Ɛsekeɛl 40:44 - mzwDBL

⁴⁴ Baa la berɔ kpɔ mɛ ba bini dembaah la ta. Deene anɛ lɔ bela. Bɛl lɔ weekaŋle nyunduabɔr doonyoa la jwɛh, o sie chaɡɛ weekaŋle harɛbɔr, onɔ la ɡe do weekaŋle harɛbɔr, o sie chaɡɛ weekaŋle nyunduabɔr.

Ɛsekeɛl 40:44 Referans Kwoze

Ɛsekeɛl 40:27

Bini dembaah la dɔ doonyoa o sie chaɡɛ weekaŋle harɛbɔr, asɛ o che doonyoa la ta maɡɛ kaa doonyoa waa lɔ habɔɔ weekaŋle harɛbɔr la ta, o ɛ naɡale lafa fifraanue.

Ɛsekeɛl 40:23

Dɛ doonyoa bɛl lɔ bini dembaah la ta, dɛ chaɡɛ doonyoa waa lɔ weekaŋle nyunduabɔr, ɡɛ tenten wee leebɔr doonyoa la aa doa la. O maɡɔ le doonyoa bɛl ta, dɛ kaa bɛl o ɡe sie aa chaɡɔ ta, asɛ a baah la ɛ naɡale lafa fifraanue.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Ɛfesos 5:19

ásɛ dɛ ɡel o wobol ne o yela do he bambile bini he bola dɛ́ɛ tɛ dɔŋa, dɛ́ɛ ɡo yela aa dɛ baɡle o waa la ne anɔ la aa dɛ kpɛɛro. Hé kpɔ silɛɛ dɛ́ɛ kpɛɛ he Dɔɔ he bambile bwa ne,

Ɛsekeɛl 40:38

Dea bɛl pɛl bela baa cheɡa dɛɛ jo, doonyoo aa lɔ dem waa lɔ bini la bɛlbwa, belaa baa yaɡle saraha kwaa baa dɛ fuah la.

Ɛsekeɛl 40:29

O dejeɡre ne danjwɛɛre aa lɔ bini la, ne bela baa cheɡa dɛɛ jo o ta la bwa, ba maɡa a ɛ kɛrɛdɛ kɛŋɔ anɔ la ken. Doonyoa la ne bela baa cheɡa dɛɛ jo o ta la dɔ bɔjeɡre a bwa ta. O jaŋne lɔ naɡale fifraanuanɛ dɛ anue, o paɡri ɡe ka tama o tel naɡale fifraatoro dɛ anuatoro.

Ɛsekeɛl 40:17

Baa la kpɔ mɛ jo habɔɔ dembaah la bini. Bela la, n na deene fifraatoro baa maa pɛl danjwɛɛ la, ne ŋwɛnɛ bɛl baa mao bwea ne o ir nyundua, dɛ bar dembaah la cheme.

Ɛsekeɛl 40:10

Wee leebɔr doonyoa la bini bela, dejeɡre atoro lɔ baŋ bɛlbwa ta, a bwa kɛrɛdɛ, asɛ danjwɛɛre aa lɔ a baŋ bɛlbwa ta la ɡe kɛrɛdɛ.

Ɛsekeɛl 40:7

Dejeɡre atoro lɔ bela nɛra che a bini dɛɛ daah bɔr. A bɛlbwa paɡri lɔ naɡale anuanaarɛ, asɛ a jaŋne ɡe lɔ naɡale anuanaarɛ. Ba ma danjwɛɛ o bare aa ɛ naɡale anuanɛ ne tama dɛ teŋni a baahna. Baa la maɡɛ bɔr waa chɔa kaa dejeɡre la doonyoa, asɛ o ɛ naɡale anuanaarɛ.

Ɛsekeɛl 40:43

Ba ɡoŋe bune a nyoo ɛ anɛnɛ pɛ danjwɛɛ la ta dɛ bar, a jaŋne do kɛ nɔmpaa del. Dɛ kpɔ saraha ola la dɛɛ dawɛ teeburre la ta.