Ɛsra 10:8 - mzwDBL

⁸ Nomɛlbwa waa vɛh a ɡɛ chema nɔ mun bala ka tel tɔpera atoro la, wɛɛ paŋɛ kwaa waa dɔa bwaa, ɡɛ nomonome aa bola la, ásɛ ba berɛ doŋu le o harɛ waa soɡe o ta la ta.

Ɛsra 10:8 Referans Kwoze

Ɛsra 7:26

Nomɛlbwa waa ɛ deŋnekpeɡ Korowii haa dɛ tomɔ mmarare kɛɛ koojen mmarare ta la, a chɛ kɛ bá kpoo buɡ la ta, kɛɛ dɛ́ doŋu le o harɛ ta, kɛɛ dɛ́ kpɔ nɔn dawɛ o komɛlbwa waa dɔa ta, kɛɛ dɛ́ lawɔ ka do dea, ásɛ a ɛ deŋnetɛra tɛo.”

1 Kɔrent 5:13

Nɛra baa ɛ asɔre tena la te, heyaa chɛ kɛŋɔ hé bol ba waa dɛ́ pa bole. Korowii Tɔn baɡlɔ kɛŋɔ “Hé doŋi wechɔɡ-ɛɛ le he bini.”

Amanesoma Jɔn Aa Chwera Tɔn 16:2

Nɛra ɛɛ doŋi heyaa cheremi deene binii, ásɛ a ba saŋ bɛl kɛŋɔ bá kpoo heya, dɛɛ lii kɛŋɔ Korowii tetoowaa baa ɛ ɡɛ la.

Amanesoma Jɔn Aa Chwera Tɔn 9:34

Anee ba ŋɔ o be ŋɔ, “He ne he wechɔɡaa ba lolɛ. Gɛɛ he ŋɔ hé chaɡle yaa wa aa?” Asɛ ba doŋu cheremi dea bela bala kwara.

Amanesoma Jɔn Aa Chwera Tɔn 9:22

Dɛ Juu tena nomonome laanee baa ɔmɛ waa ba ŋɔ ɡɛ. Nomonome la ɛ nyoa beŋkpoŋ kɛŋɔ nomɛlbwa waa ŋɔ Yeesu ɛ Kristo la, baa doŋi naatee o bɛ ba cheremi dea jo kpa.

Matiu 18:17

Dɛ he ne nɛra la laŋɔ o ŋɔ waa sɛh ja aa, kpɔ ka bil he bala bwa he ne ba aa dɛ cheme la sie. Dɛ o ŋɔ waa ba ɡe bee no aa, ɡel o waa tɛo kɛ nɛn waa wola Korowii tomɛ kɛɛ wechɔɡ-ɛɛ.

Nehemia 13:3

Israel tena la aa no ɡɛ Mmara nɔ la, ba le nɛŋhɔɔhra baa koo ba bini la bwa ne harɛ la ta.

1 Samoɛl 11:7

O lawɛ nabala anɛ kpo, dɛ chɛwa dɛ kpɔ tomɛ nɛra Israel harɛ ta bwa ŋɔ, “Nomɛlbwa waa wola Samoɛl ne Sɔɔl nɛɛ teŋɛ la, kenii baa ba o nae kpoe dɛ chɛwa.” Korowii ɡelɔ ɔmee kohona chole ba bwa nɛ, asɛ ba pɛ nyoa ba ja Samoɛl ne Sɔɔl nɛ.

Sitɔɔla 21:5

Israel tena la bɔɔ dɔŋa ŋɔ, “Israel deene nɔ bwa bini, debesoo tenaa wola Korowii sie bonɔ balɔɔ?” Ba fa ŋwɛɛrɔ bil kɛŋɔ dea bɛlbwa waa wola Korowii sie Mispa bonɔ balɛ la, bá kpoo o nɛra.

Josua 6:19

Kwaa baa kpɔ suuɡapoŋa ne suuɡaswɛm ne ayaawa dɛ bune ɛa la te, a do ɡoroŋ kohona tɛ Korowii kɛŋɔ hé kpɔ ba tɛo o Dea bela baa dɛ cheɡ laala a yoɡ aa kpeɡa.”

Lewi Dea Tena 27:28

Nomɛlbwa ta chɛ kɛ ó yoɡ kɛɛ dɛ berɛ yawɛ kon waa kpɔa ba tɛ mɛ dɛ ku n nɔn la. Dɛ nɛnee kɛɛ kondɛɛre kɛɛ harɛɛ yoo, o do ɡoroŋ dɛ tɛ mɛ, dɛ ɛ n kon pi.

Ɛsra 10:7

Anomanta, ba kpɔ kala tɛ ba bola Juda harɛ ne Jerusalam bwa ŋɔ, nɛra baa kaa bane bojaŋ harɛ ta ba berɛ ba la bwa cheme Jerusalam.

Ɛsra 10:9

Tɔpera atoro la ne tela la, dɛ baala baa soɡe Juda harɛ ne Bɛnjamen dea harɛ bwa cheme Jerusalam. Asɛ korobie anuanaarɛ tɔpera fifraanɛ ta la, ba ka so Korowii Dea dembaah bela. Dɛ bwaala dɛ nɛ kohona, asɛ ba so o bini dɛɛ chel, dɛkalkɛŋɔ dɛ ba chema la waa hiaoh kohona.

Nehemia 13:28

Dɛ Sɔfonomoa Eliasib bibaa Joiada ɡe bibaa bɛl mo Sanbalat waa le Bɛt Hɔrɔn bihaah. Anomanta, n doŋi o bibaa la le Jerusalam.