Ɛsekeɛl 36:2 - mzwDBL

² ‘He dɔma bol he waa ŋɔ, bwejaŋa aa lole saŋ la bwa la berɛ ba kwaa name.

Ɛsekeɛl 36:2 Referans Kwoze

Mmarare 32:13

O ɡelɔ ba won kpɔ bwea dor dɛ kaa, dɛ di kwaa baa dua harɛ la ta. Asɛ dɛ berɛ dɔ tooh bwea la baah di, dɛ ɡel ba ɔleve daa baa dua bwea harɛ la ta do wer.

Ɛsekeɛl 35:10

Menee Juda ne Israel harɛre nɛra ɛɛ tomɛ, kɛ he Edom tena ŋɔ hɛɛ ka kpɔ harɛ laanee ɛ he kon.

Ɛsekeɛl 25:3

Ŋɔ ba be ŋɔ bá cheɡ deŋne dɛ́ no waa men Nemenɛ Korowii aa dɛ bol, ‘He sie lɛo kɛŋɔ baa kpɔ doŋa kah n Dea dɛ chɔɡ Israel harɛ bwa, dɛ lawa baa lawɛ Juda tena laa ta kaa bojaŋ harɛfale ta la.

Habakuk 3:19

Nemenɛ Korowiirii n kpeɡri, o ɡelɔ n nakpale do kɛŋɔ chwae kwaa ken, n won bwejena dor vala. N chwerɛ waa nɔ ka tɛ yela nomoa ó kpɔ o janjela ne kwaa aa do ɡɛ la lɔa.

Ɛsekeɛl 26:2

“Nɛwɛnyini bie, bwɛjen Taaya tena dɛ do silɛɛ lɔŋɔre ŋɔ, chwaasere, bwɛjen Jerusalam chɔɡɔ! Belaa bonadiire bwa ɛɛ la, waa chɔɡa nɔ, yaa do werii name.

Jeremia 49:1

Gɛ Korowii aa bol Amɔn tena waa laanee nɔ. “Baala toole Israel harɛ ta kpa, dɛ́ kpɔ harɛ la ɛ ba kapɛrɛ kon kɛɛ? Ɛrɛɛ nɛra baa dɛ tomɛ voɡ Molɛk berɛ ba lɛ Gad dea harɛ dɛ so o ta nɔɔ?

Aesaya 58:14

ate, mɛɛ ɡeloo he dɔ silɛɛ toma haa dɛ tom mɛ la wa. Mɛɛ berɔ ɡel he dɔ duure harɛ ta bobɛlbwa, dɛ́ berɛ na som harɛ maa kpɔa tɛ he nabaa Jekɔb la ta. Men Korowiirii bola.”

Yela 78:69

Belaa o ma o Dea, o do jaŋne kɛ bwejena ken. O mao o che kɛ harɛ waa tao nɔ, dɛ che kiŋkiŋ saŋ bɛlbwa dɛɛ la.

Ɛsekeɛl 36:5

Men Nemenɛ Korowii cheɡɛ n bandia kohona ta, dɛ bol waa yaɡɛ harɛre kabora la ne Edom harɛ bwa, dɛkalkɛ ba sie lɛo, dɛ che wedoŋa ta kpɔ n harɛ ɛ ba kon, dɛ kpɔ ba kondɛɛra dibɔra kɛŋɔ laa ta kwa.

Ɛsekeɛl 35:12

Anee hɛɛ ba jema kɛŋɔ men Korowii, n no nɛnhɛlwobol haa bola Israel bwejena waa ŋɔ a bwa chɔ pɛɛ ba kpɔ tɛ heyaa a ɛ he kwa.

Ɛsekeɛl 36:1

Korowii ŋɔ men Ɛsekeɛl be ŋɔ, “Nɛwɛnyini bie, bol Israel bwejena be waa aa dɛ ba a nɛɛ bala, ŋɔ á no waa Nemenɛ Korowii aa dɛ bol a be.

Obadia 1:13

A ta chɛ kɛ he jo n nɛra be bwɛjen la ta he sie lɛ ba wenaale wa, dɛ́ kpɔ kpeɡri pa ba kondɔɔh kaa ba chɔɡa tɔpere wee.

Yela 83:13

N Naa Korowii, lɔ ba peɡre kɛŋɔ tutuɡ, kɛŋɔ peu aa taa dɛ kpɔ haahra kaa ken.