Ɛsra 6:15 - mzwDBL

¹⁵ Koojen Dareɔs aa di kora bene anumɛl, Adar korobie tɔpetooro wee taa ba ma Korowii Dea la tonɛ.

Ɛsra 6:15 Referans Kwoze

Ɛsta 3:7

Kooro Sɛksɛs kora dii bene fi dɛ anɛ Nisan korobie ta la, Heeman ɡelɔ ba bil daa o sie, dɛ́ lawɛ korobie ne tɔpere waa wera tɛo, ó kpɔ ɛ waa waa vɔrɔwa la. Korobie baa lawɔ laanee Nisan korobie.

Ɛsta 9:21

O ŋɔ bá kpɔ Adar korobie tɔpera fi dɛ anaarɛ ne fi dɛ anue wee la ɛ tɔpejena dɛɛ dia bena bɛlbwa,

Ɛsta 9:19

A waa Juu tena baa lɔ bwɛjeɡre ta kpɔ a ɡɛ korobie la tɔpera fi dɛ anaarɛ wee la ɛ ba tɔpejen, dɛ di kwa dɛɛ lɛ ba sie, dɛ berɛ dɛɛ kɛ kwaa o ta.

Ɛsta 9:17

Adar korobie tɔpera fi dɛ atoro taa waa nɔ chiɡ, asɛ o tɔperafi dɛ anaarɛ ta ba onɛ, dɛ di kwaa dɛ lɛ ba sie, dɛ kpɔ a ɡɛ tɔpere la berɛ ba tɔpejen.

Ɛsta 9:15

Adar korobie tɔpera fi dɛ anaarɛ wee la, Juu tena baa lɔ Susa la chemo. Ba kpoo nɛra lafraatoro bwɛɛ la ta ja, kɛ ba ta ba komɛlbwa kpɔe.

Ɛsta 9:1

Adar korobie tɔpera fi dɛ atoro weeree tɔpere kooro aa do mmara ŋɔ, Júu tena pɛ nyoa dɛ́ yo ba dɔma. Dɛ ba dɔma la dɛ lii kɛ baa won yoo ba dɛ́ pɔ ba nɛ. Kɛ waa la berɔ berɛ. Juu tena la pɛ nyoa yo ba dɔma, dɛ pɔ ba nɛ.

Ɛsta 8:12

Tɔpere Mɔdekae aa lea tɛ Juu tena ŋɔ bá kpɔ ɛ ɡɛ waa la Kooro Sɛksɛs harɛre la bwa ta laanee Adar korobie, tɔpere fi dɛ atoro ta.

Ɛsta 3:13

Ba le toroma bá kpɔ tɔne la kaa harɛre kooro aa di kora a ta la bwa ta. A bini waa dɛ chaɡle kɛ bá kpoo Juu tena bwa. Toli ne bonɔɔna ne nomonome, dɛ haahna ne bechale, bɛlbwa bɛ ka, bá ɛa tɔpebeŋkpoŋ. Adar korobie o tɔpera fi dɛ atoro weeree aa ba chiɡa, ásɛ ba pa ba laala ɡe bwa.

1 Koranar 8:63

Kooro Solomɔn kpɔ nae kaɡboŋa fifraanɛ dɛ anɛ, ne peera dɛ boohna kaɡboŋa lafa fifraanɛ ɛ deŋnesɔɔhna sarahare tɛ Korowii. Gɛɛ Kooro Solomɔn ne Israel tena bwa ɛ dɛ kpɔ Dea la do Korowii nɔn ta.

Ɛsra 5:16

Anomanta, Sɛsbasa balɔ dɛ ba pa Korowii Dea la mun Jerusalam. Nɛra ta lɔ o ta dɛɛ ɛ toma baa wola tonɛ mɔɔ.’

Sekaria 1:1

Pɛɛsea Koojen Dareɔs aa di kora bennɛɛte korobie anuatoro ta la, Korowii bol waa o keame Sekaria waa ɛ Bɛrekea bibaa be. Sekaria nabaa sɔne Ido.

Sekaria 1:16

Mɛɛ sune Jerusalam tena nɛɛ, dɛ́ berɛ ba bela, ásɛ ba kwaa ma n Dea ne bwɛjen la bwa. Men Koranar Bwa Kooroo bola.’

Sekaria 4:9

“Sɛrobabɛl pa n Dea la mun, o tentenee dɛ́ mao tonɛ. Anee dɛ ɡel n nɛra jemɛ kɛŋɔ men Koranar Bwa Kooroo tomɛ ba be.

Ɛsra 4:24

Anomanta, ba ɡelɔ Korowii Dea la toma ka che, ka tel kɛŋɔ Koojen Dareɔs aa baa di kora Pɛɛsea harɛ bene anɛ ta.

Ɛsra 9:9

Dɛ ya ɛ yoma, kɛ hen Korowii yaa dɛ tomɛ ta yaa ɡelɛ ya wenaale ta. He baɡle he nyina ya nɛɛ Pɛɛsea harɛ koojena sie. He tɛ yaa mkpafale ya berɛ won kwaa ma hen Korowii yaa dɛ tomɛ Dea waa kuuɡa la, asɛ dɛ tɔ yaa ɡbemɡbe, dɛ ɡel ya dɔ deŋnesɔɔhna Juda harɛ ne Jerusalam bwɛdaa ta.