Ɛsekeɛl 27:23 - mzwDBL

²³ Bwɛjena ane baa dɛ yera Haran, ne Kanɛ, ne Eden, ne Seeba, ne Assur dɛ Kelmad ne he di bona. Ba kpɔ laala ba charɛ kwaa he be.

Ɛsekeɛl 27:23 Referans Kwoze

2 Koranar 19:12

N naawa yo harɛre nɛra bane baa le Gosan ne Haran ne Rɛsɛf dɛ chɔɡ ba harɛre, dɛ kpoo Bɛt Eden tena baa soɡe Tɛl Asa, ba voɡare wono lɛɛ ba aa?

Aesaya 37:12

N naawa yo harɛre nɛra bane baa le Gosan ne Haran ne Rɛsɛf, dɛ chɔɡ ba harɛre, dɛ kpoo Bɛt Eden tena baa soɡe Tɛl Asa, ba voɡare wono lɛɛ ba aa?

Emɔs 1:5

Mɛɛ kuuɡi bwɛjen Damaskɔs doonyoa ɡbenii, dɛ́ ir nɛra baa soɡe Bɛn Avɛn Fɛlembɔjen, ne kooro waa dɛ di kora Bɛt Eden. Baa lawɛ Siiria tena laa taa kaa Kir harɛ ta. Men Korowiirii bola.”

Mumpar 10:22

Sɛm bibaala waa lol ba laanee, Elam ne Assur ne Aafaksad ne Lud dɛ Aram.

We-ɛɛla 7:4

Asɛ Abraham ir le o harɛ ta dɛ ka so Haran. O mɛɛ aa sewa habɔɔ laanee Korowii ɡel o ba so harɛ nɔ haa soɡe o ta fini nɔ ta.

Emɔs 6:2

Hé la bwɛjen Kalne ka na, dɛ́ le bela la bwɛjen Hamat, dɛ́ berɛ kaa Filisti tena bwɛjen Gat. Ba ɡwaa he harɛre anɛ nɔ naa? Ba harɛ la kan ɡwaa he kon aa?

Aesaya 10:9

Gɛ maa chɔɡ bwɛjena Kaakɛmes ne Kalno ne Aapad ne Hamat dɛ Damaskɔs la, ɡɛɛ n chɔɡ Samaria ɡe.

Aesaya 7:20

Gɛ saŋ Korowii ɛɛ kpɔ Asiiria koojenii kɛŋɔ nɛn waa dɛ fonɛ dɛ le Yufretis Moo baŋ, ó ba fonɛ he nyumpona ne he tampona dɛ he bwara pona bwa.

Aesaya 7:18

Gɛ saŋ Korowii ɛɛ fooloo yerɛ Ijipt harɛ ta nɛra baa lɔ nee nyoa bojaŋ bá wur ba kɛ chwɛɛhne ken, ne Asiiria tena ba ɡe warɛ ba kɛŋɔ toohna ken.

Yela 83:8

Hale Asiiria tena kpɔ ba bokpeɡa ba ja ba nɛ, dɛ́ ba cha Amɔn ne Moab tena baa ɛ Lɔt naanar la.

Job Tɔn 1:15

asɛ Seba tena ba lɔ jo a bini, dɛ lawa kaa. Ba kpoo n bala la bwa. N ɡboo wona dɔ bɔr chwa, dɛ baa bol he be la!”

Nɛra Kura 24:22

Kɛ ane a bwa, baa pɔ he nɛɛ, ásɛ Asiiria tena lawɛ heyaa laa ta kaa.”

Mumpar 32:22

Awola jwaana ne la, o iro dɛ kpɔ o haahna banɛ Bilha ne Silpa, dɛ o toli banɛ ne o bii fi dɛ beŋkpoŋ la dɛ kpɔ ba le Jabɔk Moo leebɔɔ.

Mumpar 25:3

Joksan ɡe bibaalaa Seeba ne Dedan. Dedan naanaree Assur ne Lɛtos dɛ Leum tena.

Mumpar 12:4

Anomanta, Abram iro dɛ kaa ɡɛ Korowii aa ŋɔ o be la. O lawɛ Lɔt ja o nɛ ba bwa kaa. Waa le Haran ɡɛ saŋ dɛɛ kaa la, dɛ o di bene fifraanuanɛ dɛ anue.

Mumpar 10:10

Bwɛjena waa tɔ sie di o kora a ta laanee, Babelɔn ne Ɛrɛk ne Akad dɛ Kalne aa lɔ Sina harɛ ta.

Mumpar 2:8

A habɔɔ la, Korowii du daa bodɛɛɡe bobɛl baa yerɔ Eden wee leebɔr, dɛ kpɔ baa waa tao la ka so bela.

Ɛsekeɛl 27:24

Ba yoɡ yadɛɛɡa a yoɡ aa kpeɡa tɛɛ, yakɔle ne kwaa baa sɔah, ne kondɛɛɡa baa kpɔa dɛɛ pa harɛ dea, ne jisedɛɛɡa dɛ ɡboɡbie.

Ɛsekeɛl 32:22

Asiiria ne o laa tena ŋwama lɔ bela. Laa taa ba kpoo ba bwa.

Ɛsekeɛl 38:13

Korowii berɔ ŋɔ, “Seeba ne Dedan, dɛ bonadiire baa le Taases ne o bwɛjeɡre ta ɛɛ bɔɔ heyaa ŋɔ, ‘Hɛɛ boa he laa tena nyoa, dɛ́ ba yo dɛ́ pa suuɡaswɛm ne suuɡapoŋa, kondɛɛra ne laala kɛŋɔ laa ta kwaa dɛ́ kaa kɛɛ?’ ”

Mumpar 10:28

ne Obal ne Abemɛl dɛ Seeba tena,