Ɛsra 6:14 - mzwDBL

¹⁴ Korowii keamere Haɡae ne Sekaria ɡbemba baa do Juu tena nomonome la nomanta, Korowii Dea toma la kaa sie ɡɛ aa chɛa. Ba tonɛ Dea la toma ɡɛ Korowii Israel tena aa dɛ tomɔ, ne Pɛɛsea harɛ Koojena Saeros, ne Dareɔs dɛ Atasɛksɛs aa do ba la.

Ɛsra 6:14 Referans Kwoze

Ɛsra 7:1

Anɔ bwa habɔɔ, ɡɛ saŋ Koojen Atasɛksɛs aa di kora Pɛɛsea harɛ ta la, dɛ baa bɛl lole baa yerɔ Ɛsra. O mɛɛ sɔne Seraya, Seraya ɡe mɛɛ Asaria, asɛ Asaria ɡe mɛɛ sɔne Hilkia.

Ɛsra 5:13

Kɛ a bwa habɔɔ, Babelɔn koojen Saeros aa di kora benanyoa waa tɔ sie ta la, o do mmara kɛŋɔ bá berɛ kwaa ma Korowii Dea nɔ.

Ɛsra 4:24

Anomanta, ba ɡelɔ Korowii Dea la toma ka che, ka tel kɛŋɔ Koojen Dareɔs aa baa di kora Pɛɛsea harɛ bene anɛ ta.

Sekaria 4:9

“Sɛrobabɛl pa n Dea la mun, o tentenee dɛ́ mao tonɛ. Anee dɛ ɡel n nɛra jemɛ kɛŋɔ men Koranar Bwa Kooroo tomɛ ba be.

Haɡae 1:8

Hé teeh bwejena, dɛ́ la ka teŋni dadɛɛɡa ba kwaa do n Dea, ásɛ a do n som baa tom mɛ o bini ń dɔ jirima.

Aesaya 44:28

Men Korowii berɔ bol Saeros ɡe waa ŋɔ, ‘Henee dɛɛ ba n nɛra nɛɛ nyiŋa, dɛ́ ɛ waa maa dɛ nyin la bwa ka tonɛ,’ dɛ berɛ ŋɔ, ‘Hé kwaa pa Jerusalam ne men Korowii Dea la mun.’ ”

Ɛsra 4:3

Kɛ Sɛrobabɛl ne Jesua, dɛ Israel deene nomonnyuune la chaŋɔ ŋɔ, “Ya ta he chae hiaeh Korowii yaa dɛ tomɔ Dea toma nɔ ta. Ya ɡbo ɛɛ doo, ɡɛ Pɛɛsea Koojen Saeros aa do yaa la.”

Ɛsra 3:8

Anomanta, bennɛɛte korobinɛɛte ta nɛra la aa le bojaŋ harɛfale ta ba la, dɛ daa la tel bela baa dɛ ba Korowii Dea la doe Jerusalam, asɛ ba pa o mun. Ate, Sealteɛl bibaa Sɛrobabɛl ne Josadak bibaa Jesua, dɛ bwɛɛla la kar ne sɔfore ne Lewi dea tena la bwa kaa ja dɛɛ ɛ toma la. Ba le Lewi dea tena baa di bene fifraanɛ, kɛɛ dɛ ɡwaa la ba ɛ nomonome dɛɛ nyiŋi tom-ɛɛra baa dɛ ma Korowii Dea la nɛ.

Ɛsra 5:1

A ɡɛ saŋ la, Korowii keamere Haɡae ne Sekaria waa ɛ Ido naa, pa mun dɛɛ bol Korowii waa Juu tena ne banɔ la baa lɔ Jerusalam be, Korowii Israel tena aa dɛ tomɔ sɔn ta.

Ɛsra 5:2

Ate, Sealteɛl bibaa Sɛrobabɛl ne Josadak bibaa Jesua aa no ba waa la, ba berɛ pa mun dɛɛ do Korowii Dea la Jerusalam ja, asɛ Korowii keamere banɛ la cha ba.

Haɡae 1:1

Pɛɛsea Koojen Dareɔs kora dii bennɛɛte korobinumɛl tɔpeloɡle habɔɔ la, Korowii cheɡɛ o keame Haɡae nɛ, dɛ bol waa Sealteɛl bibaa Sɛrobabɛl waa dɛ nyiŋi Juda harɛ ta, ne Jehosadak bibaa Sɔfonomoa Josua be.

Sekaria 1:1

Pɛɛsea Koojen Dareɔs aa di kora bennɛɛte korobie anuatoro ta la, Korowii bol waa o keame Sekaria waa ɛ Bɛrekea bibaa be. Sekaria nabaa sɔne Ido.

Sekaria 1:16

Mɛɛ sune Jerusalam tena nɛɛ, dɛ́ berɛ ba bela, ásɛ ba kwaa ma n Dea ne bwɛjen la bwa. Men Koranar Bwa Kooroo bola.’

Sekaria 8:9

He banɔ haa lole taraken nɔ, waa haa dɛ no nɔ ɛ waa n keamere fa aa bola ɡɛ saŋ baa pa n Dea la mun la, he do ɡbemba, ásɛ dɛ ma n Dea la.

Ɛsra 6:3

Koojen Saeros aa di kora Pɛɛsea harɛ benanyoa beŋkpoŋ ta la, o do mmara Korowii Dea waa lɔ Jerusalam la waa ŋɔ, “Hé berɛ kwaa ma Korowii Dea la ó ɛ bɔr nɛra aa dɛɛ ɛ sarahare bela. Gel ba ma chɔŋɛ Dea la buɡ bene la ta. A chɛ kɛ o jaŋne dɛ́ kaa nyundua ɛ naɡale fifraanuanaarɛ, ásɛ o paɡri ɡe naɡale fifraanuanaarɛ.

Ɛsra 6:8

N dɛ do heyaa kɛŋɔ hé cha ba, ásɛ ba won mao. Hé kpɔ suuɡa aa le Yufretis Moo wee cholibɔr harɛ baa bɔa dɛɛ do kara mun la, dɛɛ bɔ Dea la toma bɛlbwa kem, ɡɛ aa ɛ toma la bɛ ba ka che.

Ɛsra 9:9

Dɛ ya ɛ yoma, kɛ hen Korowii yaa dɛ tomɛ ta yaa ɡelɛ ya wenaale ta. He baɡle he nyina ya nɛɛ Pɛɛsea harɛ koojena sie. He tɛ yaa mkpafale ya berɛ won kwaa ma hen Korowii yaa dɛ tomɛ Dea waa kuuɡa la, asɛ dɛ tɔ yaa ɡbemɡbe, dɛ ɡel ya dɔ deŋnesɔɔhna Juda harɛ ne Jerusalam bwɛdaa ta.

Nehemia 6:15

Ba ma danjwɛɛ la tonɛ Elul korobie tɔpera fifraanɛ dɛ anue ta, dɛ kpɔ tɔpera fifraanue dɛ anɛ tonɛ toma la bwa.