Ɛsekeɛl 3:15 - mzwDBL

¹⁵ N ba n bala baa laɡ ba ba Babelɔn harɛ bobɛl baa dɛ yerɔ Tɛl Abib la be, o bɛne Keba Moo la. N soɡe ba be tɔpera anuanɛ, asɛ n bwara yɔr waa maa naa la wa.

Ɛsekeɛl 3:15 Referans Kwoze

Yela 137:1

Ya soɡe Babelɔn harɛ neerare nyoo, belaa ya lii Saayɔn waa dɛ wi.

Job Tɔn 2:13

Ba ne o soɡe harɛpɛɛ, chɔɔ ne jwaana, tɔpera anuanɛ. Bɛlbwa ta waa o be bolɛ, dɛkalkɛ dɛ ba na ɡɛ o bwara aa dɛ nyɛɡ.

Ɛsekeɛl 1:1

Waa aa lɔ tɔn nɔ bini nɔ, Korowiirii pila baɡle men Busi bie sɔfo Ɛsekeɛl. Baa lawɛ n ne Juu tena laa ta kaa Babelɔn harɛ ta ka so Keba Moo nyoa, bene fifraatoro korobie anaarɛ tɔpenue taa a ɡɛ waa nɔ chiɡ.

Mumpar 50:10

Ba baa tel Atad mea lɔbɔr. O lɔ Jɔɔdan Moo wee leebɔr, asɛ ba wi bela kohona. Josef ɛ o mɛɛ lwe tɔpera anuanɛ.

Habakuk 3:16

N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

Ɛsekeɛl 10:15

Belaa Kerobim la ir kaa nyundua. Anee hweera kwaa n fa aa naa Keba Moo la bɔr la.

Jeremia 23:9

A ɡɛ waa nɔ ɛ Korowii keamere wa. N loo kuu a kpɔ bochela ta n nɛ, n hoɡa bini bwa ɛɛ wee mɛ. N do kɛŋɔ sennyɔdɛɛ ken, kɛ nɛn waa nyɔ sen kohona, Korowii waa aa do ɡoroŋ o bol n be la wa.

Ɛsekeɛl 3:23

Ate, n ir dɛ kaa bela. N na Korowii jirima bela ɡɛ n fa aa nao Keba Moo nyoa la, asɛ n kpɔ sie pi harɛ.

Ɛsekeɛl 43:3

Wepila la do kɛŋɔ anɔ la Korowii aa baa chɔɡ bwɛjen Jerusalam, ne Keba Moo nyoa kwaa maa naa la, asɛ n ba harɛ dɛ kpɔ sie pi harɛ.

Ɛsekeɛl 1:3

Keba Moo nyoa Babelɔn harɛ ta belaa Korowii bol waa men Ɛsekeɛl maa ɛ sɔfo be, n dɔ o kpeɡri dɛ na wepila.