Ɛsekeɛl 3:10 - mzwDBL

¹⁰ Korowii berɔ ŋɔ n be ŋɔ, “Nɛwɛnyini bie, cheɡ deŋne dɛ́ no waa maa dɛ bol he be nɔ kɛrɛdɛ.

Ɛsekeɛl 3:10 Referans Kwoze

Yela 119:11

N kpɔ he waa do n bambile bini, dɛ bɛ hen wechɔɡa ɛ.

Job Tɔn 22:22

No waa waa dɛ doe a ta, dɛ́ kpɔa do he nyu bini.

1 Tesalonika 4:1

Anɔ la aa jaa la, yabala, waa la haa hwela ya be ɡɛ aa chɛ kɛ he so ásɛ Korowii sie lɛ he nɛɛ la, ɡɛɛ hɛɛ ɛ la. Ya cheɡɛ ya Dɔɔ Yeesu naa ta dɛɛ ja heyaa ŋɔ a chɛ kɛ he ɛ dɛ ɡwaa ɡɛ.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

Amanesoma Luk Aa Chwera Tɔn 8:15

Anɔ la ɡe aa lee harɛdɛɛɡe ta dɛ le dɛ do wer dɛ ma kohona la ɡee nɛra baa no Korowii Waa la dɛ kpoŋe a bini kɛrɛdɛ, dɛ dɔ bambile dɛ teŋɛ a ta, dɛ́ ɡel a dɔ tɔnɔ la.”

Ɛsekeɛl 2:8

Kɛ hen nɛwɛnyini bie, dɛɛ no waa maa dɛ bol he be nɔ. Bɛ deŋnekpeɡ ɛ kɛ ban. Hah nyoa dɛ́ lɛ kwaa maa kpɔa dɛɛ tɛɛ nɔ di.”

Sɛɡla 19:20

Ba dɛ jae naa dɛɛ no, dɛɛ teŋɛ a ta, ásɛ tɔpebɛl he ba dɔ wejema.

Sɛɡla 8:10

Hé kpɔ waa maa kpɔa dɛɛ ja heya dɛ́ ɡel suuɡapoŋ, hé kpɔ wejema ɡwaa suuɡaswɛm tenten.

Ɛsekeɛl 2:7

Dɛ ba no he be kɛɛ ba ta he be noɛ yoo, he te ka bol waa maa ŋɔa he bol ba be la. Ba ɛ nɛra ba deŋne aa kpeɡa.

Ɛsekeɛl 3:9

Mɛɛ ɡeloo he do kpeɡri kɛ bwe ken, dɛ́ do kpeɡri ɡwaa bwe waa kpeɡa te bɛlbwa, bɛ ban ɔmɛ. A lole kɛŋɔ ba ɛ deŋnekpeɡ tena.”

Ɛsekeɛl 3:11

La he bwɛɛ tena baa lawɛ he ne ban ba Babelɔn bonɔ la be ka ŋɔ, ba vɛoh woo ba ta vɛɛh yoo, ŋɔ ba be. Kenii men Nemenɛ Korowii ɛɛ bol.”

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.