Ɛsekeɛl 30:4 - mzwDBL

⁴ Laa tena dɛ ba ba yo Ijipt tena, Itiopia tena loo ɛɛ kuu. Baa ba kpoo Ijipt tena la, baa pa ba kondɔɔh kaa, dɛ́ chɔɡ harɛ la ó berɛ dimɡbia.

Ɛsekeɛl 30:4 Referans Kwoze

Ɛsekeɛl 29:19

Anomanta, Nemenɛ Korowii ŋɔ, wɛɛ kpɔ Ijipt harɛɛ do Babelɔn Kooro Nebukadnesa nɔn ta, ásɛ o pa Ijipt harɛ ta kondɔɔh bwa laa ta kaa, á ɛ o laa tena kembɔr.

Ɛsekeɛl 29:8

Anomanta, men Nemenɛ Korowii ɛɛ ɡeloo laa tena kpɔ keri ba yoi, dɛ́ kpoo he nɛra ne kondɛɛra bwa.

Ɛsekeɛl 29:12

Mɛɛ ɡeloo Ijipt harɛ chɔ pɛɛ, dɛ́ ja harɛre aa chɔɡa bwa ta. O bwɛjena bwa dɛ ba pɛɛ chɔe bene fifraanaarɛ. Ásɛ n lɔ Ijipt tena peɡre harɛre bwa ta.”

Jeremia 50:15

Hé pa mun ka yo bwɛjen Babelɔn tena dɛɛ do laa lɔŋɔre, Babelɔn tena sɛoh dɛ ba ba te ne harɛ, ba dekpeɡa ne danjwɛɛre bwa kuuɡo. A ɛ kembɔr men Korowii aa kpɔa dɛɛ tɛr ba deŋne, bɛlbwa ɡe tɛr ba deŋne bɔ kem. Hé ɛɛ ba ɡɛ tenten baa ɛ ba bala la.

Aesaya 19:2

Korowii ŋɔ, “Mɛɛ kpɔ naɡraa ta Ijipt tena nɛ ba ɡbo yo dɔŋa, dɔɔ ne nime yo, chamena ne o chamenate yo, bwɛjen ne o bwɛjen dɔŋ yo, ásɛ koranar ɡe yo dɔŋa.

Aesaya 16:7

Moab tena ɛɛ wi ba harɛ waa, ba bwa ɛɛ wiu. Ba bwa ɛɛ lii konsoma ba fa aa dɛ di bwɛjen Kir Haresɛt la waa, dɛ́ pɛ dɛɛ wi.

Aesaya 18:1

Nɛra baa lɔ Itiopia harɛ neerare baŋ le tontombɛ aa su o ta la, bá bwɛɛlɛ.

Ɛsekeɛl 38:5

Baala baa le Pɛɛsea, ne Itiopia, dɛ Libya harɛre ta bwa ɛɛ ba ja o nɛɛ, dɛ́ kpoŋe kwaa baa kpɔa dɛɛ tɔ ba te ɡbemɡbe laa ta, ne bune ɡbɛrɛre.

Daneɛl 11:43

Wɛɛ pa Ijipt suuɡaswɛm ne suuɡapoŋa koŋkwaare dɛ kondɔɔh bɛlbwaa, dɛ́ le bela ka yo Lebya ne Itiopia harɛre tena, dɛ́ pɔ ba nɛ.

Sefania 2:12

Korowii ŋɔ wɛɛ kpoo Itiopia tena ɡe bwaa.

Aesaya 20:3

Ate, Korowii ŋɔ, “Gɛ n bonɔɔ Aesaya aa dɛ valɛ dakpaŋ ne nakpapɛɛ bene atoro nɔ, a ɛ we-ɛɛla dɛ baɡle waa aa dɛ ba Ijipt harɛ ne Itiopia harɛ chiɡa.

Jeremia 46:9

Jaɡre ne kwaa aa do kɛ torɔɡore ba vɔwɛ dɛɛ pɛla, hé le dɛ́ ka yo. Nɛra haa soɡe jaɡre ta, hé kpɔ sibeɡra le. Banyoola, hé le dɛɛ kaa, Itiopia ne Lebya harɛre baala, hé kpɔ kwaa baa kpɔa dɛɛ tɔ ɡbemɡbe dɛɛ yo laa kpoŋe, ásɛ Lidia baala harɛ ba tori.

Ɛsekeɛl 28:23

Mɛɛ kpɔ weechɔɡaa ba ta he nɛɛ dɛ́ ɡel chal ɛɛ palɛ he fɔɡbaahna. Nɛra ɛɛ serewoo chɔ bobɛlbwa, keri nee baa ba ba kpoora, ásɛ he jemɛ kɛŋɔ menee Korowii.