Ɛsekeɛl 47:3 - mzwDBL

³ Baa la kpoŋe ŋwɛn bɛl waa dɛ maɡɛ o ne kwa, dɛ kpɔ sie chaɡɛ wee leebɔr pera. O maɡɛ naɡale kaɡboŋ lafraanue dɛ kpɔ mɛ jo nee la ta o tel n nasoɡdor.

Ɛsekeɛl 47:3 Referans Kwoze

Ɛsekeɛl 40:3

O la n ne bela, asɛ n na baa bɛl waa cheɡɛ deene la doonyoa dɛɛ nyɛɡle kɛŋɔ ayaawa. O kpoŋe ŋwɛmpoŋ ne daa baa kpɔa dɛɛ maɡɛ kwa.

Wepila 21:15

Nyundua torome waa bol waa n be la kpoŋe suuɡaswɛm daa baa dɛ maɡɛ o ne kwa, dɛɛ ba bwɛɛ la ne o doonyoone dɛ danjwɛɛ la maɡa.

Wepila 11:1

Ba kpɔ daa bɛl baa kpɔa dɛɛ maɡɛ kwaa o do kɛŋɔ daŋɡbala tɛ mɛ, dɛ ŋɔ n be ŋɔ, “Korowii ŋɔ hé ir kpɔ daa nɔ ka maɡɛ Korowii Dea ne bela baa dɛ fuh kwaa dɛɛ tɛo la, dɛ́ kure nɛra baa dɛ tomɔ o bini la.

We-ɛɛla 2:33

O Mɛɛ Korowii aa kpɔɔ kaa nyundua dɛ ɡel o so nomombɔr o diɡ ta la, o tɛo o Domadɛɛɡe la ɡɛ o fa aa baɡɛ nyoa la, asɛ Yeesu ɡe berɛ kpɔ tɛ yaa. O tomaa hɛɛ na dɛɛ no la.

We-ɛɛla 2:4

Ate, dɛ Korowii Domadɛɛɡe baa so ba bwa nɛɛ kpeɡri ne dɛ ir ba nɛ, asɛ baa bol wobofala. Korowii Domadɛɛɡe laanee ɡela ba won dɛɛ bol a ɡɛ wobofala la.

Amanesoma Luk Aa Chwera Tɔn 24:49

Kɛ hé no, n ɡbabir ɛɛ tomɛ kon n Mɛɛ aa baɡɛ heyaa nyoa laanee he be. Anomanta, hé so bwɛjen nɔ ta ka tel kɛŋɔ kpeɡri la aa le nyundua ba he be.”

Sekaria 2:1

Wepila ane ɡe ta, men Sekaria na bonɔmbii bɛl waa kpoŋe ŋwɛn baa kpɔa dɛɛ maɡɛ bɔr.

Ɛsekeɛl 47:2

Baa la cheɡɛ weekaŋle nyunduabɔr doonyoa, dɛ kpɔ mɛ le ba dahara doonyoa o sie aa chaɡɛ wee leebɔr la ta, dɛ nee la palɔ le weekaŋle harɛbɔr pera baa kaa.

Ɛsekeɛl 47:4

O maɡɛ naɡale kaɡboŋ lafraanue ja, dɛ kpɔ mɛ jo nee la ta o tel n natuune ta. Dɛ maɡɛ naɡale kaɡboŋ lafraanue, dɛ kpɔ mɛ jo nee la ta o tel n chara ta.

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”