Ɛsekeɛl 37:4 - mzwDBL

⁴ Anee Korowii ŋɔ n be ŋɔ, “Bol hoɡa la be, waa aa dɛ ba a nɛɛ bala. Ŋɔ á cheɡ deŋne dɛ́ no men Korowii wa.

Ɛsekeɛl 37:4 Referans Kwoze

Amanesoma Jɔn Aa Chwera Tɔn 5:25

Kasinteŋ, n dɛ ŋɔ he be ja kɛŋɔ saŋ bɛl ɛɛ bao ásɛ nɛra baa serewa no men Korowii Bie la taa, ásɛ banɔ la baa dɛ no la dɔ Korowii mkpa. Tɔpere la dɔɔ tel kwara.

Matiu 21:21

Anee Yeesu ŋɔ ba be ŋɔ, “Kasinteŋ, dɛ he dɔ yarada, haa tɔŋla di he bambile bini naa, hɛɛ wonoo ɛ ɡɛ maa ɛa dɛ ɡel daa nɔ sewɛ nɔ. A ɡbo laa. Hɛɛ wonoo kpɔ yarada ŋɔ bwé nɔ chuɡri ka le mpo ta, ásɛ o chuɡri ka le mpo ta.

Ɛsekeɛl 36:1

Korowii ŋɔ men Ɛsekeɛl be ŋɔ, “Nɛwɛnyini bie, bol Israel bwejena be waa aa dɛ ba a nɛɛ bala, ŋɔ á no waa Nemenɛ Korowii aa dɛ bol a be.

Jeremia 22:29

Harɛ nɔɔ dɛ́ ɛ danseɛ dɛ́ cheɡ deŋne dɛ́ no Korowii waa waa bola.

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Ɛsekeɛl 37:11

Ate, Korowii ŋɔ n be ŋɔ, “Nɛwɛnyini bie, Israel tena bwa do kɛ hoɡa nɔ. Ba dɛ bol ŋɔ ya hoɡa bwa loɡao, ya ta hwɛɡa bɛlbwa dɔe, ya toole wobɛlbwa bini.

Amanesoma Jɔn Aa Chwera Tɔn 2:5

O nya berɔ ŋɔ bonɔɔna baa dɛ do sene la be ŋɔ, “Dɛ o baa ŋɔ hé ɛ wobɛlbwa naa, hé ɛ.”

Nɛra Kura 20:8

“Kpɔ daŋɡbala la ásɛ he ne Arɔn ka cheme nɛra la bwa. Bol wa, nee ɛɛ le bwe la taa, ásɛ nɛra la ne ba kondɛɛra bwa nyɔ.”

1 Koranar 13:2

Korowii keame la cheɡɛ Korowii waa ta dɛ kpɔ takpeɡ ŋɔ, “Korowii tom mɛ ŋɔ ń ba bol kon baa dɛ ɛ saraha o ta nɔ wa. O ŋɔ, ‘Baa lolɛ bibaalee ó ɛ Kooro Devid naa baa yerɔ Josia. He taa wɛɛ ba ó kpoo kerekpoŋra baa soɡe voɡa baa cheɡa deŋɡarere ta dɛɛ ɛ sarahare, dɛ́ fuh ba hoɡa he ta.’ ”

Aesaya 42:18

Korowii ŋɔ, “Hé nɛra haa taŋ deŋna, hé no! Nyoŋa ɡe, hé nyiŋi dɛ́ na!

Maeka 6:2

Bwejena ne kwaa bwa haa le saŋ la bwa do le dɛ lawɛ harɛ kpoŋe ɡe, hé no. Korowii ne o nɛra Israel tena dɔɔ, wɛɛ ba ba waa bola dɛ́ pa bole.

Wepila 10:11

Anee ba ŋɔ n be ŋɔ, “A chɛ kɛŋɔ hé baɡle waa aa dɛ ba nɛndamanta baa lɔ harɛre bwa ta ne wobol bwa soo siwi dɛ koranar bwa ɛɛ kerekere la ja.”

Ɛsekeɛl 37:9

Belaa Korowii ŋɔ n be ŋɔ, “Nɛwɛnyini bie, yerɛ peu dɛ́ bol waa aa dɛ ba bala, dɛ́ ŋɔ men Nemenɛ Korowii ŋɔ, ‘Peu, le bobɛlbwa dɛ́ ba jo nɛra baa kpoo ba bil nɔ bini, ásɛ ba dɔ hweera dɛ́ dɔ mkpa.’ ”

Ɛsekeɛl 37:12

Anomanta, bol waa aa dɛ ba ba nɛɛ bala dɛ́ ŋɔ, men Nemenɛ Korowii ŋɔ, ‘N nɛra Israel tena, n dɛ ba he ŋwama pila, dɛ́ lawɛ heyaa le, dɛ́ berɛ ba he ne Israel harɛ ta.

Job Tɔn 10:11

Henee kpɔ dɛɛhne choŋri n hoɡa, dɛ kpɔ ol ne tɔn bɔla.