Ɛsekeɛl 20:3 - mzwDBL

³ “Nɛwɛnyini bie, ŋɔ Israel nomonome la be kɛŋɔ men Nemenɛ Korowii ŋɔ, ‘He balɔ dɛ́ ba bɔɔ dɛ́ na waa aa le n be kɛɛ? N ŋwɛɛrɔ kɛŋɔ maa lole saŋ bɛlbwa nɔ, maa ɡel he pɛɛ mɛ wobɛlbwa. Men Nemenɛ Korowiirii bola.’

Ɛsekeɛl 20:3 Referans Kwoze

Maeka 3:7

Nɛra baa dɛ na waa chaahna ta, ne voɡra bwa dɛ ba sihiih dii. Ba bwa ɛɛ kpɔ nɔɔraa tɔ sie, dɛkalkɛ Korowii aa ban chaŋe.”

Sɛɡla 28:9

Dɛ he vɛh Mmara ta teŋa aa, Korowii kii he wesoŋa.

Amanesoma Jɔn Aa Chwera Tɔn 4:24

Korowii ɛ lileo. Anomanta, dɛ ya dɛ tomɔ waa, yá che o Domadɛɛɡe kpeɡri ta dɛ́ kpɔ kasinteŋ dɛɛ tomɔ bambile bini.”

Amanesoma Luk Aa Chwera Tɔn 3:7

Belaa Jɔn ŋɔ nɛnlaa baa lea ba o be ŋɔ ó sɔ ba nee la be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa! Umee ŋɔ he be ŋɔ hɛɛ wonoo chwa le Korowii bandia ta nɔ?

Matiu 3:7

Jɔn aa naa kɛ Farisii ne Saduki tena ɡe warɔ dɛɛ ba o be ó sɔ ba Korowii nee la, o ŋɔ ba be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa la! Umee ŋɔ he be ŋɔ hɛɛ wonoo chwa le Korowii bandia ta nɔ?

Ɛsekeɛl 20:31

Ba le fini, he ta lawɛ he bii kaa ɛ sarahare voɡa la ta baa fuuh ba, dɛ kpɔ doŋa dɛɛ kah he te. He ta teŋɔ dɛɛ nyin waa dɛ́ no le n be. N ŋwɛɛrɔ kɛŋɔ Men Nemenɛ Korowii taa lole nɔ, maa ɡel he pɛɛ wobɛlbwa le n be.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Aesaya 1:12

He dɛ ba dɛ́ ba tom mɛ naa, umee ŋɔa he ba nɔ? Bɔkwaa dɔ n soŋnibɔr ba tiɡra ɔ?

Sɛɡla 21:27

Korowii kii nɛnchɔɡe saraha, n baa bol kɛŋɔ haa kpɔ liichɔɡa ɛa.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

1 Samoɛl 28:6

O bɔɔrɔ le Korowii be dɛ na ɡɛ o fe aa ɛ, kɛ Korowii ta on chaŋɛ deera ta kɛɛ Urim ne Tumim waa ɛ komɛl baa cheɡɛ o ta dɛɛ jemɛ waa aa wera Korowii be, kɛɛ Korowii keamere be.

Ɛsekeɛl 20:2

Belaa Korowii bol waa n be ŋɔ,

Ɛsekeɛl 33:30

Kɛ hen Nɛwɛnyini bie, he nɛra la lawɛ dɔŋa pɛl bwɛjen la danjwɛɛ ne ba doonyoo dɛɛ bol he waa ŋɔ, ‘Hé ba yá ka no waa aa le Korowii be.’

Emɔs 8:12

Nɛra ɛɛ ɡaaɡoo le weekaŋle nyunduabɔr, dɛ́ ba kaa weekaŋle harɛbɔr, ne wee leebɔr dɛ́ ba kaa wee cholibɔr, dɛɛ nyin Korowii waa la dɛ́ no, kɛ baa dɔ no.

Aesaya 58:2

Ba dɛ tom mɛ tɔpere bɛlbwa, dɛɛ nyin n ŋwɛnɛre dɛ jemɛ, dɛɛ ɛ kɛŋɔ ba waa toɡrɔ, á do kɛŋɔ ba ta Korowii Mmarare vɛɛh. Ba dɛ soŋe waa aa toɡra n be, dɛɛ nyin kɛ n bɛn ba.”

Ɛsekeɛl 14:1

Israel nomonome la bane ba men Ɛsekeɛl be, dɛ ba bɔɔ mɛ waa Korowii aa dɛ nyin.