Ɛsekeɛl 22:13 - mzwDBL

¹³ Mɛɛ lɔ kpaŋa bandia nee dɛ kooɡa ta ba nɛ, ŋwɛɛ ne nɛŋkpoa la wa.

Ɛsekeɛl 22:13 Referans Kwoze

Ɛsekeɛl 21:17

N ɡe ɛɛ lɔ kpaŋaa, ásɛ n bandia la nyoa sɔɔh. Men Korowiirii bola.’ ”

Aesaya 33:15

Nɛra ba wa aa toɡraa dɛɛ bol kasinteŋ, baa wola ba kpeɡri ta cheɡɛ hamɛ nɛra dɛɛ dɔ kwa. Nɛra ba sie aa wola lɛ kɛ ba yaɡ ba sen, dɛ laa ba te dɛɛ kpɔ nɛŋkpoa waa ta, dɛɛ lawɛ ba te kɛŋɔ baa wechɔɡaa ɛ la.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 21:14

Nɛwɛnyini bie, bol waa aa dɛ ba bala n sɔn ta, dɛ́ lɔ kpaŋa sibeɡra ne. Gel kere la ŋwɛnɛ keraanɛ, ó ŋwɛnɛ keraatoro kwara. O ɛ kere waa do ɔma dɛ́ won kpo.

1 Tesalonika 4:6

Nomɛlbwa bɛ o dɔŋ nɛɛ jo a ɡɛ waa nɔ ta, dɛkalkɛ Korowii ɛɛ tɛr nɛra baa dɛ ɛ ɡɛ la deŋnee, ɡɛ yaa ja heyaa loɡla la ŋɔ hé nyiŋi a ta kɛrɛdɛ la.

Emɔs 3:10

Korowii ŋɔ, “Baa jemɛ waa aa wera la ɛ. Ba cheɡɛ laa ta, dɛ che laala su ba dekpeɡa bini.”

Sɛɡla 28:8

Nɛn waa dɛ kemɛ nɛra suuɡa, dɛ lɛ a nee kohona dɛ dɔ kondɔɔh la, o lɛa dɛɛ tɛ nɛn waa dɛ na nyaara sum.

Nɛra Kura 24:10

Ate, Kooro Balak baah di Balam nɛ. O ume nɔɔra lɔ dɔŋa kohona dɛ ŋɔ o be ŋɔ, “N dɔma taahna waa n ka kpɔe ba, kɛ he berɔ swee ba andɛɛɡa kera atoro bwa.

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Ɛsekeɛl 21:19

“Nɛwɛnyini bie, bil ŋwɛnɛre anɛ ásɛ Babelɔn kooro kpɔ o kere kpɔ a ta ba. A ɛ ŋwɛnɛre aa le harɛ beŋkpoŋ ta, dɛ́ pa daa o baɡle bela ŋwɛnɛre anɛ la aa pera kaa.