Ɛsekeɛl 41:4 - mzwDBL

⁴ O maɡɛ Korowii Dea la bini tenten jaŋne, o ɛ naɡale fifraatoro, asɛ o paɡri ɡe naɡale fifraatoro dɛ kaa dea waa lɔ bini la ta. Asɛ o ŋɔ n be ŋɔ, “Bonɔ ɛ Boɡoroŋ Tenten.”

Ɛsekeɛl 41:4 Referans Kwoze

1 Koranar 6:20

Korowii Dea la bini tenten la paɡri lɔ naɡale fifraatoro, o jaŋne dɛ kaa nyundua lɔ naɡale fifraatoro, asɛ o jaŋne ɡe naɡale fifraatoro. Ba kpɔ suuɡaswɛm tenten kwaa o bini bwa, dɛ kpɔ peleme daa pɛɡle kon baa dɛ ɛ saraha o ta la bwa.

2 Webena 3:8

Boɡoroŋ Tenten bela la, dea waa lɔ Korowii Dea bini la, o kpɔ suuɡaswɛm tenten a tɔɡre aa ɛ kilore kaɡboŋa fifraanɛ lafraanaarɛ ɛ bela bwa. O jaŋne ne Korowii Dea la paɡri bwa kɛrɛdɛ, bɛlbwa lɔ naɡale fifraatoro.

Wepila 21:16

Bwɛjen la ɛ fɔɔskwɛɛ. O paɡri ne o jaŋne bwa kɛrɛdɛ. O kpɔ daa la dɛ maɡɛ bwɛɛ la, o jaŋne lɔ kwansini kaɡboŋ lafraanue. O paɡri ne o jaŋne, ne o nyundua kpeɡa bwa beŋkpoŋ.

1 Koranar 6:16

O kpɔ peleme daa la ane teŋe Korowii Dea la bini, Boɡoroŋ Tenten la baah ta kɛŋɔ pateesan ken le nyundua ba chiɡ harɛ. O jaŋne lɔ naɡale fifraatoro.

1 Koranar 6:5

Ba ma deene sawɛ Korowii Dea la, ne danjwɛɛ waa lɔ o bini tenten la dɛ bar o bwa dɛ ma dejeɡre sarawa.

1 Koranar 7:50

O berɔ ɛ suuɡaswɛm tenten loɡbaala, ne kon baa kpɔa dɛɛ fee kandea ŋwɛn la doŋa, ne loɡa baa do nee kɛɛ chal a bini dɛ ɛ dɛɛ merɛ, ne loɡa ne kwaa baa kpɔa dɛɛ buh nii, ne dea la ɡbeni baa kpɔ suuɡaswɛm ɛa, ne ɡbeni aa lɔ Boɡoroŋ Tenten bela ɡbeni, dɛ ɡbeni aa lɔ Dea la nyoa bwa.

1 Koranar 8:6

Asɛ sɔfore la kpɔ Korowii Ne Nɛwɛnyina Fɔo Daka la ka cheɡ Korowii Dea la bini, Boɡoroŋ Tenten bela Kerobim la kena lɔɡre.

2 Webena 5:7

Asɛ sɔfore la kpɔ Korowii Ne Nɛwɛnyina Fɔo Daka la ka cheɡ o Dea la bini, Boɡoroŋ Tenten bela, Kerobim la kena lɔɡre.

Ɛsekeɛl 41:23

Korowii Dea la bini ne Boɡoroŋ Tenten la bwa dɔ ɡbeni anɛnɛ.