Ɛsra 7:6 - mzwDBL

⁶ A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

Ɛsra 7:6 Referans Kwoze

Ɛsra 8:22

Dɛ sihiih dɛ kpo mɛ kɛ n soŋe laa tena ne nɛra baa soɡe jaɡre ta le koojen be ŋɔ, bá tɔ yaa ɡbemɡbe le ya dɔma baa lɔ ŋwɛnɛ ta la be, dɛkalkɛŋɔ ya ŋɔ koojen la be ŋɔ Korowii dɛ sune nomɛlbwa waa kpɔ o te dɛɛ tɛo nɛ, kɛ nɛra baa vɛoh la te, o baah ɛɛ diu kohona ó tɛr ba deŋne.

Ɛsra 7:28

O berɔ sune n nɛɛ kɛrɛdɛ n dɔ jirima koojen ne o nɛra baa dɛ jao, dɛ o nomonjena baa kpeɡa bwa sie. Korowii maa dɛ tomɔ aa ja n nɛɛ nomanta, n dɔ ɡbemba dɛ won boa Israel deene nomonnyuune nyoa, asɛ n ne ba berɛ ba Jerusalam.”

Ɛsra 8:31

Korobiloɡle, tɔpera fi dɛ anɛ taa ya le bela baa kwi bɔɔ nee ɛɛ palɛ o bini dɛ do Ahava dɛ kaa Jerusalam. Korowii yaa dɛ tomɔ la ja ya nɛ, dɛ tɔ yaa ɡbemɡbe le ya dɔma ne ŋwɛɛra baa sɔh ŋwɛnɛ ta nɔn ta.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Nehemia 2:18

N berɔ ŋɔ ba be ɡɛ Korowii maa dɛ tomɔ aa sune n nɛɛ dɛ kpɔ nɔn tɔ n nɛ, ne koojen la waa waa bol n be la. Anee ba chaŋe ŋɔ, “Hé ɡel ya pa mun kwaa dɛɛ ma.” Anomanta, ba kpɔ ba te dɛ́ ɛ ɡɛ tondɛɛɡa nɔ.

Nehemia 2:8

N berɔ soŋo ŋɔ ó chwerɛ tɔn tɛ mɛ ń kpɔ ka tɛ Asaf waa dɛ nyiŋi koojen kɔne ta la, ásɛ o tɛ mɛ doli maa kpɔ ɛ dekpeɡ la doonyoo aa bɛne Korowii Dea, ne danjwɛkpeɡ waa bar bwɛjen la, dɛ dem maa ka so o ta. Korowii ja n nɛɛ nomanta, koojen la tɛ mɛ komɛlbwa maa soŋo.

Ɛsra 8:18

Korowii yaa dɛ tomɔ aa sune ya nɛ, dɛ ja ya nɛɛ nomanta, ba tɛ yaa Sɛrebea waa dɔ kwaa ɛɛ wejema kohona. O ɛ Lewi dea te, dɛ le Maali dea, asɛ o bibaala ne o nimanar baala fi dɛ banuatoro ja o nɛɛ dɛ ba.

Ɛsra 7:21

Taraken, men Koojen Atasɛksɛs dɛ do Yufretis Moo wee cholibɔr harɛ nɛra baa dɛ cheɡ n harɛ suuɡare la ŋɔ, bá do sie tɛ sɔfo Ɛsra waa ɛ Korowii Waa Dɛ Di Kora Nyundua chicha dɛɛ baɡle o Mmarare bini la komɛlbwa waa dɛ nyin,

Ɛsra 7:9

Korobiloɡle tɔpere waa tɔ sie taa ba pa mun le Babelɔn harɛ ta, asɛ korobie anue tɔpeloɡle ne tela dɛ Korowii chao o ba tel Jerusalam.

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

Mmarare 28:1

Mosis berɔ ŋɔ, “Dɛ he do sie dɛɛ teŋɛ Korowii haa dɛ tomɔ nɔ waa maa dɛ bol he be fini nɔ ta kɛrɛdɛ naa, wɛɛ ɡeloo he sɔn le ɡwaa harɛre nɛra bwa.

Mmarare 4:5

Hé na, n baɡle heyaa Mmarare bwa ɡɛ Korowii maa dɛ tomɔ aa ŋɔ n be la, ásɛ he ɡe kaa teŋɛ a ta harɛ haa dɛ la ka kpɔ ó ɛ he kon la ta.

1 Kɔrent 15:1

Yabala, hé ɡel n lii heyaa Amanesoma la n fa aa bola baɡle heyaa asɛ he no dɛ taa teŋɛ a ta,

1 Kɔrent 1:20

A ba ɡɛ naa, dɛ lee wejerema ne tɔnjerema wejema dɔɔ jaɔ? Nɛra baa dɔ wobol wejema ɡe, dɛ lee ba dɔɔ? Korowii ɡelɔ nɛwɛnyini wejema ɛ pɛɛpɛɛ.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Aesaya 59:1

He bɛ dɛɛ lii kɛŋɔ Korowii aa kpeɡe dɛ́ lɛ heya, kɛɛ o deŋna tɔɔɡɔ waa wola yera haa dɛ yerɔ la no.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Yela 45:1

Wobol aa wera su n nyoa, mɛɛ ba kpɔe ɡo yel tɛ kooro. N nyoa wobol do kɛŋɔ, kon nɛn waa jemɛ chwera kɛrɛdɛ, aa kpoŋa dɛɛ chwerɛ.

Nehemia 12:36

O bala ba ɡe aa ɛ Asaf naanar la bane teŋɛ o nɛ. Banee, Sɛmaya ne Aasarɛl ne Milalai, ne Gilalai ne Maai ne Nɛtanɛl, ne Juda dɛ Hanani. Dɛ ba bwa kpoŋe Korowii nɛn Kooro Devid kwaa waa kpɔa dɛɛ lɔ yela la dɔŋa. Asɛ sɔfo Ɛsra waa ɛ tɔnjereme tɔ ba sie.

Nehemia 8:13

Korobie anuanɛ tɔpenɛɛte ta la, nomonnyuune ne sɔfore, dɛ Lewi dea tena la kaa cheme Ɛsra waa ɛ tɔnjereme be, o baɡ ba Mmara waa la ja.

Nehemia 4:15

Ya dɔma noɔ kɛŋɔ ya jemɛ vɔrɔwa baa vɔrɔwa la, dɛ berɛ na kɛŋɔ Korowii chɔɡ ba wa. Ate, ya bwa berɛ ba danjwɛɛ toma la ta, bɛlbwa baa ɛ o toma.

Nehemia 2:12

baala tama banee ja n nɛ, n ne ba ir jwaana. N ta waa Korowii aa kpɔa do n liire bini ŋɔ ń ɛ Jerusalam la bolɛ baɡle nomɛlbwa, keeɡo maa soɡe o ta ɡboo, ane ta jae kpa.

Ɛsra 6:22

Ba di Paanoo Iisi Aa Wola Toole A Ta Tɔpejen tɔpera anuanɛ silɛɛ ne, dɛkalkɛŋɔ Korowii charɛ Asiiria koojen liire, o won cha ba ba ma Korowii Israel tena aa dɛ tomɔ Dea la.

Ɛsra 5:5

Kɛ dɛ Korowii baa dɛ tomɔ la sie lɔ Juu tena nomonome la nɛ, a ɡel Pɛɛsea nomonome la ta wone ɛ wobɛlbwa, ka tel kɛŋɔ baa chwerɛ tɔn ka tɛ Koojen Dareɔs, asɛ o chaŋ ba mɔɔ.

Jeremia 8:8

Ɛrɛɛ hɛɛ ba wona ŋɔ he jemɛ wa dɛ jemɛ me Mmarare la ɡeɔ? Nɛra baa dɛ chwerɛ Mmarare la bera, dɛ́ neɡre heya.

Nehemia 12:26

Gɛ saŋ dɛ Jesua bibaa Joiakim, o nabaa aa ɛ Josadak, ne Nehemia waa dɛ nyiŋi harɛ la ta, dɛ sɔfo Ɛsra waa ɛ tɔnjereme la lole.

Nehemia 8:9

Ate, Nehemia waa ɛ harɛ la ta nomoa, ne sɔfo Ɛsra waa ɛ tɔnjereme, dɛ Lewi dea tena baa baɡle waa la bini tɛ nɛra la ŋɔ, “Fini tɔpere do ɡoroŋ tɛ Korowii haa dɛ tomɔ, he bɛ wi.” Dɛkalkɛ nɛra la aa dɛ no waa la, dɛ ba dɛ wi.

Nehemia 8:4

Dɛ ba koh waa la waa dɛ kpɔ daa kwaa komɛl o kaa nyundua, asɛ Ɛsra ka che o ta. Asɛ Matitia ne Sema ne Anaya, ne Uria ne Hilkia dɛ Maaseya che o diɡ pera. Pɛdaya ne Mesael ne Malkija, ne Hasum ne Hasbadana ne Sekaria, dɛ Mɛsolam ɡe cheɡɛ o ɡal ta.

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

Matiu 23:2

“Tɔnjerema la ne Farisii tena nɔɔ dɔ ŋwɛnɛ kɛ bá chaɡle Mosis Mmara la bini baɡle nɛra.

Ɛsra 7:5

Abisua lolɛ Buki, Fenehas lolɛ Abisua, Eliasa lolɛ Fenehas, asɛ Arɔn waa ɛ Sɔfonomoa la lolɛ Eliasa.

Nehemia 8:1

Korobinuanɛ te ta la, dɛ Israel tena bwa kaa so ba bwɛɛre ta. Asɛ o tɔpeloɡle ta ba bwa ba cheme Nee Doonyoa la sie Jerusalam kɛŋɔ nɛmbeŋkpoŋ bii. Asɛ ba ŋɔ sɔfo Ɛsra ne tɔnjereme la be ŋɔ, ó kpɔ Korowii Mmara Tɔn o fa aa cheɡɛ Mosis nɛɛ kpɔ tɛ Israel tena la ba.

Ɛsra 8:1

Gɛ saŋ Israel deene nomonnyuune baa laɡ ba kaa bojaŋ harɛfale ta Babelɔn la, nɛra baa teŋɛ sɔfo Ɛsra nɛɛ ba Jerusalam ɡɛ saŋ Koojen Atasɛksɛs aa di kora laanee nɔ.

Nehemia 9:13

He le nyundua ba Sinai Bwejen ta, dɛ ba bol waa baɡle he nɛra, dɛ kpɔ waa aa wera ne webaɡla aa toɡra baɡ ba.

Yela 80:18

Yaa habɔɔ berɛ kpoe kpa, tɛ yaa bokpeɡfala, ásɛ ya won kpɛɛre.

Yela 109:27

N Naa Korowii, ɡel n dɔma jemɛ kɛŋɔ henee lɛɛ mɛ.

Yela 147:19

O pili o Mmarare ne o waa bini chaɡle Jekɔb naanar baa ɛ o nɛra Israel tena la.