Ɛsekeɛl 33:4 - mzwDBL

⁴ Dɛ bɛlbwa no bɛla la sii o ta kpɔe ɛ wa, asɛ dɔma la ba kpoo waa, o seo ɡure o ɡbaɡba nyu ta.

Ɛsekeɛl 33:4 Referans Kwoze

Ɛsekeɛl 18:13

O kemɛ o dɔŋ suuɡa aa, o dɛ lɛ a nee aa ɡwaa. A chɛ kɛ a ɡɛ nɛn nɔ so harɛ nɔ ta naa? Akai! O dɛ ɛ waa baa kia nɔ bwa, a chɛ kɛŋɔ á ɡure o nyu ta, bá kpoo.

We-ɛɛla 18:6

Dɛ nɛra la dɛ nyin Pɔɔl toma chɔɡa, dɛɛ ɛo nɛnhɛla. Anomanta, o jwii o laala doŋa ta dɛ baɡle kɛ o baɡ ba Korowii waa asɛ ba vɛah, dɛ ŋɔ ba be ŋɔ, “Dɛ he nyoɡraa, nɛn laa ɛ heya, he ɡbaɡbaa ɛ he nyu. Le fini dɛɛ kaa, nɛra baa wola Juu tena ɛɛ mɛɛ ba Korowii waa baɡla. Maa he bee ba kpa.”

Ɛsekeɛl 33:9

Dɛ he kaoh o ta a ta leɛ yaa, wɛɛ sewɛ o wechɔɡa la taa, kɛ he te ɛɛ dɔ he nyuu.”

Jeremia 6:17

Belaa men Korowii le nɛra baa dɛɛ daah heya dɛ ŋɔ, ‘Hé cheɡ deŋne dɛɛ no bɛla sii!’ Ate he ŋɔ, ‘Yaa ɡɛɛ sɛh.’

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

Ɛsekeɛl 33:5

Naate no bɛla la sii dɛ vɛh o ta kpɔe ɛ wa aa, o seo ɛɛ ɡure o nyu taa. O pu sie ɛ waane aa, o fe dɔ o nyu.

Jems 1:22

He bɛ waa la no dɛ́ ɡel a ɛɛ. Dɛ he dɛ ɛ ɡɛ naa, he dɛ neɡre he te. Hé ɛ ɡɛ waa la aa baɡla la.

We-ɛɛla 20:26

Mɛɛ di heyaa kasinteŋii fini. He bɛlbwa baa nyoɡre Korowii ŋwɛnɛ aa, n laa ɛ waane,

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

1 Koranar 2:37

Awola haa le Jerusalam, dɛ́ ka ɡale Kedrɔn nenabɔjen la, jemɛ kɛŋɔ he sewee, dɛ he ɡbaɡbaa nyin he seo.”

2 Samoɛl 1:16

Dɛ Devid fa bol baa la be ŋɔ, “He waa haa ɛa laanee ɡure he nyu ta la. Waa aa le he nyoa he ŋɔ henee kpo nɛn Korowii aa cheɡo kora ta laanee ɛ danseɛ.”

Lewi Dea Tena 20:9

Nomɛlbwa waa taah o mɛɛ kɛɛ o nya la chɛ kɛ bá kpoo. Naate wechɔɡa ɡure o nyu ta.

Jeremia 25:3

“Le bene fifraanɛ dɛ atoro, ɡɛ saŋ Juda Kooro Amɔn bibaa Josia aa di kora bene fi dɛ atoro la, dɛ Korowii dɛ bol waa n be, asɛ n bol he be keraŋwɛnɛ bwa, kɛ he ta n be noɛ.