Ɛsekeɛl 9:8 - mzwDBL

⁸ Ba lɔ nɛŋkpoa la ta, asɛ a ka n ɡbo che. Belaa n kpɔ sie pi harɛ dɛ do lɔŋɔre ŋɔ, “Oo! Nemenɛ Korowii, amɔ he dɛ ba Israel tena baa kaa nɔ bwa kpoora, dii he baah aa dia Jerusalam tena nɛɛ kohona nɔ wa aa?”

Ɛsekeɛl 9:8 Referans Kwoze

Ɛsekeɛl 11:13

N nyoa taa lɔ waa aa dɛ ba ba nɛɛ bala ta mɛɛ bol la, Bɛnaya bibaa Pɛlatea den chole sewɛ. Belaa n kpɔ sie pi harɛ, dɛ do lɔŋɔ lokua ne kohona ŋɔ, “Nemenɛ Korowii, amɔ he dɛ ba nɛra baa ka Israel harɛ bwa chɔɡa kwaraa kɛɛ?”

Ɛsekeɛl 4:14

Asɛ men Ɛsekeɛl ŋɔ, “Akai Nemenɛ Korowii, le n bechale saŋ ba le fini, n ta konlale kɛɛ kon olchɔɡa aa kpoo kpɔe leɡe n nyoa bwa. Kondikwaa aa ɛ kii kwaa ta n nyoa joɛ bwa.”

1 Webena 21:16

Kooro Devid ha sie nyiŋi dɛ na Korowii nyundua torome la kɛŋɔ waa cheɡɛ harɛ ne nyundua baah, dɛ pamɛ kere pa Jerusalam dɛɛ ba o chɔɡa. Dɛ Kooro Devid ne o nomonome tɔ lweyale, ba cholo dɛ kpɔ sie pi harɛ.

Josua 7:6

Ate, Josua kɛɛ laala waa doa la, dɛ kpɔ sie pi harɛ Korowii Ne Nɛwɛnyina Fɔo Daka la sie, dɛ chɔ bela ka tel jɔmɔra. Israel nomonome la ɡe ɛ ɡɛ, ba ne Josua bwa ɛ teera do ba nyuune ta a baɡle kɛŋɔ ba loo kuu.

Nɛra Kura 16:45

“Hé laa he te kpɔ ɡɛ nɛra nɔ bini, ásɛ n won kpoo ba buɡ nɔ ta ba waa tonɛ.” Asɛ Mosis ne Arɔn kpɔ ba sie pi harɛ dɛ soŋe Korowii.

Nɛra Kura 14:5

Belaa Mosis ne Arɔn kpɔ ba sie pi harɛ Israel tena baa chema la bwa sie.

Jeremia 14:19

Nɛra la bɔɔrɔ ŋɔ, “N Naa Korowii, he deno vɛh Juda tena kwaraa kɛɛ? He hah Saayɔn tena ɡe aa? Ɛrɛɛ he do yaa bola yaa wola won dɔ chaeh nɔɔ? Ya fe dɔ hwɛɡa kɛŋɔ yaa dɔ deŋnesɔɔhnaa, kɛ yaa wedɛɛɡa bɛlbwa na, dɛɛ nyiŋi kɛŋɔ ya dɔ chaeh saŋ bɛl, kɛ waa aa do ɔma kohona ɡboo yaa na.

Jeremia 14:13

Anee n ŋɔ, “Nemenɛ Korowii, keamere la bane teŋɔ dɛɛ bol nɛra la be ŋɔ, baa laa kɛɛ lɔr bɛlbwa nae ba, dɛkalkɛ ba ŋɔ he baɡ ba nyoa ŋɔ deŋnesɔɔhna ɡboo dɛ́ do ya harɛ nɔ ta.”

Jeremia 4:10

Anee men Jeremia ŋɔ, “Nemenɛ Korowii, he neɡre Jerusalam tena kohona. He ŋɔ baa dɔ deŋnesɔɔhnaa. Na ɡɛ kere aa jaɡɛ ba baŋa baa ba ba kpoora.”

Ɛsra 9:5

Jɔmɔr saraha ɛɛ aa tela la, n iro le bela maa soɡa dɛɛ di suna la, n batakaare maa kɛɛra ta do mɛ, asɛ n ɡuŋi harɛ dɛ ɡɔɔ n nɔɔra Korowii maa dɛ tomɔ la be nyundua,

Mmarare 9:18

Asɛ n berɛ chole dɛ kpɔ n sie pi harɛ Korowii sie tɔpera fifraanaarɛ webaŋa ne jwaana ɡɛ n fa aa kaa di bwejen la ta la. Dɛ maa kwaa di maa nee ɡe nyɔ, he wechɔɡa haa ɛ Korowii o baah di la nomanta.

Nɛra Kura 16:4

Mosis aa no ɡɛ la, o kpɔ o sie pi harɛ dɛ soŋe Korowii.

Mumpar 18:23

Asɛ o suuh tel Korowii dɛ ŋɔ, “N Naa Korowii, aah wedɛɡ-ɛɛra ne wechɔɡ-ɛɛra bwaa hɛɛ ba pɛɛ dɛ́ chɔɡ aa?

Ɛsekeɛl 7:8

Maa biɡri dɛ́ kpɔ n bandia ba he nɛ, mɛɛ bol he waa haa ɛa la waa dɛ́ tɛr he deŋne waa maa kia he ɛa la wa.