Ɛsekeɛl 33:8 - mzwDBL

⁸ N ŋɔ wechɔɡ-ɛɛ be ŋɔ wɛɛ sewɔɔ, asɛ he ta on kaeh o le o wechɔɡa ta, dɛ sewɛ a ta naa, mɛɛ pɛɛ o chal waa le he be.

Ɛsekeɛl 33:8 Referans Kwoze

Ɛsekeɛl 33:6

Dɛ nɛn waa dɛ daah harɛ la na dɔma bala o ta bɛla la hoɛh nɛra la jemɛ, asɛ dɔma la ba kpo ba bini bɛlbwa naa, naate baa kpoo la sewɛ o wechɔɡa wa, kɛ mɛɛ pɛɛ naate waa sewa la chal waa le nɛn waa dɛ daah bɔr la be.

Ɛsekeɛl 33:14

N ŋɔ wechɔɡ-ɛɛ be ŋɔ wɛɛ sewɔɔ, asɛ o le o wechɔɡa la ta dɛɛ ɛ anɔ la aa wera dɛ toɡre,

Ɛsekeɛl 18:4

Nɛwɛnyina bwa nyu lɔ n nɔn ta, mɛɛ kɛɛ bie bwa nyu lɔ n nɔn ta. Naate waa ɛ wechɔɡa la, naatee dɛ́ sewɛ.

Ɛsekeɛl 18:20

Naate waa dɛ ɛ wechɔɡa laanee dɛɛ sewɛ. Bie ta chɛ kɛ ó na wa o mɛɛ wechɔɡa wa, mɛɛ ɡe ta chɛ kɛ ó na wa o bie wechɔɡa wa. Nomɛlbwa o waa aa toɡra wɛɛ ɛ wedɛɛɡa dɛ́ dɔ andɛɛɡa, nomɛlbwa waa dɛ ɛ wechɔɡa ɡe, wechɔɡaa dɛɛ teŋɛ o nɛ.

Ɛsekeɛl 18:18

O mɛɛ te, o ɛɡre o bala dɛ lɛ ba kwa, dɛ ɛ o nɛra wechɔɡa, wɛɛ sewɔɔ.

Aesaya 3:11

Wechɔɡ-ɛɛra bwɛɛlɛ! Aa do kpeɡrii tɛɛ ba taeh. Waa ba ɡbaɡba aa ɛa la kembɔree baa ba dɔe.

Sɛɡla 11:21

A ɛ kpela kɛŋɔ wechɔɡ-ɛɛra ɛɛ dɔ deŋnetɛraa, kɛ nɛndɛɛɡa te ɛɛ dɔ ba nyuu.

Mumpar 3:4

Belaa harɛkon la ŋɔ haah la be ŋɔ, “Nyosonee. Háa sewa ba.

Wejereme 8:13

Kɛ wechɔɡ-ɛɛra aa wola Korowii ɔmɛ nomanta, aa wer doe ba dɛ́ tɛɛ ba. Ba tɔpera aa jaŋnee do kɛŋɔ, lileo yon teŋe ba kaa la ken.

Nɛra Kura 27:3

“Ya mɛɛ aa sewɛ pua hɛŋle ɡbo harɛ la ta la, o ta bibaala dɔe. O ta Kora ne o bala baa pɛ nyoa dɛ ɛ deŋnekpeɡ Korowii nɛɛ la bini jae. O wechɔɡa sewee o sewɛ.

Mumpar 2:17

Kɛ bɛ onɔ la waa dɛ tɛ liire dɛ́ ɡel nɛn jemɛ wedɛɛɡa ne anchɔɡa la te nɔn di. Awola haa di a ɡɛ daa la nɔn la bɛl la, sewaa hɛɛ ba sewa.”

Ɛsekeɛl 3:18

Dɛ n ŋɔ wechɔɡ-ɛɛ be ŋɔ wɛɛ sewɛ o wechɔɡa taa, dɛ he ta on kaeh, o ɡel o wechɔɡa la dɛ dɔ o nyu aa, wɛɛ sewɛ o wechɔɡa taa. Ate, mɛɛ pɛɛre a waa.