Ɛsekeɛl 22:18 - mzwDBL

¹⁸ “Nɛwɛnyini bie, Israel tena waa ta tɔnɔ bɛlbwa dɔe dɛ tɛ mɛ kɛŋɔ ba yon kpɔ suuɡapoŋ do nii ta, dɛ mwɛɛlo asɛ ayaawa ne buni, dɛ kpana yon le a ta kɛ doŋa aa wola tɔnɔ dɔe la. Gɛɛ Israel tena ɛ doŋa tɛ mɛ.

Ɛsekeɛl 22:18 Referans Kwoze

Aesaya 1:22

Bwɛɛ he fa aa do kɛŋɔ suuɡapoŋ la, taraken haa were kpa. He fa do kɛŋɔ sendɛɛɡa, kɛ taraken he do kɛŋɔ baa pule nee a ta ken.

Yela 119:119

Nɛnchɔɡa do kɛŋɔ haahra he siwi ta, anomanta, n sie dɛ lɛ he webaɡla ta.

Aesaya 48:10

N do heyaa weweele ta, dɛ daah heyaa na, kɛŋɔ ba yon do suuɡapoŋ nii ta dɛ mwɛɛlo la. Kɛ n nao kɛŋɔ haa siwi su.

Sɛɡla 17:3

Niinii ba kpɔ dɛɛ jemɛ suuɡapoŋ ne suuɡaswɛm kɛŋɔ a wer, ɡɛɛ Korowii ɡe ɛɛ nyiŋi bambile bini.

Ɛsekeɛl 22:20

Gɛ ba yon mwɛɛ suuɡapoŋa ne ayaawa, ne buni dɛ kpana la, ɡɛɛ n banfuih ɛɛ ba heyaa mwɛɛla bwɛjen la bini.

Aesaya 48:4

Dɛ n jemɔ kɛŋɔ he deŋne kpeɡri kɛŋɔ buni, he lwɛɛma do kpeɡri kɛŋɔ bwe.

Aesaya 31:9

Ba koojen ɛɛ ɔmɔɔ dɛ́ chwa, ásɛ ba nomonome baa chɔ laa nyoa la kpɔ ɔmee dɛ́ chwa ɡel ba laa fraŋkaa.” Korowiirii bola. O nii waa kpɔa dɛ fuh saraha kwaa la lɔ Jerusalam Saayɔn Bwejen ta.

Aesaya 1:25

Mɛɛ tɛr he deŋnee kohona, dɛ ɛ heyaa kɛŋɔ ba yon kpɔ suuɡaswɛm do nii ta dɛ laa o doŋa kpɔ o ta la ken.

Sɛɡla 25:4

Laa doŋa kpɔ suuɡapoŋ ta, ásɛ nɛn waa jemɛ a toma kpɔ kwaa kondɛɛɡe.

Ɛsekeɛl 22:17

Anee Korowii berɛ ŋɔ n be ŋɔ,

Ɛsekeɛl 22:19

Anomanta, men Nemenɛ Korowii ŋɔ, ‘Haa wola tɔnɔ bɛlbwa dɔe tɛ mɛ nomanta, Jerusalamee mɛɛ ba he nyoa boara.

Daneɛl 3:6

Nomɛlbwa waa vɛh ɡuŋa dɛ́ duu voɡ la la, baa kpɔɔ ka do nii aa lɔ fononoo binii.”