Ɛsra 7:10 - mzwDBL

¹⁰ Sɔfo Ɛsra le o te cheɡ dɛ tɛ Korowii Mmarare la hwela ne a bini nyiŋa, asɛ dɛɛ chaɡle Korowii waa ne mmarare aa lɔ Israel harɛ ta.

Ɛsra 7:10 Referans Kwoze

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

Matiu 7:24

Nomɛlbwa waa no n waa nɔ, dɛ ɛ ɡɛ aa dɛ baɡle la, do kɛ wejereme bɛl waa ma o dea chɔŋɛ bwe ta.

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Amanesoma Jɔn Aa Chwera Tɔn 13:17

Dɛ he jemɛ ɡɛ waa nɔ dɛɛ ɛa ɡe te naa, hɛɛ na somee.

Yela 1:2

Ba sie dɛ lɛ Korowii waa ta, dɛɛ hweli o Mmara la chɔɔ ne jwaana.

Ɛsra 7:25

Hen sɔfo Ɛsra, che wejema Korowii haa dɛ tomɔ aa tɛɛ ta, dɛ le nomonome ne banɔ la baa jemɛ waa bola dɛɛ pa bole, ásɛ baa nyiŋi nɛra baa lɔ Yufretis Moo wee cholibɔr harɛ ta nɛ, dɛɛ teŋɛ Korowii haa dɛ tomɔ Mmarare ta. Takapɔ chaɡle banɔ la ɡe baa wola mmarare la jemɛ la.

Yela 19:7

Korowii Mmara wer, dɛɛ tɛ bokpeɡfale, Korowii waa waa dɛ do yaa a ta chɛ kɛ yá kpɔ ya te dɛɛ dawɛ a ta, a ɡelɔ banɔ la baa wola wobɛlbwa jemɛ la ɛɛ jemɛ wa.

Mmarare 33:10

Báa dɛɛ baɡle he nɛra he Mmara ta teŋa taa, dɛ́ kpoo jam kwaa dɛɛ tɛɛ he saraha kon la ta.

1 Webena 29:18

N Naa Korowii, ya naa Abraham ne Aesek dɛ Jekɔb aa tomɛ, ɡel ɡɛ nyina nɔ do he nɛra bambile ta saŋ bɛlbwa dɛɛ la, asɛ ba waa dɔ kasinteŋ tɛ he ɡbo.

Yela 10:17

N Naa Korowii, he dɛ no nɛŋɡwɛɡra wesoŋa, dɛɛ do ba ɡbemba,

Ɛsra 7:6

A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

Taetos 2:1

He te, a chɛ kɛ hɛɛ baɡle Korowii waa aa ɛ kasinteŋ aŋwɛnɛ ta kɛrɛdɛ.

Yela 119:45

Mɛɛ valɔɔ maa wola ɔmɛ, dɛkalkɛŋɔ n teŋɛ he Mmarare ta.

Yela 57:7

N Naa Korowii, he nɛɛ mɛɛ hwɛɡɛ kohona, mɛɛ ɡo yelaa kpɛɛre.

2 Webena 30:22

Kooro Hɛsɛkea jam Lewi dea tena wejema ne kpɛɛra baa dɔa, dɛ kpɔ cha tɔpejen la dii la. Tɔpera anuanɛ bwa la, ba tɛɛ ba saraha kwaa aa ɛ ba dibɔra la ba di, dɛ ɛ deŋnesɔɔhna sarahare, dɛ kpɛɛ Korowii ba naawa aa tomɔ la.

2 Webena 19:3

Kɛ he ɛ wedɛɛɡa tama ane, dɛkalkɛ he teŋni voɡ Asera daa nɛra aa dɛ tomɛ le he harɛ ta, dɛɛ teŋɛ waa Korowii aa dɛ nyin ta.”

2 Webena 12:14

Kooro Rɛhoboam ɛ wechɔɡa dɛ jo Korowii nɛ, dɛkalkɛ o ta o bambile bwa kpɔe tɛ Korowii.

1 Samoɛl 7:3

Asɛ Samoɛl ŋɔ Israel tena be ŋɔ, “Dɛ hɛɛ berɔɔ ba Korowii be dɛɛ nyinu he bambile bwa ne, dɛ́ laa he te kpɔ voɡa toma ne voɡhaahna Astɔrɛt nɛ, dɛ́ kpɔ he te tɛo dɛɛ tomɛ o ɡbo aa, wɛɛ lɛ heyaa le Filisti tena kpeɡri baa dɛ di he nɛɛ la taa.”

Taetos 2:15

Baɡ ba ɡɛ waa nɔ bwa, dɛ́ kpɔ he kpeɡri do ba ɡbemba, dɛ́ ja ba, dɛ́ bɛ ɡel ba bɛlbwa nyiŋi he nyubaah.

1 Timoti 3:2

A ɡɛ nɛn la, a ta chɛ kɛŋɔ nɛra dɔ o wechɔɡe bol. A chɛ kɛ o haah ɛ beŋkpoŋ. A chɛ kɛ o won o te lawa, dɛ dɔ nfɛrɛ, o we-ɛɛla ɛɛ lɛ nɛra sie. A chɛ kɛ o ɛ nɛn waa won hɔɔhra kpoŋa, dɛ won Korowii Waa baɡla.

We-ɛɛla 1:1

Nomoa Teɔfelɔs, n tɔn la maa tɔ sie chwerɛ la, n le Yeesu toma la mumpar dɛ baɡle o we-ɛɛla ne o webaɡla waa bwa

Mmarare 16:12

Hé lii kɛŋɔ he fa di somanjiri Ijipt harɛ ta ka, anomanta, hé nyiŋi kɛrɛdɛ dɛ́ɛ teŋɛ ɡɛ waa nɔ ta.

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

Matiu 5:19

Anomanta, naate waa berɛ Mmara la bini onjeɡa bɛlbwa dɛ́ berɛ chaɡle bane ɡe bá ɛ ɡɛ la, waa bɔr dɔe ba Korowii Kora bini. Naate ɡe waa dɛ teŋɛ Mmara la ta, dɛ́ chaɡle bane ɡe baa ɛ ɡɛ la, wɛɛ dɔ nomonsoŋnibɔree Korowii Kora bini.

Job Tɔn 11:13

Job, kpɔ he bambile bwa tɛ Korowii, dɛɛ soŋo.

Ɛsra 7:11

Koojen Atasɛksɛs chwerɛ waa aa teŋa nɔ tɛ sɔfo Ɛsra waa bera ɛ chicha dɛ jemɛ Korowii Mmarare ne waa waa do Israel tena a ta la bini kɛrɛdɛ.

Yela 119:112

N bambile lawɔ kɛ mɛɛ teŋɛ he waa la taa, ka tel tɔpere maa sewɛ.