Ɛsekeɛl 34:5 - mzwDBL

⁵ Haa wola a nɛɛ nyiŋi kɛrɛdɛ nomanta, a bwa lɔɔ peɡre, asɛ kpɔɡ bini olchɔɡa ba kpoora, dɛ di a ola.

Ɛsekeɛl 34:5 Referans Kwoze

Matiu 9:36

Waa na nɛnlaa la ɡɛ la, o dɔ tedoma tɛɛ ba, dɛkalkɛ ba ɛ nɛra ba bwara aa dɛ nyɛɡ baa wola Lɛɛ dɔe kɛ peera aa wola teɡre dɔe ken.

2 Webena 18:16

Mikaya ŋɔ, “N na Israel laa tena baa perɛ deŋɡarere ta kɛŋɔ peera aa wola teɡre dɔe ken. Asɛ Korowii ŋɔ, ‘Ba ta sitɔɔ dɔe, ɡel bá berɛ kaa dem deŋnesɔɔhna ne.’ ”

Ɛsekeɛl 34:8

Men Nemenɛ Korowii taa lole nɔ, n ŋwɛɛrɔ kɛŋɔ, n peera nya teɡre, a che a ta kpɔɡ bini olchɔɡa lawa dɛɛ di. N peteɡra la ta a bɔr ɡaaɡɛ, ba ɡbaɡba waa hiah ba.

Jeremia 23:2

Anomanta, waa Korowii Israel tena aa dɛ tomɔ la aa dɛ bol sitɔɔla aa chɛ kɛ bá nyiŋi o nɛra nɛɛ laanee nɔ, “He ta n nɛra la nɛɛ nyiŋe dɛ doŋ ba, dɛ ɡel ba lɔ peɡre. Taraken, n dɛ ba he deŋne tɛra, he wechɔɡa haa ɛa la wa.

Jeremia 50:17

Israel tena do kɛŋɔ kondɛɛra nyujentena aa chwaa teŋɛ a nɛɛ a peɡre ken. Asiiria koojen do kɛ nyujente dɛ lawɛ Israel tena, asɛ naate waa ka mun paɡre Israel tena hoɡa laanee Babelɔn Kooro Nebukadnesa.”

Aesaya 56:9

Korowii ŋɔ, “Harɛre nɛra haa ɛ he te kɛŋɔ kpɔɡ bini ola, hé ba dɛ́ ba chɔɡ n nɛra Israel tena.

1 Koranar 22:17

Mikaya ŋɔ, “N na Israel laa tena baa perɛ deŋɡarere ta kɛŋɔ peera aa wola teɡre dɔe ken. Asɛ Korowii ŋɔ, ‘Ba ta sitɔɔ dɔe, ɡel bá berɛ kaa dem deŋnesɔɔhna ne.’ ”

Amanesoma Jɔn Aa Chwera Tɔn 10:2

Kɛ peteɡre waa dɛ teɡɛ peera la te, doonyoaa o che dɛɛ jo a be.

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Ɛsekeɛl 34:28

Harɛre ane nɛra baa wola Korowii tomɛ aa won ba yoo ba, dɛ́ pa ba laala kaa kpa. Gɛɛ kpɔɡ bini olchɔɡa ɡe aa wola won ba laɡ ba chwe. Nomɛlbwa aa won ba aah ba kpa, ásɛ ba so deŋnesɔɔhna ta.

Ɛsekeɛl 34:6

Anomanta, n peera yeŋo ka do bwejena dor ne deŋɡarere ta. A peɡrɔ kaa harɛ nɔ ta bobɛlbwa, nomɛlbwa ta a waa liire dɛ ɡaaɡe a bɔr.

Ɛsekeɛl 33:28

Mɛɛ ɡeloo harɛ la chɔ pɛɛ, ásɛ kpeɡri o fa aa dɔa dɛɛ ɛ mbarafo la ba a jaɡa. Bwejena aa lɔ Israel harɛ ta bwa ɛɛ chɔɡoo, ásɛ nomɛlbwa aa won kpɔ a ta.

Ɛsekeɛl 33:21

Baa lawɛ yaa laa ta kaa bojaŋ harɛfale ta bene fi dɛ anɛ, korobie fi, tɔpenue ta la, baa bɛl waa dɔ bɔr chwa le Jerusalam ba men Ɛsekeɛl be, dɛ ba ŋɔ, “Bwɛjen Jerusalam paɡrɔ!”

Nɛra Kura 27:17

Naate waa kpɔ ba kaa dɛ berɛ ba ba ne, ásɛ he nɛra bɛ ɛ kɛŋɔ peera aa wola teɡre dɔe.”

Amanesoma Mak Aa Chwera Tɔn 6:34

Yeesu aa le ɡbera la bini la, dɛ nɛnlaa tenten lɔ bela. Ba waa domɛ o tea, dɛkalkɛ dɛ ba do kɛ peera aa wola teɡre dɔe ken. Anomanta, o chaɡ ba waa taeh.

Jeremia 10:21

N chaŋɔ ŋɔ, “Ya sitɔɔla bwa nya liire, baa waa bɔɔrɛ dɛɛ le Korowii be. Anomanta, aa ban kɛrɛdɛ chiɡ, asɛ ba nɛra bwa lɔ peɡre.