Ɛsekeɛl 6:5 - mzwDBL

⁵ Wɛɛ pa Israel tena baa serewa la lalaa bil ba voɡare sie, dɛ́ berɛ pa ba hoɡa bar kwaa baa dɛ ɛ saraha a ta la.

Ɛsekeɛl 6:5 Referans Kwoze

2 Koranar 23:16

Kooro Josia nyiŋo, dɛ na ŋwama ane deŋɡare bɛl ta. Asɛ o ɡel ba huɡri hoɡa la, dɛ fuah kon voɡtoroma aa dɛ ɛ saraha o ta la ta. Gɛɛ o ɛ dɛ kpɔ doŋa kaoh, asɛ waa Korowii keame la fa aa tɔ sie bol ba tɔpejen bɛl dii, ɡɛ saŋ Kooro Jɛroboam aa cheɡɛ saraha kon jwɛh la ɛ kasinteŋ.

2 Koranar 23:14

Kooro Josia ɡelɔ ba paɡre bwea baa paaɡa dɛɛ duura, dɛ kuuɡi voɡ Asera dajaŋa ta, dɛ pa nɛra hoɡa bil a buɡ ta.

Yela 53:5

Belaa ba do ɔmee su ba bwa, kɛ dɛ a ta chɛ kɛŋɔ bá fe ɔmɛ. Korowii lɔ nɛra baa yo heyaa la hoɡa peɡre, he ɡelɔ sihiih kpo ba, dɛkalkɛ Korowii vɛɛh ba.

Ɛsekeɛl 43:7

O ŋɔ, “Nɛwɛnyini bie, n kookara chebɔree bonɔ. Bonɔɔ mɛɛ ba soɡa saŋ bɛlbwa dɛɛ la, dɛɛ nyiŋi n nɛra Israel tena nɛ. Israel tena aa ba koranar baa serewaa ɛ kɛŋɔ voɡa aa wola mkpa dɔe, dɛɛ toma dɛɛ ɛ jwamanwa bonɔ, dɛ́ kpɔ doŋa kah n sɔn waa do ɡoroŋ la kpa.

Jeremia 7:32

Anomanta, saŋ bɛl ɛɛ bao baa wola on yerɛ Tɔfɛt kɛɛ Henɔm Fɛlembɔjen kpa, baa dɛɛ yerɔ Nɛŋkpoa Fɛlembɔjenii. Baa huɡe nɛra belaa ka tel kɛ bɔr aa wola lee do bá huɡ ba.