Ɛsra 4:24 - mzwDBL

²⁴ Anomanta, ba ɡelɔ Korowii Dea la toma ka che, ka tel kɛŋɔ Koojen Dareɔs aa baa di kora Pɛɛsea harɛ bene anɛ ta.

Ɛsra 4:24 Referans Kwoze

Haɡae 1:15

Kooro Dareɔs aa di kora bennɛɛte korobinumɛl tɔpera fifraanɛ dɛ anaarɛ taa ba pa Dea la mun.

Job Tɔn 20:5

nyubinikpeɡ tena silɛɛ aa biɡri, nɛra baa wola Korowii jemɛ dɔ silɛɛ, kɛ aa ɡɛɛ ka.

Nehemia 6:9

Dɛ ba dɛ nyin ba aah yaa, ásɛ ya bwara yɔr ya ɡel toma la ɛɛ. Asɛ n soŋe Korowii ŋɔ, “N Naa Korowii, tɛ mɛ bokpeɡa!”

Nehemia 6:3

anomanta, n tomɛ toroma ba be ŋɔ, “Toma maa dɛ ɛ la waa hiaoh kohona, maa won tu ba he be bela. Maa won ɡel toma la bil dɛ́ ba he be.”

Ɛsra 6:1

Koojen Dareɔs do mmara ŋɔ, bá nyiŋi koranar tɔne baa kpɔa cheɡ Babelɔn la bini.

Ɛsra 5:5

Kɛ dɛ Korowii baa dɛ tomɔ la sie lɔ Juu tena nomonome la nɛ, a ɡel Pɛɛsea nomonome la ta wone ɛ wobɛlbwa, ka tel kɛŋɔ baa chwerɛ tɔn ka tɛ Koojen Dareɔs, asɛ o chaŋ ba mɔɔ.

1 Tesalonika 2:18

Yaa dɛ nyin he be bala la, ya takapɔ ɡɛ yaa ɛ dɛ na heyaa ja. Men Pɔɔl yon takapɔ kɛ n fe ɛɛ ba he bee. Kɛ Bɔnsam aa yaa ŋwɛnɛ tɛ.

Ɛsra 4:23

Baa kure Kooro Atasɛksɛs tɔn la waa baɡle Rehum ne Simsai dɛ nɛra baa ja o nɛɛ la, ba ɛ warane la Jerusalam dɛ ka ŋɔ Juu tena la be ŋɔ bá ɡel Dea la toma ɛɛ.

Ɛsra 5:1

A ɡɛ saŋ la, Korowii keamere Haɡae ne Sekaria waa ɛ Ido naa, pa mun dɛɛ bol Korowii waa Juu tena ne banɔ la baa lɔ Jerusalam be, Korowii Israel tena aa dɛ tomɔ sɔn ta.

Ɛsra 6:14

Korowii keamere Haɡae ne Sekaria ɡbemba baa do Juu tena nomonome la nomanta, Korowii Dea toma la kaa sie ɡɛ aa chɛa. Ba tonɛ Dea la toma ɡɛ Korowii Israel tena aa dɛ tomɔ, ne Pɛɛsea harɛ Koojena Saeros, ne Dareɔs dɛ Atasɛksɛs aa do ba la.

Daneɛl 9:25

Do waa nɔ dɛɛɡɔ dɛ́ jemɛ kɛŋɔ, le ɡɛ saŋ Korowii aa bola ŋɔ bá berɛ kwaa ma Jerusalam la, aa ɛ bene anuanɛ bele anuanɛɛ, ásɛ ba kwaa vɔrɔwe Jerusalam ɡɛ o fa aa doa la, dɛ́ berɛ kwaa o fɔɡbaahna, dɛ́ ma danjwɛkpeɡa baro bene anuanɛ bele fifraanumɛl dɛ anɛ mɔɔ nomoa Korowii aa leo la ba. Aa bao wahala saŋ.

Haɡae 1:1

Pɛɛsea Koojen Dareɔs kora dii bennɛɛte korobinumɛl tɔpeloɡle habɔɔ la, Korowii cheɡɛ o keame Haɡae nɛ, dɛ bol waa Sealteɛl bibaa Sɛrobabɛl waa dɛ nyiŋi Juda harɛ ta, ne Jehosadak bibaa Sɔfonomoa Josua be.

Haɡae 2:15

Korowii ŋɔ, “He ta waa aa pu heyaa nɔ nae yaa? Mɔɔ he pa mun dɛ́ do n Dea la,

Sekaria 1:1

Pɛɛsea Koojen Dareɔs aa di kora bennɛɛte korobie anuatoro ta la, Korowii bol waa o keame Sekaria waa ɛ Bɛrekea bibaa be. Sekaria nabaa sɔne Ido.

Ɛsra 3:8

Anomanta, bennɛɛte korobinɛɛte ta nɛra la aa le bojaŋ harɛfale ta ba la, dɛ daa la tel bela baa dɛ ba Korowii Dea la doe Jerusalam, asɛ ba pa o mun. Ate, Sealteɛl bibaa Sɛrobabɛl ne Josadak bibaa Jesua, dɛ bwɛɛla la kar ne sɔfore ne Lewi dea tena la bwa kaa ja dɛɛ ɛ toma la. Ba le Lewi dea tena baa di bene fifraanɛ, kɛɛ dɛ ɡwaa la ba ɛ nomonome dɛɛ nyiŋi tom-ɛɛra baa dɛ ma Korowii Dea la nɛ.

Ɛsra 4:5

Ba yawɛ Pɛɛsea harɛ nomonome sen ŋɔ bá chɔɡ vɔrɔwa bɛlbwa baa dɛ vɔrɔwe Dea la toma wa, dɛ le Pɛɛsea Koojena Saeros ne Dareɔs kora dii saŋ bwa.

Ɛsra 6:15

Koojen Dareɔs aa di kora bene anumɛl, Adar korobie tɔpetooro wee taa ba ma Korowii Dea la tonɛ.

Daneɛl 11:2

Nyundua torome Maekel waa dɛ daah Israel harɛ la ŋɔ, “Namee mɛɛ ba kasinteŋ la he be bola. Koranar batoro ɛɛ ir Pɛɛsea harɛ taa, ásɛ naarɛte ɡe ba dɛ́ ba dɔ suuɡa ɡwaa banɔ la bwa. O baa dɔ kpeɡri dɛ le o kondɔɔh la ta naa, wɛɛ di nomɛlbwa liiree ba yo Grik tena harɛ kooro.

Haɡae 2:18

Hé nyiŋi le fini dɛɛ kaa, korobinuanaarɛ nɔ tɔpera fifraanɛ dɛ anaarɛ nɔ haa pa Korowii Dea nɔ mun nɔ, dɛ́ na waa aa dɛ ba bala.