel dɛ Usia.

Ɛsra 8:18

Korowii yaa dɛ tomɔ aa sune ya nɛ, dɛ ja ya nɛɛ nomanta, ba tɛ yaa Sɛrebea waa dɔ kwaa ɛɛ wejema kohona. O ɛ Lewi dea te, dɛ le Maali dea, asɛ o bibaala ne o nimanar baala fi dɛ banuatoro ja o nɛɛ dɛ ba.

Ɛsra 8:13

Adonikam naanar bini, banɔ la baa ka mun ba laanee, Ɛlefɛlɛt ne Jeyuwel dɛ Sɛmaya, asɛ baala fifraanumɛl ja ba nɛ.

2 Webena 2:12

Dɛ berɛ ŋɔ, “Yá kpɛɛ Korowii Israel tena aa dɛ tomɛ, o ta nyundua ne harɛ. O tɛ Kooro Devid bibaa waa dɔ wejema, dɛ dɔ waa mun noe kohona, dɛɛ ba Dea doe tɛ Korowii dɛ́ berɛ do o koodem.

1 Webena 26:14

Wee leebɔr doonyoa la lawɛ Sɛlɛmia, asɛ o bibaa Sekaria waa dɛ ja nɛra la, weekaŋle nyundua doonyoa lawɛ o ɡe.

1 Webena 12:32

ne Isaaka dea baala, banee dɛ wobɛlbwa ba Israel harɛ ta ɡɛ saŋ aa, ba yon tɔ a sie dɛ baɡle ŋwɛnɛ baa kpɔ a ta. Ba lɔ koranar lafraanɛ, ba lolanar bwa ja ba nɛ,

1 Koranar 3:11

Asɛ Korowii ŋɔ o be ŋɔ, “Waa nɔ haa soŋa haa wola mkpajaŋ kɛɛ he ɡbaɡba kondɔɔh soŋɛ kɛɛ he dɔma serewe, kɛ dɛ soŋe wejema dɛ́ kpɔ dɛɛ nyiŋi nɛra nɛɛ kasinteŋ ne nɔ,

Ɛsra 8:15

Ate, men sɔfo Ɛsra boa nɛra baa le harɛfale ta ba la nyoa, bɔɔ bɛl baa kwiu asɛ nee palɛ kpɔ o bini dɛɛ kaa Ahava ta, asɛ ya so bela tɔpera atoro. Maa nyiŋi nɛra la ne sɔfore la bini la, n ta Lewi dea te bɛlbwa nae.

Ɛsra 8:17

dɛ tom ba bwɛɛ nomoa bɛl waa lɔ Kasifia baa yerɔ Ido be. N bol waa baa ka bol Ido ne o bala baa ja o nɛɛ dɛɛ ɛ toma Korowii Dea be ŋɔ, bá tɛ yaa nɛra bá baa tomɛ Korowii yaa dɛ tomɔ o Dea.