Ɛsekeɛl 44:13 - mzwDBL

¹³ Ba bɛ n sie ba, dɛ́ ba tom mɛ kɛŋɔ sɔfore, kɛɛ dɛ́ ŋɔ baa tuuhnu tel kwaa aa do ɡoroŋ, ne saraha aa do ɡoroŋ kohona la bɛlbwa. A chɛ kɛ sihiih kpo ba, baa dɔ deŋnetɛraa waa maa kia ba ɛ la wa.

Ɛsekeɛl 44:13 Referans Kwoze

Nɛra Kura 18:3

Ba toma ɛɛ bwa lɔ he nɔn ta. Gel ba nyiŋi kɛrɛdɛ dɛɛ ɛ toma bɛlbwa sese aa lɔ n Tɛnte Cheremibɔr dembaah bela la bwa. Kɛ ɡel ba nyiŋi kɛrɛdɛ dɛ bɛ laala baa kpɔa kwaa Boɡoroŋ la bini, kɛɛ kon baa dɛ ɛ saraha o ta la ba leɡe. A ba ɡɛ naa, he ne ba bwa ɛɛ serewoo.

2 Koranar 23:9

Kerekpoŋra baa dɛ ɛ toma voɡare ta la ta ŋwɛnɛ dɔe dɛ́ ɛ saraha Korowii saraha kon waa lɔ Jerusalam la ta. Kɛ dɛ ba ne ba bala baa dɛ ɛ toma Korowii Dea won paanoo iisi aa wola toole a ta dii.

Ɛsekeɛl 36:7

Dɛ ɡɛɛ a do tenaa, n ir nɔn dɛ ŋwɛɛ kɛŋɔ harɛre aa bar heyaa cheme nɔ nɛra ɡe ɛɛ di sihiih bá mam ba.

Ɛsekeɛl 32:20

Ijipt tena bwa ne banɔ la baa kpoo ba keri ne la dɛ́ ba pɛɛ serewe. N pamɛ n kere dɛɛ ba ba bwa kpoora.

Ɛsekeɛl 16:61

He baa lii waa he fa aa lɔ a ta la aa, sihiih ɛɛ kpoe. Maa kpɔ he nimanar ne he nahaahnanar ba tɛɛ bá do kɛ bihaahna tɛɛ la, ate ta fɔo n ne haa fɔwa la ta jae.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Ɛsekeɛl 39:26

Baa soh ba sihihwaa ne kasinteŋ bɛ dɔe dɛ tɛ mɛ ɡɛ saŋ baa soɡe deŋnesɔɔhna ta ba harɛ ta, nomɛlbwa aa wola ban aah la.

Jeremia 3:25

Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”