Ɛsra 3:5 - mzwDBL

⁵ A habɔɔ la, ba kpɔ kwaa baa fuah dɛɛ ɛ sarahare tɔpere bɛlbwa kɛŋɔ Korobifale ne saraha kwaa baa lea cheɡ tɔpejena aa do ɡoroŋ tɛ Korowii la ne, dɛ anɔ la aa le nɛra bambile ta, ba kpɔ ba ɛ sarahare tɛ Korowii la.

Ɛsra 3:5 Referans Kwoze

Nɛra Kura 29:39

Ŋwɛnɛ haa kpɔ a ta dɛ ɛ saraha kwaa haa dɛ fuah, ne mea sarahare ne sen sarahare, dɛ deŋnesɔɔhna sarahare tɛ Korowii he tɔpejena haa lea cheɡ, dɛ́ɛ dia ta laanee la. He nyobaɡa kwaa haa ba a ne ne kwaa aa le he bambili ta bwa jao.”

Mmarare 12:17

Komɛlbwa haa wola kpɔe tɛ Korowii la, hé dia bela haa soɡa, nemenɛ he mea bɔre fi bini bɔrbeŋkpoŋ, he sen bɔre fi bini bɔrbeŋkpoŋ, ɔleve noo bɔre fi bini bɔrbeŋkpoŋ, ne he nae ne peera biloɡla, dɛ he nyobaɡa kwaa ne he bambile bini kwa, dɛ saraha bɛlbwa aa jaa.

Mmarare 12:6

Belaa chɛ kɛŋɔ hé kpɔ saraha kwaa haa fuh ne anɔ la haa kpoo tɛo, ne komɛlbwa haa dɔa bɔre fi bini bɔrbeŋkpoŋ ne he koŋkɛɛla ne deŋnesɔɔhna sarahare, ne he ɡbaɡba bambile bini kwa, ne he nae dɛ peera biloɡla dɛɛ la kaa tɛo.

Nɛra Kura 29:13

Hé kpɔ kwaa ɛ saraha a sɔɔh aa soma ba tɛ Korowii. Hé kpɔ nabali fi dɛ atoro ne pebala anɛ ne pebali fi dɛ atoro, a bɛlbwa aa dɔ benanyoa aa wola kirihiah bɛlbwa dii ba fuh ɛ saraha.

Nɛra Kura 29:8

Hé kpɔ saraha kwaa haa fuah a sɔɔh ɛɛ do Korowii som la ba tɛo. Nabale beŋkpoŋ ne pebal ne pebali anuanɛ aa dɔ benanyoa, aa wola kirihiah bɛlbwa dii.

Nɛra Kura 29:2

Ásɛ he ɛ saraha dɛ́ fuah, ásɛ a sɔɔh ɛɛ do Korowii som. Hé kpɔ nabale beŋkpoŋ ne pebal dɛ pebali anuanɛ aa dɔ benanyoa, a bɛlbwa aa wola kirihiah bɛlbwa dii.

Nɛra Kura 28:27

Hé kpɔ nabali anɛ ne pebal ne pebali anuanɛ a bɛlbwa aa di benanyoa, aa wola kirihiah bɛlbwa dii ba ɛ saraha, dɛ́ fuah tɛ Korowii a sɔɔh ɛɛ do som o be.

Nɛra Kura 28:19

Hé kpɔ nabali anɛ ne pebal ne pebali anuanɛ, a bɛlbwa aa dɔ benanyoa aa wola kirihiah bɛlbwa dii ba ɛ saraha, dɛ́ fuah tɛ Korowii.

Nɛra Kura 28:14

Nabal la bɛlbwa la, hé kpɔ sen pɛrɛntoa dela atoro, dɛ́ kpɔ sen pɛrɛntoa anɛ ja pebal la bɛlbwa ta, dɛ́ kpɔ sen pɛrɛntoa beŋkpoŋ ne fah ja pebiiri la ɡe ta. Anɔɔ ɛ saraha haa fuah korobie bɛlbwa ta benanyoa bɛlbwa.

Lewi Dea Tena 1:3

Dɛ nawee wɛɛ ba kpɔe dɛ ɛ saraha baa fuh tɛ mɛ naa, ó lawɛ ombal waa wola kirihiah bɛlbwa dii. N Dea Cheremibɔr doonyoa belaa ó che dɛ́ kpɔ ba tɛ mɛ ásɛ n lɛ.

Ɛsra 3:6

Korobie anuanɛ tɔpeloɡle ta la, ba pa mun fuh kwaa ɛ sarahare tɛ Korowii, a lole kɛŋɔ dɛ ba ta Korowii Dea la mun pae mɔɔ.

Jeremia 33:18

ásɛ sɔfore le Lewi dea dɛɛ tom mɛ n Dea saŋ bɛlbwa, dɛɛ fuh sarahare ne mea sarahare, dɛ́ kpɔ kwaa baa kpoora ɡe baa tɛ mɛ.”

Lewi Dea Tena 1:2

“Ŋɔ Israel tena la be ŋɔ, dɛ nomɛlbwa ŋɔ o ɛ saraha tɛ mɛ naa, ó kpɔ nao, pee kɛɛ booh le o kondɛɛra bini.

Lewi Dea Tena 23:2

“Anɔɔ ɛ n tɔpejena maa lea cheɡ a chɛ kɛŋɔ hé bwa cheme dɛ́ɛ tom mɛ a ta.

2 Webena 31:14

Lewi dea te Imna bibaa Koree ba le wɛɛ nyiŋi Korowii Dea wee leebɔr doonyoa la ta, dɛ chɔ sarahare koŋkɛɛla aa le nɛra bambile ta ba kpɔ baa tɛ Korowii ne a bɔna nyoa.

Nehemia 10:34

Ya sɔfore ne Lewi dea tena ne nɛra la bwa ta bie, dɛ́ jemɛ dem bɛlbwa tena baa kpɔ damara ba Korowii yaa dɛ tomɔ Dea benanyoa bɛlbwa, bá kpɔ fuh sarahare kwaa la Korowii saraha kon la ta, ɡɛ baa chwera do Korowii Mmara Tɔn bini la.