Ɛsra 6:10 - mzwDBL

¹⁰ ɡɛ aa ɛ ásɛ ba won dɛɛ ɛ sarahare aa dɛɛ su Korowii Waa Dɛ Di Kora Nyundua siwi, dɛ́ soŋe tɛ kooro ne o bibaala ɡe.

Ɛsra 6:10 Referans Kwoze

Jeremia 29:7

Hɛ́ɛ nyin wedɛɛɡa ne waa aa ɡel he soɡa bini do wer, bwɛjena maa ɡela ba lawɛ heyaa ka so a ta la ta. Hé che ba naa ta soŋe le n be dɛɛ tɛɛ ba, dɛkalkɛ dɛ ba wobɛlbwa wer dɛɛ tɛɛ ba, ba nɔn bini do wer aa, anee dɛ́ ɡel he ɡe nɔn bini do wer.

Ɛsra 7:23

Komɛlbwa Korowii Waa Dɛ Di Kora Nyundua aa baɡla la, hé nyiŋi kɛrɛdɛ dɛ́ ɡel á ɛ ɡɛ aa chɛa tɛo o Dea bela. Ásɛ o baah bɛ n nɛɛ kɛɛ kooro bɛlbwa waa ba di kora n habɔɔ nɛɛ di.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Lewi Dea Tena 1:13

Ó yaɡle o tea bini kwa ne o nakpale, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 1:9

Naate yaɡle ol la tea bini kwa ne o nakpale la, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

Ɛsra 6:9

Tɔpere bɛlbwa a chɛ kɛ hé nyiŋi dɛɛ tɛ sɔfore baa lɔ Jerusalam kwaa baa dɛ nyin, dɛ́ kpɔ tɛɛ ba. Nabali ne peera, dɛ pebiiri baa fuh ɛ sarahare tɛ Korowii Waa Dɛ Di Kora Nyundua, ne jaaɡe ne yar ne sen dɛ ɔleve no. He bɛ ban dɛɛ vɔmɛ,

Daneɛl 2:46

Ate, Kooro Nebukadnesa kpɔ sie pi harɛ dɛ kpɔ duure tɛ Daneɛl. Dɛ ŋɔ bá ɛ saraha dɛ fuh konsɔɔhsoma tɛ Daneɛl.

Kaala 12:32

Hé kpɔ he peera ne boohna ne nae bwa kaa ɡɛ haa bola la, ásɛ dɛ soŋe andɛɛɡa le he Korowii be tɛ mɛ.”

Ɛsra 1:2

O ŋɔ, “Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta.