Ɛsekeɛl 8:16 - mzwDBL

¹⁶ O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.

Ɛsekeɛl 8:16 Referans Kwoze

Mmarare 4:19

He bɛ ɡel he pɛla ba lawɛ kwaa aa lɔ nyundua kɛŋɔ wee ne korobie ne weweela, ásɛ he ba duura dɛ́ toma. Harɛre ane nɛraa Korowii ŋɔ baa toma, he te laa.

Jeremia 32:33

Ba berɛ habɔɔ kpo mɛ, a lole kɛŋɔ n teŋɔ dɛɛ baɡ ba n waa la, kɛ baa deŋne cheɡ dɛ́ no n be, ásɛ dɛ hweli.

Mmarare 17:3

dɛ berɛ dɛɛ tomɛ voɡare ane, kɛɛ wee ne korobie dɛ weweela aa, amɔ o vɛh Korowii waa la ta teŋa.

Ɛsekeɛl 11:1

Korowii Doma la ɡɔɔ men Ɛsekeɛl kaa nyundua, dɛ kpɔ mɛ ba Jerusalam Korowii Dea wee leebɔr doonyoa la ta. Belaa n na baala fifraanɛ dɛ banue, dɛ Asuur bibaa Jaasania, ne Bɛnaya bibaa Pɛlatea baa ɛ Israel harɛ nomonome ja ba nɛ.

Jeremia 2:27

He dɛ yerɛ daa, ‘N dɔɔ,’ dɛ ŋɔ bwe ɡe be ŋɔ, ‘Henee lol mɛ.’ He berɛ habɔɔ kpo mɛ, kɛ dɛ waane baa puu heyaa tenaa he yon ŋɔ, ‘Korowii, ba dɛ́ ba lɛ yaa!’

Joel 2:17

Hé sɔfore haa dɛ tomɛ Korowii o Dea doonyoa ne saraha kon baah ta la, hé wi dɛ́ soŋo ŋɔ, “Ya Naa Korowii, sune yan yaa ɛ he nɛra nɛ, bɛ ɡel harɛ nɛra bane mamɛ yaa dɛ́ ŋɔ, ‘Leperaa Korowii haa dɛ tomɔ la dɔɔ?’ ”

Ɛsekeɛl 43:5

Belaa Korowii Doma la kpɔ mɛ ir, dɛ ba n ne bini dembaah la ta, asɛ Korowii jirima su o Dea bela.

Ɛsekeɛl 45:19

Sɔfo la kpɔ nabale baa kpɔa ba ɛ wechɔɡa kpɔe dɛ kɛ saraha la chal la ane ba ɛ n Dea doonyoa daa la ta, ne saraha kon la loŋkoni anaarɛ ta, dɛ doonyoo daa aa lɔ bini dembaah la ta.

Ɛsekeɛl 40:28

Ate, baa la kpɔ mɛ kpɔ weekaŋle harɛbɔr doonyoa la ta, dɛ ba n ne bini dembaah la ta. O maɡɛ doonyoa waa lɔ weekaŋle harɛbɔr la, asɛ o ne anɔ la bwa ɛ kɛrɛdɛ.

Ɛsekeɛl 10:3

Dɛ Kerobim la cheɡɛ Korowii Dea la weekaŋle harɛbɔr, asɛ baa la ka jo bela. Belaa bam ba tɔ Korowii Dea dembaah bela bwa.

Jeremia 44:17

Yaa ɛ waa yaa ŋɔa yaa ɛo laanee. Yaa ɛ saraharee tɛ ya voɡ waa ɛ Nyundua Haŋkooro la, dɛ́ fuɡe sen ɛ saraha tɛo ɡɛ ya naawa ne koranar dɛ nomonome fa aa dɛ ɛ Juda bwɛɛre ta ne Jerusalam fɔɡbaahna la. A ɡɛ saŋ la, ya dɔ kondikwa kohona asɛ ya wobɛlbwa do wer, wenaale bɛlbwa ta ya nɛɛ balɛ.

2 Webena 29:6

Ya naawa waa ta kasinteŋ dɔe tɛ Korowii yaa dɛ tomɔ. Ba ɛ wechɔɡa dɛ jo o nɛɛ dɛ vɛoh, dɛ berɛ habɔɔ kpoo bela waa lole.

2 Koranar 23:11

O berɔ laa jaɡre ane baa mwɛɛ bune ane soo siwi ɛa Juda harɛ dɛ kpɔ dɛɛ tomɛ wee la le Korowii Dea la doonyoa. Dɛ Juda koranaree fa ɛa dɛ kpɔ tɛ voɡa. O ɡelɔ ba fuh kwaa aa do kɛ torɔɡore ba kpɔ dɛɛ tomɛ la. Dɛ ba kpɔa ka bɛne dea nomoa bɛl baa dɛ yerɔ Netan Mɛlɛk bela o fa aa soɡa bini.

2 Koranar 23:5

O ir kerekpoŋra Juda koranar aa cheɡ ba baa fuh konsɔɔhsoma deŋɡarere aa lɔ Juda harɛ ne bwɛɛre aa bar Jerusalam bwa ta, dɛɛ tɛ voɡ Baal ne wee ne korobie ne weweela, dɛ kwaa aa lɔ nyundua bwa.

Ɛsekeɛl 23:35

Kenii men Nemenɛ Korowii ɛɛ bol hen Oholiba be. Haa soh n waa dɛ berɛ habɔɔ kpo mɛ nomanta, hɛɛ dɔ deŋnetɛra he pɛlchɔɡa ne he jwamane la waa.”

2 Webena 7:7

Kooro Solomɔn le Korowii Dea dembaah sie la cheɡ o do ɡoroŋ tɛ Korowii. Belaa o kpo kwaa dɛ fuah, dɛ ɛ mea sarahare, dɛ fuh ola la noorare ɛ deŋnesɔɔhna sarahare, dɛkalkɛ saraha kon baa kpɔ ayaawa ɛo la aa kanɛ kɛ a ɡɛ kwaa la bwa won jo o ta.

2 Koranar 16:14

Dɛ ɛ ayaawa kon baa dɛ ɛ saraha o ta, dɛ kpɔ do Korowii nɔn ta, o che saraha konfale la ne Korowii Dea la baah ta. Anomanta, Kooro Ahas kaa kpɔ ombene la ka cheɡ onfale la weekaŋle nyunduabɔr.

1 Koranar 8:29

Dɛɛ daah Dea nɔ chɔɔ ne jwaana, bonɔɔ he le cheɡ ŋɔ baa tomɛ. Dɛ n kpɔ sie chaɡɛ Dea nɔ ta dɛɛ soŋe naa, no n be.

Ɛsekeɛl 8:15

O berɔ ŋɔ, “Nɛwɛnyini bie, he na anɔ ɡe kenɛ? Hɛɛ na anɔ la maa kia kohona á ɡwaa anɔ kwara.”

Ɛsekeɛl 23:39

Awola tenten baa kpɔ ba bii tɛ ba kpoo ba voɡa ta tonɛ la, ba baa jo n Dea dɛ kpɔ doŋa kaoh.

Ɛsekeɛl 40:6

Belaa o kaa doonyoa waa chaɡɛ wee leebɔr la ta, dɛ ka che kon baa cheɡɛ o ta dɛɛ teeh la, dɛ teeh kaa nyundua dɛ ka maɡɛ doonyoa waa lɔ bela ɡe, o ɡe lɔ naɡale anuanaarɛ.

Ɛsekeɛl 43:8

Koranar la kpɔ ba doonyoo ne a daa ba kpaɡɛ n Dea doonyoo kwaa la, asɛ danjwɛɛ teŋe n ne ba baah ta. Ba ɛ waa maa kia, dɛ kpɔ doŋa kah n sɔn waa do ɡoroŋ la, asɛ n baah di n kpoo ba.

Ɛsekeɛl 46:1

Nemenɛ Korowii ŋɔ, “Doonyoa waa lɔ bini dembaah o sie chaɡɛ wee leebɔr la chɛ kɛŋɔ ó tɔ tɔpera anumɛl baa dɛ ɛ toma la, kɛ Ona Tɔpere ne Korobifale Tɔpejena dii ta te, a chɛ kɛŋɔ hé pilu.

2 Koranar 21:5

Korowii Dea dembaahna anɛ la bini la, o ɛ kwaa baa dɛ ɛ saraha a ta baa tomɛ kwaa aa lɔ nyundua kɛŋɔ wee ne korobie, dɛ weweela.

Jeremia 7:18

Ba bechale cheɡɛ damara ba bil, ba mɛɛnanar ɛɛ mar nii, asɛ haahna kpɔ noo koo men ta, dɛ charama dɛ wɔɔra kɛŋɔ paanoo, dɛɛ tɛ ba voɡ baa dɛ yerɔ Nyundua Haŋkooro la. Ba berɔ fuɡe sen dɛ kpɔ ɛ sarahare tɛ voɡare ane ɡe, dɛ kpɔ dɛɛ muɡli n baah.

Jeremia 8:2

A fe aa chɛ kɛ bá boa a nyoa dɛ́ ka huɡa la, aa chɔɔ kɛŋɔ haahra aa ɡela harɛ ɛɛ do wer ken harɛ la bobɛlbwa. Baa pa hoɡa laanee nyenɛ, ásɛ wee ne korobie ne weweela aa do kɛ voɡare a ɡɛ nɛra nɔ aa nyina kohona dɛɛ toma, dɛ kaa bɔɔ ba nyu waa a be la ɛɛ lɔ a ta.

Ɛsekeɛl 7:23

Hé nyin jɔɡrɔre cheɡ, nɛŋkpoa ɡboo harɛ la bwa, yoi ɡboo bwɛjen la bwa.