Ɛsra 5:14 - mzwDBL

¹⁴ O berɔ kpɔ suuɡaswɛm ne suuɡapoŋa loɡa Kooro Nebukadnesa aa paa le Korowii Dea Jerusalam ba bil o voɡ dea bini Babelɔn la ba. Ate, Koojen Saeros kpɔ ɡɛ loɡa la tɛ Sɛsbasa waa leo harɛ la nomoa, wɛɛ nyiŋi Juda harɛ ta.

Ɛsra 5:14 Referans Kwoze

Ɛsra 6:5

Anɔ la aa jaa ɡee kɛŋɔ suuɡaswɛm ne suuɡapoŋa loɡa aa lɔ Korowii Dea, Koojen Nebukadnesa aa paa le Jerusalam ba Babelɔn la, a chɛ kɛ bá berɛ kaa ane a buɡ ta bela tenten a fa aa cheɡa, Korowii Dea Jerusalam.”

Jeremia 52:19

Laa sitɔɔ la kpɔ kwaa baa kpɔa dɛɛ buh nii, ne loɡa baa do nee kɛɛ chal a bini dɛ ɛ dɛɛ merɛ la, kandea daa ne loɡa bwa soo siwi baa kpɔa dɛɛ ɛ sen sarahare, komɛlbwa baa kpɔ suuɡaswɛm tenten ne suuɡapoŋ ɛa te, ba kaa a bwa ne.

Ɛsra 5:16

Anomanta, Sɛsbasa balɔ dɛ ba pa Korowii Dea la mun Jerusalam. Nɛra ta lɔ o ta dɛɛ ɛ toma baa wola tonɛ mɔɔ.’

We-ɛɛla 13:12

Nomoa la aa na a ɡɛ waa nɔ la, o yarada Yeesu waa dɛ kpɔ o te tɛo, dɛkalkɛŋɔ Yeesu waa la baa dɛ chaɡle la kpo o nyoa.

Haɡae 2:21

“Ŋɔ Juda harɛ ta nomoa Sɛrobabɛl be ŋɔ, ‘Mɛɛ yiiɡi nyundua ne harɛɛ.

Haɡae 2:2

ó bɔɔ Juda harɛ nomoa Sɛrobabɛl, ne Sɔfonomoa Josua dɛ harɛ la ta nɛra baa kaa la ŋɔ,

Haɡae 1:14

Ate, Korowii ɡel Juda harɛ nomoa Sɛrobabɛl, ne Sɔfonomoa Josua dɛ nɛra baa kaa la bwa bwara ir, ba pa mun ɛ Koranar Bwa Kooro baa dɛ tomɔ Dea la toma mun.

Haɡae 1:1

Pɛɛsea Koojen Dareɔs kora dii bennɛɛte korobinumɛl tɔpeloɡle habɔɔ la, Korowii cheɡɛ o keame Haɡae nɛ, dɛ bol waa Sealteɛl bibaa Sɛrobabɛl waa dɛ nyiŋi Juda harɛ ta, ne Jehosadak bibaa Sɔfonomoa Josua be.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Ɛsra 7:27

Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

2 Webena 36:18

Babelɔn Kooro ɡelɔ ba pa laala aa lɔ Korowii Dea, ne anɔ la a yoɡ aa kpeɡa, dɛ do deene baa dɛ cheɡ laala a yoɡ aa kpeɡa a bini Korowii Dea, dɛ anɔ la aa lɔ kooro ne o nomonome be bwa, kɛŋɔ laa ta kwaa kaa Babelɔn harɛ.

2 Webena 36:7

Kooro Nebukadnesa berɔ pa laala a yoɡ aa kpeɡa, dɛ do Korowii Dea la kaa Babelɔn ka do o koodem bela.

Ɛsra 5:15

Dɛ ŋɔ o be ŋɔ, “Berɛ kpɔ loɡa nɔ ka cheɡ Korowii Dea Jerusalam, dɛ́ berɛ kwaa ma Dea la cheɡ o buɡ bene la ta.”