Ɛsekeɛl 47:9 - mzwDBL

⁹ Nee bini kwaa bwa soo siwi ɛɛ warɔɔ kohona, dɛ́ ba so nee la ta bela bwa waa pala dɛɛ kaa la. Pɛŋa ɛɛ warɔɔ do o ta, dɛkalkɛ nee la aa dɛ palɛ la ɡelɔ mpo nee aa ɛ yar la do wer. Bela waa pala dɛɛ kaa bwa, komɛlbwa won o bini soɡa.

Ɛsekeɛl 47:9 Referans Kwoze

Amanesoma Jɔn Aa Chwera Tɔn 6:63

Hé jemɛ kɛŋɔ Korowii Domadɛɛɡe ɡbosoroo dɛɛ tɛ mkpa. Nɛwɛnyini bokpeɡa te ɛ pɛɛpɛɛ. Waa maa dɛ bol he be nɔ dɛ ba Korowii Domadɛɛɡe la ne, asɛ dɛɛ tɛ heyaa mkpa.

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Aesaya 55:1

Korowii ŋɔ, “Hé banɔ la nyɔɡre aa dɛ kpo heyaa la, nee lole, hé ba nyɔ! He ta suuɡa dɔe yaa, hé ba, hɛɛ dɔ kondikwaa di pɛɛpɛɛ! Sen ne na-elnee lole, suuɡa ne laa baa yawa, yoɡ ɡe toole a ta!

Yela 78:16

O ɡelɔ nee le bwe ta, dɛɛ palɛ kɛŋɔ nenapale ken.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

We-ɛɛla 2:47

Dɛ ba dɛ jam Korowii, dɛ nɛra dɛ kpɛɛ ba taeh. Asɛ Korowii lɛ nɛnfala tɔpebii te bɛlbwa ba baa ja o nɛra la nɛ.

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.

Amanesoma Jɔn Aa Chwera Tɔn 14:19

A ka tama, nɛra baa dɔ harɛ nɔ ta ɡbo liire aa men na kpa, kɛ he te ɛɛ na mɛɛ. Maa dɔ mkpa nomanta, he ɡee dɔ mkpaa.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Amanesoma Jɔn Aa Chwera Tɔn 5:25

Kasinteŋ, n dɛ ŋɔ he be ja kɛŋɔ saŋ bɛl ɛɛ bao ásɛ nɛra baa serewa no men Korowii Bie la taa, ásɛ banɔ la baa dɛ no la dɔ Korowii mkpa. Tɔpere la dɔɔ tel kwara.

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Aesaya 49:12

Baa le bojaŋaa ba, bane ɛɛ le weekaŋle nyunduabɔree, bane ɡe le wee cholibɔr dɛ́ ba, ásɛ bane ɡe le Aswan dɛ́ ba.”

Aesaya 30:26

Korobie ɛɛ lɔɔ dɛ chaah bɔr kɛŋɔ wee ken, ásɛ wee chaah bɔr kohona kɛŋɔ baa lɔ tɔpera anuanɛ wee bɔr chaahna pɛ ken. A ɡɛ saŋ Korowii ɛɛ vɔrɔwe bola waa do o nɛra laanee, dɛ́ chaah ba.

Aesaya 12:3

Gɛ nyɔɡre dɛ kpo nɛn o dɔ kɔlɔŋ nee nyɔ, o sie lɛ la, ɡɛɛ dɛ Korowii lɛ nɛra aa, ba sie ɛɛ lɛ.

Yela 103:3

O kpɔ n wechɔɡa bwa dɛɛ kɛ mɛ, dɛɛ chah n weela ɡe bwa.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

1 Kɔrent 15:45

Ba chwerɔ do Korowii Tɔn bini ŋɔ, “Korowii ta nɛnloɡle, dɛ yerɔ Adam, asɛ o dɔ mkpa dɛ do le.” Kɛ muŋkaa Adam la te ɛ Korowii doa nɛn dɛɛ tɛ mkpa. Onee Yeesu Kristo.

We-ɛɛla 21:20

Baa no Pɔɔl waa la, ba jam Korowii taeh. Belaa ba ɡe ŋɔ o be ŋɔ, “Nomoa, taraken nɔ, yaa won jemɛ Juu tena baa yarada ya Dɔɔ Yeesu nɔ nyoa baɡle. Ba warɔ kohona. Ba sie beɡre Mosis Mmara la ɡe ta taeh.

We-ɛɛla 6:7

Korowii waa la perɛ bela. Dɛ nɛra baa yarada waa la dɛ baa ja Yeesu habɔteŋra la nɛɛ Jerusalam la dɛ warɛ kɛrɛdɛ. Hale sɔfore la kɛrɛdɛ bwaa yaradaa dɛ baa teŋɛ Yeesu ŋwɛnɛ la ta.

We-ɛɛla 5:14

Dɛ balaa nɛra ɡe den na dɛɛ ba, dɛ baa ja ba nɛ. Dɛ ba bini baala ne haahna bwaa dɛɛ ba, dɛ kpɔ ba te tɛ Yeesu.

We-ɛɛla 4:4

Nɛra baa lɔ bela dɛɛ no waa la dɛ yaradaa warɔ. Dɛ baala baa yarada waa la lɔ nɛra kaɡboŋa banue.