Ɛsekeɛl 33:16 - mzwDBL

¹⁶ Mɛɛ kpɔ o wechɔɡa waa ɛa la bɛlbwaa kɛo, wɛɛ dɔ o nyuu dɛkalkɛ o ɛ waa aa wera dɛ toɡre.

Ɛsekeɛl 33:16 Referans Kwoze

Ɛsekeɛl 18:22

Mɛɛ kpɔ naate wechɔɡa bwaa kɛo, maa an lii kpa, dɛkalkɛ o waa toɡrɔ. Wɛɛ so lee, waa sewa ba.

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Aesaya 44:22

N laa he wechɔɡa fee a tonɛ, kɛŋɔ bam ne chɔɔlen kɔɔla ken. Hé laa berɛ ba n be, dɛkalkɛ menee lɛ heya.

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Tɔn Pɔɔl Aa Chwerɛ Rom Tena 5:16

A berɔ do kɛŋɔ chae Korowii aa cha yaa la ne waa aa le nɛmbeŋkpoŋ la wechɔɡa ta la ta beŋkpoŋ ɛɛ. Wechɔɡe beŋkpoŋ taa a che Korowii pa ya bwa bolchɔɡe. Asɛ wechɔɡa aa wara la, Korowii na ya bwa sum, dɛ cha yaa dɛ lɛ yaa kɛŋɔ nɛndɛɛɡa ya waa su o siwi.

Tɔn Pɔɔl Aa Chwerɛ Rom Tena 5:21

Gɛ wechɔɡa aa cheɡɛ seo nɛɛ dɛɛ di kpeɡri la, ɡɛɛ Korowii suna waa dɛ sune nɛwɛnyina nɛɛ la ɡe che ɡɛ Korowii aa ɛ yaa nɛndɛɛɡa ya waa su o siwi la ta dɛɛ di kpeɡri, asɛ ya won dɔ Korowii mkpa aa wola jaɡa dɔe bwa la, dɛkalkɛŋɔ ya Dɔɔ Yeesu Kristo ɡelɔ nɛra ɛ nɛndɛɛɡa ba waa su Korowii siwi.

Ɛsekeɛl 33:17

Kɛ he nɛra la dɛ bol men Korowii waa ŋɔ n waa ta toɡrɛ. Gɛ laa a do, ba waa wola toɡrɛ.

Yela 103:9

Waa teŋɛ dɛɛ pwah yaa, o baah diu waa, o dɛ sɔɔh warane.

Ɛsekeɛl 20:11

N kpɔ n waa tɛɛ ba dɛ baɡ ba me Mmarare, ásɛ nomɛlbwa waa teŋɛ a ta la, ó dɔ mkpa.