Ɛsra 6:1 - mzwDBL

¹ Koojen Dareɔs do mmara ŋɔ, bá nyiŋi koranar tɔne baa kpɔa cheɡ Babelɔn la bini.

Ɛsra 6:1 Referans Kwoze

Ɛsra 5:17

N naa kooro, dɛ he sie lɛo waa, ɡel ba nyiŋi koranar tɔne bini bwɛjen Babelɔn, dɛ́ na kɛŋɔ Koojen Saeros tɛ ŋwɛnɛ ŋɔ bá kwaa ma Korowii Dea nɔ Jerusalam kɛɛ o ta ŋɔe, ásɛ dɛ ɡel ya jemɛ he liire aa lɔ waa nɔ ta.”

Sɛɡla 25:2

Ya kpɔ duure dɛɛ tɛ Korowii sɔeh waa kpɔ waane sɔh yaa, ɡɛɛ koranar ɡe dɔ duure pila baa pili waa dɛɛ nyiŋi a bini.

Ɛsra 4:15

ásɛ he nyiŋi koranar baa tɔ he sie di kara la tɔne bini, hɛɛ nao kɛŋɔ Jerusalam ɛ deŋnekpeɡ tena bwɛ, dɛɛ ha ba koranar ne harɛ nomonome. Deŋnekpeɡ tena lɔ o ta le saŋ la bwa. A waa o fa chɔɡ la.

Wepila 5:1

Asɛ n nyiŋi dɛ na kɛŋɔ naate waa soɡe kookara la ta la kpoŋe tɔn bɛl o nɔndiɡ ta. Tɔn la sie ne habɔɔ bwa taa ba chwerɛ, dɛ ɡuɡru, dɛ marɔ kera anuanɛ.

Ɛsekeɛl 2:9

Belaa n nyiŋi dɛ na nɔn bɛl aa tɛra ba n be asɛ dɛ kpoŋe tɔn,

Jeremia 36:32

Anomanta, men Jeremia kpɔ tɔnfale tɛ Nɛrea bibaa Baruk waa ɛ n karake la. Asɛ o chwerɛ wobɛlbwa a fa aa lɔ loɡle tɔn la bini dɛ anɔ la bwa aa jaa n kpɔ tɛo la.

Jeremia 36:29

Korowii berɔ ŋɔ ń bol Juda Kooro Jehoiakim be ŋɔ, “He fuh tɔn la, dɛɛ bɔɔ Jeremia ɡɛ aa ɛa o chwerɛ ŋɔ Babelɔn kooro ɛɛ bao ba chɔɡ he harɛ nɔ, dɛ́ kpoo nɛra ne kondɛɛra bwa aa lɔ o ta.

Yela 40:7

Belaa n ŋɔ, “N Naa Korowii, menee la. N balɔ. Ba chwerɛ n waa do he Mmara tɔn la bini.

Job Tɔn 29:16

N do kɛŋɔ mɛɛ dɛ tɛ nyaara, dɛɛ cha hɔɔhra ba wa aa lɔ kɔɔto.

Ɛsra 4:19

N le nɛra ŋɔ bá nyiŋi tɔne bini, asɛ ba na kɛŋɔ, le saŋ la bwaa Jerusalam tena le dɛ le ba koranar habɔɔ, a che a ta deŋnekpeɡ ne wesaɡasaɡare su o ta.

Ɛsekeɛl 3:1

Korowii ŋɔ n be ŋɔ, “Nɛwɛnyini bie, di kon waa lɔ he sie nɔ, di tɔn nɔ, ásɛ dɛ ka bol waa baɡle Israel tena.”

Ɛsra 6:22

Ba di Paanoo Iisi Aa Wola Toole A Ta Tɔpejen tɔpera anuanɛ silɛɛ ne, dɛkalkɛŋɔ Korowii charɛ Asiiria koojen liire, o won cha ba ba ma Korowii Israel tena aa dɛ tomɔ Dea la.

Ɛsra 7:13

Taraken nɔ, n dɛ doe kɛŋɔ Israel te bɛlbwa waa lɔ n harɛ ta, sɔfore ne Lewi dea tena, ba bini bɛlbwa waa dɛ nyin kɛŋɔ o pui kaa Jerusalam la won kaala.

Daneɛl 9:25

Do waa nɔ dɛɛɡɔ dɛ́ jemɛ kɛŋɔ, le ɡɛ saŋ Korowii aa bola ŋɔ bá berɛ kwaa ma Jerusalam la, aa ɛ bene anuanɛ bele anuanɛɛ, ásɛ ba kwaa vɔrɔwe Jerusalam ɡɛ o fa aa doa la, dɛ́ berɛ kwaa o fɔɡbaahna, dɛ́ ma danjwɛkpeɡa baro bene anuanɛ bele fifraanumɛl dɛ anɛ mɔɔ nomoa Korowii aa leo la ba. Aa bao wahala saŋ.