Ɛsekeɛl 40:3 - mzwDBL

³ O la n ne bela, asɛ n na baa bɛl waa cheɡɛ deene la doonyoa dɛɛ nyɛɡle kɛŋɔ ayaawa. O kpoŋe ŋwɛmpoŋ ne daa baa kpɔa dɛɛ maɡɛ kwa.

Ɛsekeɛl 40:3 Referans Kwoze

Wepila 11:1

Ba kpɔ daa bɛl baa kpɔa dɛɛ maɡɛ kwaa o do kɛŋɔ daŋɡbala tɛ mɛ, dɛ ŋɔ n be ŋɔ, “Korowii ŋɔ hé ir kpɔ daa nɔ ka maɡɛ Korowii Dea ne bela baa dɛ fuh kwaa dɛɛ tɛo la, dɛ́ kure nɛra baa dɛ tomɔ o bini la.

Ɛsekeɛl 47:3

Baa la kpoŋe ŋwɛn bɛl waa dɛ maɡɛ o ne kwa, dɛ kpɔ sie chaɡɛ wee leebɔr pera. O maɡɛ naɡale kaɡboŋ lafraanue dɛ kpɔ mɛ jo nee la ta o tel n nasoɡdor.

Wepila 21:15

Nyundua torome waa bol waa n be la kpoŋe suuɡaswɛm daa baa dɛ maɡɛ o ne kwa, dɛɛ ba bwɛɛ la ne o doonyoone dɛ danjwɛɛ la maɡa.

Wepila 1:15

O nakpale ɡe swɛɛrɔ kɛŋɔ baa kpɔ ayaawa do nii ta wɛɛ nyɛɡle la. Asɛ o taa ɡe do kɛŋɔ chuubu aa dɛ si la.

Ɛsekeɛl 1:7

A nakpale toɡrɔ, a napaala ɡe do kɛŋɔ nabale kwa, dɛɛ nyɛɡle kohona kɛŋɔ ayaawa baa looru ken.

Ɛsekeɛl 1:27

N nao kɛŋɔ nɛn waa soɡe kookara la ta la, le o chara ta dɛ kaa nyundua do kɛŋɔ buni baa doo nii ta wɛɛ nyɛɡle, dɛ́ berɛ le o chara ta dɛ́ ba harɛ la ɡe do kɛŋɔ nii, asɛ nii waa chaahna kohona baro cheme.

Aesaya 28:17

Kasinteŋii mɛɛ ba kpɔe berɛ ŋwɛn ba kpɔ dɛɛ maɡɛ kon, dɛ́ kpɔ waa aa toɡra berɛ kon demamaala aa kpɔa dɛɛ toɡre dea. Dompeu ne nee dɛɛ ba a palɛ nyosone haa kpɔa tɔ he te la kaa.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Ɛsekeɛl 41:1

A habɔɔ la, baa la laɡ mɛ ba Korowii Dea la bini waa do ɡoroŋ, dɛ ba maɡɛ o doonyoa daa la. Baŋ bɛlbwa paɡri lɔ naɡale anuanaarɛ.

Ɛsekeɛl 42:16

O kpɔ daa la maɡɛ wee leebɔr pera, o ɛ naɡale lafraanuanɛ fifraanue.

Ɛsekeɛl 43:6

Dɛ baa la cheɡɛ n jwɛh, asɛ n no nomɛl taa Korowii Dea la bini wɛɛ bol waa n be.

Ɛsekeɛl 8:2

N nyiŋo dɛ na komɛl wepila ta kɛŋɔ nɛn ken. Le o chara ta kaa o nakpale ta do kɛŋɔ ninlao ken, dɛ berɛ le o chara ta kaa o nyundua ɡe do kɛŋɔ ayaawa baa looru wɛɛ nyɛɡle.