Ɛsekeɛl 23:10 - mzwDBL

¹⁰ Ba wur Ohola laala o che mumɡbal, dɛ lawɛ o bibaala ne bihaahna bwa kaa, dɛ kpoo kere ne. A ɛ waa dɛ chɔ le haahna bwa ɛɛ bol o wa.

Ɛsekeɛl 23:10 Referans Kwoze

Hosia 2:10

Mɛɛ wuruu ó che mumɡbal o sɛnanar la sie, nomɛlbwa aa wola won lɛo le n nɔn ta.

Ɛsekeɛl 23:29

Baa haeh nomanta, baa pa he komɛlbwa haa dɔa bwaa kaa, ásɛ he ka che mumɡbal, nɛra bwa nae kɛŋɔ hanjwamane. He pɛlchɔɡa ne jwamanee

Hosia 2:3

Dɛ ɡɛ laa, mɛɛ wuruu o che muŋɡbal kɛŋɔ awola baa lolɔ la ken. Mɛɛ ɡeloo ó do kɛŋɔ pua hɛŋle ɡbo harɛ, dɛ́ do kɛŋɔ harɛ waa hola, ásɛ nyɔɡre kpoo ó sewɛ.

Ɛsekeɛl 23:48

Gɛɛ mɛɛ ba ɛɛ, dɛ́ ba jwamane ne a jaɡa harɛ la ta, ásɛ a ja haahna ba bɛ ban hweli.

Jeremia 4:30

Jerusalam, he harɛ bwa chɔɡɔ, he do kɛ hanjwamane dɛ do tol-laala, dɛ kpɔ suuɡaswɛm baŋa kwaa ne deŋna kwaa do. Bɔkwaa dɔ kwaa kpɔe ɛ he siebɔr dɛ́ di toli ɔ? He kpɔ kondɛɛɡa dɛɛ kwaa he te pɛɛpɛɛ, he sɛnanar bwa vɛɛh hale dɛɛ nyini dɛ́ kpo.

Ɛsekeɛl 23:18

Bɛlbwa na o we-ɛɛla kɛŋɔ o ɛ hanjwamane. N baah diu n vɛoh ɡɛ maa vɛh o nahaah la.