Ɛsekeɛl 21:22 - mzwDBL

²² O kpoŋe hɛm o nɔndiɡ ta dɛɛ ba tae do Jerusalam. A dɛ chaɡle kɛŋɔ o dɛ ba dajaŋa kpɔe ba teɡli doonyojena la ta, dɛ do laa lɔŋɔ, dɛ kwi sɔɔhbɔra bɔɔne, dɛ ma kon baa che o ta dɛ́ jo bwɛɛ la ta dɛ́ kpoo ba.

Ɛsekeɛl 21:22 Referans Kwoze

Ɛsekeɛl 4:2

Ásɛ he ma teera sawɛ danjwɛɛ la, dɛ́ kpɔ bwejeɡre baro, á che tɛ kwaa dɔma aa won che a ta teeh jo bwɛɛ la ta. Ɛ bwejeɡre á che tɛ dɔma la tɛnte deene, dɛ́ kpɔ dakpeɡa baa dɛ ba wona kpɔ kuuɡi danjwɛɛ waa bar bwɛɛ la baro.

Ɛsekeɛl 26:9

Mɛɛ ɡeloo bá kpɔ dakpeɡa chuɡe ba danjwɛɛre ta, dɛ́ kpɔ dɔmkwaa chɔɡ ba dejaŋa ɡe.

Jeremia 52:4

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

Jeremia 51:14

Koranar Bwa Kooro ŋwɛɛ o ɡbaɡba ŋɔ, “Mɛɛ kpɔ laa tena baa wara kɛŋɔ tontombɛɛ bá yo heya, ásɛ dɛ pɔ he nɛɛ dɛɛ moo silɛɛ ne.”

Jeremia 33:4

Jerusalam deene ne Juda koodem bwa ɛɛ kuuɡuu, dɛ́ le nɛra baa baa chɔ baro dɛ yoo la wa.

Jeremia 32:24

Babelɔn tena ma kwaa baa che a ta dɛ́ jo bwɛjen la bini bar o bwa, dɛ́ yoo ba dɛ́ pɔ ba nɛ. Hale ba pa mun kwara. Laa ne lɔr dɛ weela ɛɛ ɡeloo bá pɔ ba nɛɛ warane. He ɡbabir nao kɛŋɔ waa haa bola la ɛ ɡɛ.

Job Tɔn 39:25

Ba hoh bɛla aa, dɛ o sio. O won laa ɡbɔɡa noe dɛ le bojaŋ, laa nomonome nyɛɡa baa dɛ nyɛɡ ne lɔŋɔre baa dɛ do laa ta.

1 Samoɛl 17:20

Tɔ aa pera chɔmbibi la, Devid ɡel peera la tɛ peteɡre bɛl, dɛ kpɔ o bone chiɡ ŋwɛnɛ ta kaa, ɡɛ o mɛɛ aa ŋɔa la. Waa tel bela baa soɡa la, dɛ laa tena la ɡe deno le dɛɛ kaa bela baa dɛ la ka yo laa la, dɛɛ dooɡe laa lɔŋɔre.

Josua 6:20

Bɛle la aa sia la, nɛra la do lɔŋɔre kohona asɛ danjwɛɛ baa maa bar bwɛjen la den kuuɡi kwaraa. Ate, laa tena la den jo bwɛjen la ta dɛ lɛ bwɛɛ la bwa dɔɔh.

Josua 6:10

Dɛ Josua kah ba ŋɔ, “He bɛ lɔŋɔre do, hé hel, hɛ́ɛ berɛ wobɛlbwa bola ka tel kɛŋɔ tɔpere maa ŋɔ he be ŋɔ hé do lɔŋɔre mɔɔ he do!”

2 Koranar 25:1

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam, dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

Jeremia 4:16

Taa la ŋɔ, “Ŋɔ ɡɛ waa nɔ harɛre nɛra be, dɛ́ bola Jerusalam ɡe be ŋɔ, ‘Laa tena baa wara le bojaŋ harɛ ta dɛɛ ba, dɛɛ dooɡe laa lɔŋɔre dɛ́ ba yo Juda harɛ bwɛjena.

Ɛsekeɛl 26:8

Mɛɛ ɡeloo ba kpoo nɛra baa soɡe bwɛɛre aa lɔ Taaya harɛ la ta bwa keri ne. Baa ma teeraa sawɛ ba danjwɛɛ la, dɛ́ che a ta dɛ́ kpɔ kwaa tɔ ɡbemɡbe, dɛ́ yoo ba.

Emɔs 1:14

Mɛɛ ɡeloo nii ba fuh danjwɛjena aa bar bwɛjen Raba dɛ́ chɔɡ ba dekpeɡa. Dɔma ɛɛ do lɔŋɔree dɛ́ ba yoo ba awola, kɛŋɔ kawulewule aa dɛ ta ken.

Ɛsekeɛl 5:12

He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.

Ɛsekeɛl 5:13

N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.