Ɛsekeɛl 20:5 - mzwDBL

⁵ dɛ́ ŋɔ Israel tena be ŋɔ men Nemenɛ Korowii bolɔ ŋɔ, ‘Awola maa le Israel tena tɛ n te la, n ir nɔn dɛ ŋwɛɛ baɡle Jekɔb naanar, dɛ kpɔ n te baɡ ba Ijipt harɛ ta kɛ menee Korowii baa dɛ tom mɛ la.

Ɛsekeɛl 20:5 Referans Kwoze

Ɛsekeɛl 47:14

Bɔno kɛrɛdɛ bɛlbwa dɔ o kon, dɛkalkɛ n ir nɔn dɛ ŋwɛɛ kɛŋɔ he naawaa n kpɔ harɛ nɔ tɛ. Harɛ nɔɔ dɛ́ ɛ he kapɛrɛ kon.

Ɛsekeɛl 20:23

N berɔ ir nɔn, dɛ ŋwɛɛ baɡ ba pua hɛŋle ɡbo harɛ ta bela kɛŋɔ, mɛɛ lɔ baa peɡre harɛ nɔ ta bwa,

Ɛsekeɛl 20:15

N berɔ ir nɔn pua hɛŋle ɡbo harɛ ta bela, dɛ ŋwɛɛ baɡ ba kɛŋɔ, maa ban kpɔ ba harɛ maa kpɔa tɛɛ ba la ta, harɛpare ondɛɛɡe dɛ ɡwaa harɛ bɛlbwa,

Mmarare 7:6

Dɛkalkɛŋɔ he do ɡoroŋ dɛ tɛ Korowii haa dɛ tomɔ. Onee le heyaa cheɡ tɛ o te le harɛre nɛra bwa bini, dɛ kpɔ heyaa ɛ o nɛra he waa ɛɛ su o siwi.

Kaala 4:31

asɛ ba yaradao. Baa noa kɛŋɔ Korowii na ɡɛ baa dɛ ɛɛ ba hɔhɔrɔwa asɛ ba waa hiaoh kohona la, ba ɡuŋo dɛ duuru.

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Mumpar 14:22

Anee Abram chaŋo ŋɔ, “N ŋwɛɛ ntam, Nemenɛ Korowii waa ta nyundua ne harɛ la sie kɛŋɔ,

Wepila 10:5

Asɛ n berɛ na nyundua torome la n fa aa nao o naa bɛl do mpo ta, bɛl ɡe che baŋ la aa tɛr o nɔndiɡ pa nyundua,

Amanesoma Mak Aa Chwera Tɔn 13:20

Dɛ Korowii fe ta tɔpera la ane teŋe ta aa, nomɛlbwa fe aa o nyuu dɔ. Kɛ o koh o nɛra waa chal ba dɛ lɛɛ ba ba teŋɛ o nɛɛ la waa dɛ teŋe tɔpechɔɡa la ane ta.

Ɛsekeɛl 35:11

Anomanta, men Nemenɛ Korowii, n ŋwɛɛrɔ kɛŋɔ n taa lole nɔ, mɛɛ bɔ heyaa kemee he bandia ne meera, dɛ haeh haa hah n nɛra la wa. Ásɛ ba jemɛ kɛŋɔ menee dɛɛ tɛr he deŋne waa haa ɛɛ ba la wa.

Jeremia 33:24

“He ta noɛ kɛŋɔ nɛra nɔ aa dɛ bol ŋɔ, men Korowii vɛh Israel ne Juda tena maa lee ba tɛ n te la aa? Ba hah n nɛra, dɛɛ nyiŋi ba nyubaahna, baa wola ban komɛl yerɛ, dɛɛ lii ba harɛfale bɛl nɛra.

Aesaya 43:10

Korowii ŋɔ, “Israel tena, heyaa n danseɛre, n le heyaa kɛŋɔ n bonɔɔna ásɛ he jem mɛ dɛ́ yarada mɛ dɛ́ no a mun kɛŋɔ n ɡboo lole. N sie, Dɔɔ bɛlbwa toole, á ba ɛ kɛŋɔ n habɔɔ bɛl ta dɛ ba bala.

Yela 103:7

O kpɔ o waa baɡle Mosis, dɛ ɡel Israel tena na o wejena waa dɛ ɛ.

Yela 33:12

Harɛ bɛlbwa nɛra baa kpɔ Korowii dɛɛ tomɔ, o lee ba tɛ o te la, ba na som.

Mmarare 32:40

Maa dɔa ɛ Korowii maa wola sewɛ nɔ, n ir nɔn dɛɛ ŋwɛɛ

Mmarare 14:2

He ɛ Korowii nɛra dɛ do ɡoroŋ, onee le heyaa le harɛ nɔ nɛra bwa bini dɛ kpɔ heyaa ɛ o ɡbaɡba nɛra he wa ɛɛ su o siwi.

Mmarare 4:37

Nyina waa dɛ nyin he naawa nomanta, o le heyaa tɛ o te dɛ che o kpeɡri kohona waa dɔa ta dɛ ɡbaɡba ja he nɛɛ dɛ le he ne Ijipt harɛ ta.

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

Kaala 6:2

Korowii berɔ ŋɔ Mosis be ŋɔ, “Menee Korowii.

Kaala 3:16

La ka cheme Israel nomonome dɛ́ ŋɔ ba be ŋɔ, ‘Korowii he naawa Abraham ne Aesek ne Jekɔb aa tomɔ la ba n be dɛ ba ŋɔ, o nyiŋo, dɛ na ɡɛ baa dɛ ɛ heyaa hɔhɔrɔwa Ijipt harɛ.

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Wepila 10:6

dɛ ŋwɛɛ Korowii waa lole saŋ bɛlbwa dɛ ta nyundua ne harɛ ne kwa aa lɔ a ta bwa, dɛ ta mpo ne kwa aa lɔ o ɡe ta la, dɛ ŋɔ, “Aa biɡri kpa.

Kaala 6:3

Men kpɔ n te baɡle Abraham ne Aesek dɛ Jekɔb kɛ Menee Kpeɡri Bwa Dɔɔ la. Kɛ n ta ɡelɛ ba jemɛ n sɔn waa do ɡoroŋ la te.

Kaala 6:8

N baɡɛ Abraham ne Aesek dɛ Jekɔb nyoa kpeɡri nɛ harɛ maa ŋɔa mɛɛ kpɔɔ tɛɛ ba la wa. Mɛɛ kpɔɔ tɛ heya ó ɛ he kon pi. Men Korowii bola.’ ”

Lewi Dea Tena 18:2

ó bol Israel tena la be ŋɔ, “Menee Korowii haa dɛ tom mɛ la.

Ɛsekeɛl 16:8

A habɔɔ n berɔ fɛrɛ ba kaa, dɛ na kɛŋɔ namete he kpeɡo kohona kɛŋɔ he yalɛ, asɛ n paɡri n yal nyoa tɔ he nɛ, he ta mumɡbal cheɡɛ kpa. N ŋwɛɛrɔ baɡle asɛ n ne he fɔwɛ fɔo he berɛ n haah. Men Nemenɛ Korowiirii bola.

Daneɛl 12:7

Nyundua torome la ir nɔɔra anɛ bwa nyundua, asɛ n no ɡɛ waa ŋwɛɛ Korowii Waa Lole Saŋ Bɛlbwa sɔn ta ŋɔ, “Aa ɛ bene atoro ne faah. Gɛ saŋ nɛra baa teŋɛ Korowii nɛɛ bonyɛɡa aa ba a jaɡa la, dɛ waa nɔ bwa ɡe chiɡo.”

Mmarare 7:7

Wara laa he warɛ Korowii koh a waa nyin heyaa dɛ le heyaa kɛ o nɛra, heyaa fe wola kanɛ kwaraa.

1 Koranar 18:39

Nɛra la aa na ɡɛ la, ba cholo dɛ kpɔ sie piiɡi harɛ, dɛɛ dooɡe lɔŋɔre ŋɔ, “Korowiirii ya Dɔɔ! O ɡbosoroo chɛ toma!”

Ɛsekeɛl 34:24

Men Korowiirii dɛ́ ɛ Korowii baa tom mɛ, ásɛ kooro waa do kɛ n bonɔɔ Kooro Devid ɛ ba kooro. Men Korowiirii bola.