Ɛsekeɛl 8:1 - mzwDBL

¹ Baa lawɛ yaa kaa harɛfale ta bene anumɛl korobinumɛl tɔpenue ta la, dɛ men Ɛsekeɛl soɡe n dem, asɛ Juda tena nomonome la cheme n sie, asɛ Nemenɛ Korowii Doma den ba so n nɛ.

Ɛsekeɛl 8:1 Referans Kwoze

Ɛsekeɛl 20:1

Gɛ saŋ baa lawɛ yaa laa ta kaa Babelɔn bene anuanɛ, korobie anue tɔpera fi ta la, Israel nomonome la bane balɔ, dɛ ba so men Ɛsekeɛl sie dɛɛ nyin dɛ́ jemɛ waa aa le Korowii be.

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Ɛsekeɛl 14:1

Israel nomonome la bane ba men Ɛsekeɛl be, dɛ ba bɔɔ mɛ waa Korowii aa dɛ nyin.

Ɛsekeɛl 14:4

Anomanta, ŋɔ ba be ŋɔ, kenii men Nemenɛ Korowii ŋɔ, ‘Israel te bɛlbwa o bambile aa cheɡɛ voɡa ta, aa kaa o ne wechɔɡa ta la, o ba n keame be dɛɛ nyin waane dɛ́ no aa, men Korowiirii dɛɛ ba baɡla ɡɛ maa dɛ ba o voɡa la ɛɛ.

We-ɛɛla 20:33

N sie ta nomɛlbwa suuɡa kɛɛ o yal ta beɡrɛ.

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Ɛsekeɛl 40:1

Baa lawɛ yaa laa ta kaa bojaŋ harɛfale ta bene fifraanɛ dɛ anue ta, benfale tɔpera fi ta la, dɛ Jerusalam aa paɡra bene fi dɛ anaarɛ habɔɔ. Awola tɔpere laanee Korowii kpeɡri ba n nɛɛ dɛ kpɔ mɛ kaa Jerusalam.

Ɛsekeɛl 37:1

Korowii kpeɡri ba men Ɛsekeɛl nɛ, asɛ o Doma kpɔ mɛ le ka che fɛlembɔjen bɛl bini, dɛ hoɡa su o ta bwa.

Ɛsekeɛl 32:17

Baa lawɛ yaa laa ta kaa bojaŋ harɛfale ta bene fi dɛ anɛ, tɔpera fi dɛ anue ta la, Korowii bol waa men Ɛsekeɛl be ŋɔ,

Ɛsekeɛl 31:1

Baa lawɛ yaa laa ta kaa bojaŋ harɛfale ta bene fi dɛ beŋkpoŋ, korobitooro te, tɔpere waa tɔ sie ta la, Korowii bol waa men Ɛsekeɛl be ŋɔ,

Ɛsekeɛl 29:17

Baa lawɛ yaa laa ta kaa bojaŋ harɛfale ta bene fifraanɛ dɛ anuanɛ, korobiloɡle tɔpere waa tɔ sie ta la, Korowii bol waa men Ɛsekeɛl be ŋɔ,

Ɛsekeɛl 29:1

Baa lawɛ yaa laa ta kaa bojaŋ harɛfale ta bene fi, korobie fi tɔpera fi dɛ anɛ ta la, Korowii bol waa men Ɛsekeɛl be ŋɔ,

Ɛsekeɛl 26:1

Bene fi dɛ beŋkpoŋ, korobiloɡle tɔpere waa tɔ sie baa lawɛ yaa laa ta kaa bojaŋ harɛfale ta la, Korowii bol waa men Ɛsekeɛl be ŋɔ,

Ɛsekeɛl 24:1

Baa lawɛ yaa laa ta kaa Babelɔn bene anuanaarɛ, korobie fi tɔpera fi ta habɔɔ la, Korowii bol waa men Ɛsekeɛl be ŋɔ,

Ɛsekeɛl 3:22

Korowii kpeɡri ba n nɛɛ bela dɛ ŋɔ n be ŋɔ, “Ir kaa deŋɡarere dor harɛ waa chɔa kaa la ta, ásɛ n bol waa he be.”

Ɛsekeɛl 3:14

Korowii Doma la baa so n nɛɛ kpeɡri nɛ, dɛ kpɔ mɛ kaa, asɛ n sie beɡre n baah di n bambile bini.

Ɛsekeɛl 3:12

Belaa Korowii Doma la ɡɔɔ mɛ ir che, asɛ n no takpeɡ bɛl n habɔɔ kɛŋɔ bwaala aa kɔra ken ŋɔ, “Hé kpɛɛ jirima Korowii aa dɔa o soŋnibɔr.”

2 Koranar 6:32

Asɛ o tomɛ ŋɔ bá ka yerɛ Elaesa ba, dɛ o lɔ o dem Israel nomonome so o be. Torome la aa wola tele mɔɔ la, Elaesa ŋɔ nomonome la be ŋɔ, “He ta nae kɛŋɔ nɛn waa dɛ kpoo nɛra nɔ aa tomɛ nɛn ŋɔ ó ba kpo mɛ naa? Dɛ torome la balaa, hé laa ɡbera tɔ dɛ bɛ ɡel o dɔ bɔr jo. O dɔɔ kooro nakpale sio teŋɛ o nɛɛ wɛɛ ba.”

Ɛsekeɛl 7:27

Kooro ɛɛ wiu, sitɔɔ bwara yɔr, ásɛ harɛ la ta nɛra bwara ɛɛ sa. He we-ɛɛla taa mɛɛ ba cheɡa dɛ́ tɛr he deŋne, he wechɔɡa haa ɛa mɛɛ ba kpɔe pa heyaa bolchɔɡe, ɡɛ haa ɛ he bala la. Ásɛ he jemɛ kɛŋɔ menee Korowii.”

Ɛsekeɛl 8:2

N nyiŋo dɛ na komɛl wepila ta kɛŋɔ nɛn ken. Le o chara ta kaa o nakpale ta do kɛŋɔ ninlao ken, dɛ berɛ le o chara ta kaa o nyundua ɡe do kɛŋɔ ayaawa baa looru wɛɛ nyɛɡle.

Ɛsekeɛl 33:22

Dɛ Korowii tɛ mɛ kpeɡri jɔmɔra bɛl, mɔɔ tɔɔper chɔɔbɔr baa la ba n be, asɛ Korowii pili n nyoa, dɛ ɡel n berɛ won waa bola.

Ɛsekeɛl 30:20

Baa lawɛ yaa laa ta kaa bojaŋ harɛfale ta bene fi dɛ beŋkpoŋ, korobiloɡle la tɔpenuanɛ ta la, Korowii bol waa men Ɛsekeɛl be ŋɔ,

Ɛsekeɛl 32:1

Baa lawɛ yaa laa ta kaa bojaŋ harɛfale ta bene fi dɛ anɛ, korobie fi dɛ anɛ, tɔpere waa tɔ sie ta la, Korowii bol waa men Ɛsekeɛl be ŋɔ,