Ɛsra 4:20 - mzwDBL

²⁰ Koranar baa kpeɡa Jerusalam di kora dɛ nyiŋi harɛ waa chɔ Yufretis Moo wee cholibɔr baŋ le bwa ta, dɛ ɡel ba bɔ toɔre dɛ lɛ harɛ la kwaa baa tɛɛ ba.

Ɛsra 4:20 Referans Kwoze

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

Yela 72:8

Wɛɛ di koraa le mpo bɛl ta ba kaa bɛl ta, dɛ le Yufretis Moo ta ba kaa harɛ jaɡa.

1 Webena 18:3

Belaa Kooro Devid berɛ ka yo Soba Kooro Hadadesa, hale dɛ ka le Hamat, ɡɛ saŋ waa la Yufretis Moo nyoa dɛ ka lɛ bela harɛ ba do o lɔɡa ja la.

Ɛsra 7:24

A chɛ kɛ hé jemɛ ja kɛŋɔ he ta kpeɡri dɔe kɛ he lɛ toɔ bɛlbwa soo siwi le sɔfore ne Lewi dea tena, ne yelɡoola dɛ nɛra baa dɛ daah Korowii Dea doonyoo, ne bonɔɔna baa dɛ ɛ toma Korowii Dea, kɛɛ tom-ɛɛ bɛlbwa waa kaa dɛɛ ɛ toma Korowii Dea be.

Ɛsra 4:16

Ya ɡelɔ hɛɛ jemɛ kɛŋɔ, dɛ ba wono ma bwɛjen nɔ ne o danjwɛɛre tonaa, haa won di kpeɡri bɛlbwa harɛre aa chɔ Yufretis Moo wee cholibɔr harɛre nɛra nɛɛ kpa.”

Ɛsra 4:13

N naa kooro, berɛ jemɛ kɛŋɔ dɛ ba wono kwaa do bwɛjen nɔ tonaa, baa toɔ bɛlbwaa bɔ tɛɛ kpa, ásɛ komɛlbwa aa he kara munii do kpa.

2 Webena 17:11

Filisti tena bane kpɔ harɛ la ta kwaa ne suuɡapoŋa ba kɛo, Arab tena ɡe ba tɛo peera kaɡboŋa anuanɛ lafraanuanɛ, dɛ boohna kaɡboŋa anuanɛ lafraanuanɛ.

2 Webena 9:14

Anɔ la waa dɔa dɛɛ le bonadiire ne kon-yoɡra ne Arab harɛ koranar, dɛ nomonome baa chɔ harɛre nyoo be te ta jae.

1 Webena 19:19

Koranar baa lɔ Kooro Hadadesa lɔɡa aa naa kɛŋɔ Israel tena pɔ ba nɛɛ la, ba ne Kooro Devid kaa fɔwɛ deŋnesɔɔhna fɔo, dɛ kpɔ ba te do o lɔɡa dɛɛ tomɔ. Gɛɛ a do Siiria tena ɔmɛ, ba ta Amɔn tena chae kpa.

1 Webena 18:13

O bɔne laa tena la bini kuore ta ba so bwɛɛre ta Edom harɛ bwa, asɛ harɛ la tena bwa do o lɔɡa dɛɛ tomɔ. Korowii ja o nɛ, dɛ ɡel o pɔ bobɛlbwa nɛra waa laŋa ka yo bwa nɛ.

1 Webena 18:6

Kooro Devid bɔne laa tena la bini ba so kuore ta Damaskɔs harɛ ta, asɛ Siiria tena la do o lɔɡa, dɛ kpɔ harɛ la kwaa baa tɛo. Korowii ja Kooro Devid nɛɛ dɛ ɡel bobɛlbwa waa la ka yo la, o pɔ ba nɛ.

1 Koranar 4:24

Yufretis Moo wee cholibɔr harɛ bwa taa Solomɔn di kora. Le Tifsa teŋe kaa wee cholibɔr ka tel Bwɛjen Gasa, dɛ deŋnesɔɔhna lɔ harɛ la bwa ta.

Matiu 9:9

Yeesu aa le bela dɛ valɛ dɛɛ kaa la, o kaa na baa bɛl waa dɛ lɛ toɔ baa yerɔ Matiu, dɛ o soɡe o toma ta dɛɛ lɛ toɔ. Anee Yeesu ŋɔ o be ŋɔ, “Ba teŋɛ n nɛ.” Asɛ Matiu ir dɛ teŋɛ o nɛ.

Ɛsra 4:19

N le nɛra ŋɔ bá nyiŋi tɔne bini, asɛ ba na kɛŋɔ, le saŋ la bwaa Jerusalam tena le dɛ le ba koranar habɔɔ, a che a ta deŋnekpeɡ ne wesaɡasaɡare su o ta.

Ɛsra 4:21

Anomanta, ɡel ba ŋɔ baala baa dɛ ɛ toma la be ŋɔ bá ɡel ka tel kɛŋɔ, n ɡbabir aa tɛ ŋwɛnɛ.

Wiile 1:1

Na ɡɛ bwɛjen Jerusalam aa chɔ pɛɛ, dɛ nɛra fa su o ta ɡa! Na ɡɛ waa bera do kɛ luhaah, o waa do sum, dɛ o fa lɛ sɔn harɛre nɛra bini taeh! Bwɛjen o fa aa do kɛ haŋkooro la, o berɛ yom taraken.

1 Koranar 5:1

Dɛ Taaya Kooro Hiram chamenatee Kooro Devid, anomanta, waa noa kɛŋɔ ba cheɡ Solomɔn kora o so o mɛɛ Kooro Devid buɡ ta la, o tomɛ o nomonome ba ba na Kooro Solomɔn.

1 Koranar 5:4

Taraken, Korowii maa dɛ tomɔ alaworomɛ, o tɛ mɛ deŋnesɔɔhna, wechɔɡa kɛɛ dɔm bɛlbwa toole n harɛ ta kpa.

Ɛsekeɛl 19:11

O kpala kpeɡri dɛ do wer kɛ bá kpɔ ɛ kooro daŋɡbala. O kpeɡo tɛr kaa nyundua baama bini, nɛra na ɡɛ waa kpeɡa dɛ dɔ papooni kohona.