Ɛsekeɛl 34:11 - mzwDBL

¹¹ Men Nemenɛ Korowii ɡbaɡba ɛɛ nyin n peera bɔree, ásɛ dɛ nyiŋi a nɛ.

Ɛsekeɛl 34:11 Referans Kwoze

Amanesoma Jɔn Aa Chwera Tɔn 10:16

N peera ane ta lɔ leɡa ane bini. Mɛɛ nyin a ɡe bɔree dɛ́ tɔ a sie dɛ́ kpɔa ba ja anɔ ta, ásɛ aa no n taa dɛ́ bwa ɛ beŋkpoŋ, dɛ́ pɛ dɛɛ teŋɛ n nɛ.

Amanesoma Luk Aa Chwera Tɔn 19:10

Nɛra baa nyoɡra waa Men Nɛn Bie ba dɛ́ ba nyin ba bɔr dɛ́ lɛɛ ba.”

Jeremia 31:8

Mɛɛ laɡ baa le weekaŋle nyunduabɔr, dɛ́ boa ba nyoa le harɛ jaɡa. Nyoŋa ne banɔ la ba peri aa serewa, hale tekpoŋra, dɛ banɔ la lol tea aa lɔ ba bwa, nɛnlaa tentenee dɛɛ ba bera ba.

Jeremia 23:3

N ɡbabir ɛɛ boa ba bwa nyoa, dɛ́ le harɛre maa lɔ ba peɡre a ta la ta, dɛ́ berɛ teɡ ba ba harɛ baa dɔ kpɔɡa dɛɛ chwe ta. Baa loɡle biirii warɛ, ásɛ dɛ ya kohona.

Aesaya 56:8

Nemenɛ Korowii waa tɔ Israel tena sie dɛ le ba ne bojaŋ harɛfale ta la ŋɔ, “N ta ɛɛ ba bane ɡe nee, ba ba ja ba nɛ.”

Yela 80:1

Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

Aesaya 45:12

Menee ta harɛ, dɛ ta nɛwɛnyina do o ta. N kpeɡrii n kpɔ baŋre nyundua kɛŋɔ yal, dɛ kpɔ wee ne korobie dɛ weweela cheɡ a chebɔra.

Yela 119:176

Men maa ɛ he bonɔɔ do kɛŋɔ pee waa nyoɡra ken. Ba ɡaaɡe n bɔr, dɛkalkɛŋɔ n ta he Mmarare la vɛɛh.

Mmarare 32:39

Dɛ berɛ ŋɔ, ‘Men, n ɡbosoo Korowii, voɡ bɛlbwa toole. Menee dɛɛ chɔɡ, dɛɛ tɛ mkpa, menee dɛɛ do nɛn bol, dɛ berɛ dɛɛ chah naate. Nomɛlbwa toole dɛ́ tɔ mɛ ŋwɛnɛ.

Hosia 5:14

Mɛɛ ɛo kɛŋɔ nyujente ken Israel harɛ ne Juda tena bini. Mɛɛ toɡri ba olaa, dɛ́ che ba kaa nomɛlbwa aa wola won lɛɛ ba.

Ɛsekeɛl 6:3

‘He bwejena ne deŋɡarere, hé no Nemenɛ Korowii wa. O ŋɔ o dɛ ba laa ne dɛ́ ba chɔɡ bwejena ne deŋɡarere, ne bwea ŋwɛnɛre aa chɔ a baahna, ne fɛlembɔjena voɡare aa lɔ a ta nɛra ɛɛ toma la bwa.

Ɛsekeɛl 5:8

Anomanta, men Nemenɛ Korowii ne he Jerusalam tena dɔɔ. Mɛɛ pa heyaa bolchɔɡee harɛre nɛra bwa siwi ta.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Aesaya 48:15

Menee pili nyoa dɛ yerɔ, menee leo dɛ ɡel o won ɛ o toma bwa ka tonɛ.

Lewi Dea Tena 26:28

ate mɛɛ kpɔ n bandia kohonaa ba ta he nɛ, dɛ́ tɛr he deŋne bele anuanɛ ɡwa wubwa la.

Mumpar 6:17

N dɛ ba ɡela nee su dɛ́ tɔ harɛ nɔ bobɛlbwa, ásɛ dɛ chɔɡ n kontaala bwa. Komɛlbwa waa lɔ harɛ nɔ ta te bwa dɛ ba sewa.

Amanesoma Jɔn Aa Chwera Tɔn 10:11

Menee Peteɡredɛɛɡe la. Dɛ seo kwaraa yaa, mɛɛ kpɔ n nyuu charɛ n peera.

Ɛsekeɛl 11:17

Berɛ ŋɔ ba be ŋɔ, ‘Men Nemenɛ Korowii ɛɛ boa ba nyoa le harɛre maa lɔ ba peɡre a ta la taa, dɛ́ berɛ kpɔ Israel harɛ la tɛɛ ba ja.’

Ɛsekeɛl 20:41

Mɛɛ lɛ heyaa kɛŋɔ daawiile a sɔɔh aa soma he yon kpɔ ɛ saraha dɛɛ tɛ mɛ la, mɛɛ boa he nyoa le harɛre haa peɡra kaa a ta la, ásɛ harɛre nɛra na kɛŋɔ n do ɡoroŋ.

Sekaria 9:16

Tɔpere la telaa, Korowii baa dɛ tomɔ la ɛɛ lɛɛ baa, kɛŋɔ peteɡre aa lɛ peera le wahala ta. Baa dɛɛ nyɛɡle o harɛ taa, kɛŋɔ suuɡaswɛm kwaa aa pɛɡle kooɡbɛrɛ ta la.

Sekaria 10:3

Koranar Bwa Kooro ŋɔ, “N baah di nɛra baa do kɛ peteɡra la nɛ. Mɛɛ tɛr sitɔɔla la deŋnee, dɛkalkɛ, mɛɛ nyiŋi Juda dea tena baa do kɛ n peera la nɛɛ, dɛ́ ɡel ba do kɛ jaaɡɔ waa kpeɡa laa ta.