Ɛsekeɛl 3:9 - mzwDBL

⁹ Mɛɛ ɡeloo he do kpeɡri kɛ bwe ken, dɛ́ do kpeɡri ɡwaa bwe waa kpeɡa te bɛlbwa, bɛ ban ɔmɛ. A lole kɛŋɔ ba ɛ deŋnekpeɡ tena.”

Ɛsekeɛl 3:9 Referans Kwoze

Ɛsekeɛl 2:6

Kɛ hen nɛwɛnyini bie, dɛɛ berɛ ba ɔma, dɛɛ berɛ ba waa baa dɛ bol ɡe ɔma, a do kɛŋɔ haa dɛ la ka do jabalnadaŋɛre ne sɔɔhne baah ta. Nɔrɔme baah taa hɛɛ la ka jo, kɛ bɛ ban ɔmɛ. Bɛ ɡel he bambile chɔɡ ba sie, ba deŋne kpeɡri.

Aesaya 50:7

Sihiih aa men kpo, dɛkalkɛ Nemenɛ Korowiirii dɛɛ cha mɛ. Anomanta, n lawɛ n te, dɛ n jemɔ kɛŋɔ maa nchoo di bwa.

Sekaria 7:12

Ba ɡelɔ ba bambile do kpeɡri kɛŋɔ bwe ken, dɛ vɛh waa maa cheɡɛ n Doma ta dɛ bol baɡle n saŋ la keamere la ta teŋa. Anomanta, men Koranar Bwa Kooro baah di ba nɛɛ taeh.

Jeremia 1:8

Dɛɛ berɛ ba ɔma. Mɛɛ ja he nɛɛ dɛ́ lɛɛ. Men Korowiirii bola.”

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

1 Timoti 2:3

Gɛɛ wera, dɛɛ lɛ ya Lɛɛ Korowii sie.

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Jeremia 17:18

Gel sihiih kpo nɛra baa cheɡɛ n nɛ, kɛ bɛ ɡel sihiih kpo mɛ. Gel ɔmee laɡ ba kohona, dɛ laa ɔmee kohona kpɔ n nɛ. Gel ba na he sibeɡra tɔpere la, dɛ́ chɔɡ ba, dɛ́ berɛ chɔɡ ba ja.”

Jeremia 1:17

Ir, dɛ́ kpɔ he te, Jeremia, dɛ́ ka bol wobɛlbwa maa doe ŋɔ hé bol ba be. Dɛɛ berɛ ba ɔma taraken, he ɛ ɡɛ naa, henee mɛɛ ba ɡela he berɛ ɔm ba kohona ba sie.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

2 Timoti 2:6

Paa waa dɛ swɛɛ siwi o koo toma ta laanee chɛ kɛ o di koo la kondikonloɡla.

Jeremia 15:20

Mɛɛ ɡeloo he do kpeɡri kɛŋɔ danjwɛkpeɡ tɛ nɛra nɔ, danjwɛkpeɡ tenten baa kpɔ ayaawa ɛo. Baa yoi kɛ baa won pɔ he nɛ, dɛkalkɛ n ja he nɛɛ dɛ́ lɛɛ. Men Korowiirii bola.

Ɛsekeɛl 3:8

Mɛɛ ɡeloo hen Ɛsekeɛl bambile do kpeɡri, ásɛ he bɛ he te kpɔ tɛɛ ba.

Ɛsekeɛl 3:10

Korowii berɔ ŋɔ n be ŋɔ, “Nɛwɛnyini bie, cheɡ deŋne dɛ́ no waa maa dɛ bol he be nɔ kɛrɛdɛ.

Ɛsekeɛl 44:6

Ŋɔ Israel lwɛmkpeɡ tena la be ŋɔ men Nemenɛ Korowii dɛ bol kɛŋɔ, ‘Israel tena, waa maa kia hɛɛ ɛ la maɡre ɡɛ.