Ɛsra 3:12 - mzwDBL

¹² Kɛ sɔfore baa ɛ nomonome ne Lewi dea tena, dɛ nomonnyuune baa tɔ sie na loɡle Dea la aa cheɡa dɛɛ nyiŋi baa pa Dea la mun la, ba wio dɛɛ dooɡe lɔŋɔre kɛrɛdɛ, asɛ bane ɡe ɛɛ do silɛɛ lɔŋɔre.

Ɛsra 3:12 Referans Kwoze

Haɡae 2:3

“Umee ta kaa dɛ́ lii n Dea nɔ jirima o fa aa dɔa ɔ? Taraken, ɛrɛɛ hɛɛ nao wɔ? O berɛ kompɛɛ bɛl he siwi ta naa?

Sekaria 4:10

Bame waa nyiŋi Korowii Dea la mumpar toma la dɛɛ vaɔh? Ba sie ɛɛ lɛo kɛŋɔ ŋwɛn baa kpɔa dɛɛ maɡɛ danjwɛɛ la aa lɔ Sɛrobabɛl nɔn ta, ba berɛ dɛɛ pa Dea la mun.” Korowii nyundua torome la ŋɔ, “Kandere anuanɛ nɔ cheɡɔ tɛ Korowii sibie anuanɛ waa kpɔa dɛɛ nyiŋi harɛ nɔ bwa.”

Aesaya 60:22

Banɔ la baa wola kanɛ la, baa warɔ dɛ do kpeɡri kɛŋɔ harɛjen nɛra. Mɛɛ ɛa waranee saŋ waa wera ta. Menee Korowii.”

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Yela 126:6

Nɛra baa kpɔ siniire dɛ che ba kondwee le ka du la, baa komaa dɛ chea ba silɛɛ yela ne.

Job Tɔn 8:7

Kwaa haa dɔa mumpar la ken aa kanɛ, anɔ la Korowii aa ba tɛɛ a habɔɔ la ɛɛ do kanee kohona.

Ɛsra 3:13

Nomɛlbwa aa won jemɛ banɔ la baa dɛ wi, ne banɔ la baa sie aa lɛa kpa, dɛkalkɛŋɔ dɛ ɡbɔɡa aa lɔ bela kan kohona dɛɛ la bojaŋ.

Jeremia 50:4

Korowii ŋɔ, “Awola tɔpere la telo aa, Israel ne Juda tena bwa ɛɛ pɛo dɛɛ wi, dɛɛ ɡaaɡe men Korowii baa dɛ tom mɛ bɔr.

Yela 147:1

Hé kpɛɛ Korowii! A wer kɛ yá ɡo yela kpɛɛ Korowii yaa dɛ tomɔ, a dɔ silɛɛ dɛ chɛ kɛ yá kpɛɛro.