Ɛsekeɛl 3:19 - mzwDBL

¹⁹ Kɛ dɛ he kah wechɔɡ-ɛɛ la o ta o wechɔɡa ŋwɛnɛre la ta leɛ yaa, wɛɛ sewɛ o wechɔɡa taa. Ate, hɛɛ dɔ he nyuu.

Ɛsekeɛl 3:19 Referans Kwoze

Ɛsekeɛl 33:9

Dɛ he kaoh o ta a ta leɛ yaa, wɛɛ sewɛ o wechɔɡa la taa, kɛ he te ɛɛ dɔ he nyuu.”

1 Timoti 4:16

Dɛɛ nyiŋi he te kɛrɛdɛ he soɡa bini ne he webaɡla bini. Kpoŋe a bini kiŋkiŋ, dɛɛ ɛ ɡɛ haa dɛ baɡle nɛra la. Dɛ he dɛ ɛ ɡɛ naa, hɛɛ lɛ he ɡbaɡba ne nɛra baa dɛ no he be la bwaa.

Ɛsekeɛl 14:20

hale dɛ Nowa ne Daneɛl dɛ Job lɔ bela kwaraa naa, n ŋwɛɛrɔ kɛŋɔ men Nemenɛ Korowii taa lole nɔ, baa wona ba dɛ́ lɛ ba bibaala kɛɛ bihaahna. Ba ɡboo dɛ́ won dɔ ba nyu ba wedɛɛɡa wa.”

Ɛsekeɛl 14:14

Hale dɛ Nowa ne Danɛl dɛ Job ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

We-ɛɛla 20:26

Mɛɛ di heyaa kasinteŋii fini. He bɛlbwa baa nyoɡre Korowii ŋwɛnɛ aa, n laa ɛ waane,

Ɛsekeɛl 33:5

Naate no bɛla la sii dɛ vɛh o ta kpɔe ɛ wa aa, o seo ɛɛ ɡure o nyu taa. O pu sie ɛ waane aa, o fe dɔ o nyu.

Ɛsekeɛl 3:21

Kɛ dɛ he kah nɛn o wa aa toɡra o no, o ta wechɔɡa ɛɛ yaa, wɛɛ dɔ o nyuu, ásɛ he ɡe dɔ he nyu.”

Ɛsekeɛl 3:18

Dɛ n ŋɔ wechɔɡ-ɛɛ be ŋɔ wɛɛ sewɛ o wechɔɡa taa, dɛ he ta on kaeh, o ɡel o wechɔɡa la dɛ dɔ o nyu aa, wɛɛ sewɛ o wechɔɡa taa. Ate, mɛɛ pɛɛre a waa.

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

1 Tesalonika 4:6

Nomɛlbwa bɛ o dɔŋ nɛɛ jo a ɡɛ waa nɔ ta, dɛkalkɛ Korowii ɛɛ tɛr nɛra baa dɛ ɛ ɡɛ la deŋnee, ɡɛ yaa ja heyaa loɡla la ŋɔ hé nyiŋi a ta kɛrɛdɛ la.

Ɛsekeɛl 33:3

asɛ naate na laa tena bala aa, ó hoh bɛla dɛ́ ir harɛ la nɛra deŋne.