Ɛsekeɛl 27:8 - mzwDBL

⁸ Bwɛjena Sidon ne Aavad baalaa dɛɛ tawɛ. He ɡbabir nɛra baa dɔ he wejemaa jaa dɛɛ nyiŋi he nɛ.

Ɛsekeɛl 27:8 Referans Kwoze

Mumpar 10:18

ne Aavad ne Semari dɛ Hamat tena. A habɔɔ, Keenan tena lolanar bwa peɡre.

1 Koranar 9:27

Kooro Hiram tomɛ o nɛra baa jemɛ mpo nee toma wa ba ne Kooro Solomɔn nɛra pɛ dɛɛ ɛ toma mpo ta.

Ɛsekeɛl 27:11

Bwɛjen Aavad ne Helɛk harɛ baalaa dɛɛ nyiŋi he danjwɛɛre ta, asɛ Gamad baala ɛɛ daah he dejaŋa ta. Ba kpɔ kwaa baa kpɔa dɛɛ tɔ ba te ɡbemɡbe saɡre he danjwɛɛre ta, dɛ ɡel he do wer ka tonɛ.

Ɛsekeɛl 27:28

Mpo nyoa harɛ ɛɛ jiɡruu, nɛra baa dɛ nyiŋi stiimae la ta aa dɛɛ wi la.

Jeremia 49:23

Korowii bol bwɛjen Damaskɔs tena waa dɛ ŋɔ, “Bwɛjena Hamat ne Aapad tena liire chɔɡɔ, dɛkalkɛ ba ta amanesoma noɛ. Ba bambile dɛ wure kɛŋɔ mpo nehɛma aa taa dɛɛ kaa bobɛlbwa ken.

Aesaya 10:9

Gɛ maa chɔɡ bwɛjena Kaakɛmes ne Kalno ne Aapad ne Hamat dɛ Damaskɔs la, ɡɛɛ n chɔɡ Samaria ɡe.

1 Koranar 5:6

Anomanta, cha mɛ dɛ́ ɡel he nɛra ka teŋe peleme daa le Lɛbanɔn harɛ ta tɛ mɛ. Mɛɛ ɡeloo n nɛra ba ja he nɛra nɛ, ásɛ n bɔ he nɛra la kem ɡɛ bwa haa baɡle. He ɡbabir nao kɛŋɔ nomɛlbwa ta daa teŋa wejema dɔe ka ja he nɛra baa le bwɛjen Sidon ta nɔ nɛ.”

Josua 11:8

asɛ Korowii den kpɔ ba do Israel tena nɔn ta. Ba pɔ ba nɛɛ dɛ ti ba ka le weekaŋle nyundua bwɛjena ane baa dɛ yera Sidon ne Mesrefɔt Maim, ne wee leebɔr ka le Mispa Fɛlembɔjen ta, hale ba bini beŋkpoŋ kwaraa ta kae.

Mumpar 49:13

Sebulon sobɔree mpo nyoa, o jwɛh ka tel Sidon, ásɛ stiimaere che bela wobɛlbwa aa wola an ɛ.

Mumpar 10:15

Keenan ɡe aa baa kpeɡ la, o lolɛ o bibanloɡle dɛ pa o sɔn Sidon, dɛ lolɛ Hiti tena nabaa ɡe. Ba sɔna nɔɔ ba kpɔ dɛɛ yerɛ ba naanar,

1 Webena 1:16

ne Aavad ne Semari dɛ Hamat tena.

Ɛsekeɛl 28:21

“Nɛwɛnyini bie, eɡle sie ta bwɛjen Sidon dɛ́ bol waa aa dɛ ba o ta bala, ŋɔ