Ɛsekeɛl 43:4 - mzwDBL

⁴ Korowii jirima la cheɡɛ wee leebɔr doonyoa la ta, dɛ ba su o Dea la bini.

Ɛsekeɛl 43:4 Referans Kwoze

Ɛsekeɛl 44:2

Ate, Korowii ŋɔ n be ŋɔ, “Den ɡel doonyoa nɔ tɔ ɡɛ. Bɛ on pili, nomɛlbwa ɡe bɛ o ta kpɔ, dɛkalkɛ men Korowii Israel tena aa dɛ tom mɛ la, n kpɔ o ta.

Ɛsekeɛl 43:2

asɛ n na Korowii Israel tena aa dɛ tomɔ la jirima o le wee leebɔr dɛɛ ba. O taa do kɛŋɔ chuubu sii ken, asɛ o jirima chaah kohona harɛ la ta bwa.

Kaala 40:34

Belaa bam la ba tɔ Korowii Dea Cheremibɔr la bwa, asɛ Korowii jirima su o Tɛnte Dea la bini.

Ɛsekeɛl 1:28

Gɛ bwaala deŋɡare yon le baama ta bɔr chaah la, ɡɛɛ bɔr waa chaahna bar kookara la do. A dɛ baɡle ɡɛ Korowii jirima aa doa. Maa nao la, n cholo dɛ kpɔ sie pi harɛ, asɛ dɛ no taa bɛl.

Ɛsekeɛl 11:23

Korowii jirima le bwɛjen la ta, dɛ kaa bwejen bɛl waa lɔ o wee leebɔr doa.

Ɛsekeɛl 43:1

Baa la kpɔ men Ɛsekeɛl ba Korowii Dea wee leebɔr doonyoa la ta,

Ɛsekeɛl 44:4

Baa la kpɔ mɛ kpɔ weekaŋle nyunduabɔr doonyoa ta, dɛ ba n ne Korowii Dea la sie. Asɛ n na kɛŋɔ Korowii jirima baa su o Dea la bini bwa, asɛ n ba harɛ dɛ kpɔ sie pi harɛ.

Kaala 40:35

Bam la aa tɔ bela Korowii jirima aa su o bwa nomanta, Mosis ta wone jo bela.

Aesaya 60:1

Jerusalam, ir dɛ́ chaah kɛŋɔ wee! Korowii jirima dɛ chaah he nɛ!

Ɛsekeɛl 3:12

Belaa Korowii Doma la ɡɔɔ mɛ ir che, asɛ n no takpeɡ bɛl n habɔɔ kɛŋɔ bwaala aa kɔra ken ŋɔ, “Hé kpɛɛ jirima Korowii aa dɔa o soŋnibɔr.”