Ɛsekeɛl 29:8 - mzwDBL

⁸ Anomanta, men Nemenɛ Korowii ɛɛ ɡeloo laa tena kpɔ keri ba yoi, dɛ́ kpoo he nɛra ne kondɛɛra bwa.

Ɛsekeɛl 29:8 Referans Kwoze

Ɛsekeɛl 14:17

Kɛɛ dɛ n kpɔ laa tena ba harɛ la ta tena nɛ, ba kpɔ dɔmkwaa ba kpoo nɛra ne kondɛɛra bwa le o ta,

Ɛsekeɛl 30:10

Nemenɛ Korowii bolɔ ŋɔ, “Mɛɛ ɡeloo Babelɔn Kooro Nebukadnesa kpoo Ijipt harɛ nɛndamanta bwa.

Ɛsekeɛl 30:4

Laa tena dɛ ba ba yo Ijipt tena, Itiopia tena loo ɛɛ kuu. Baa ba kpoo Ijipt tena la, baa pa ba kondɔɔh kaa, dɛ́ chɔɡ harɛ la ó berɛ dimɡbia.

Ɛsekeɛl 25:13

anomanta, men Nemenɛ Korowii ŋɔ, ‘Mɛɛ kpɔ nɔnee dawɛ Edom tena nɛɛ dɛ́ tɛr ba deŋne, ásɛ dɛ kpoo nɛra bwa ne ba kondɛɛra. Mɛɛ ɡeloo harɛ la chɔ pɛɛ le bwɛjen Teman dɛ́ ka le bwɛjen Dedan, ásɛ ba kpoo nɛra laa ta.

Jeremia 32:43

Ba dɛ bol ŋɔ harɛ nɔ ɛɛ doo kɛŋɔ pua hɛŋle ɡbo harɛ, ásɛ nɛra kɛɛ kpɔɡ bini ola aa wola won so o ta, ásɛ ba kpɔ do Babelɔn tena nɔn ta. Kɛ baa berɔ yawɛ kooni bonɔ ja.

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Kaala 12:12

Awola jwaana la tenten la, mɛɛ valɛ Ijipt harɛ ta bwaa, dɛ́ kpo bibanloɡle bɛlbwa waa ɛ binyoa, ne kondɛɛre bɛlbwa ɡe biloɡle ombal. Mɛɛ chɔɡ voɡa aa lɔ Ijipt harɛ ta bwaa. Menee Korowii.

Mumpar 6:7

“Mɛɛ chɔɡ nɛwɛnyina maa taa bwaa, ne ola ne jumbii ne kwaa aa dɛ tuuɡi tea ta ne anɔ la aa dɛ huuh bwa, dɛkalkɛ a dɛ we n nɛɛ kɛ maa taa.”